‘ಅಭಿಯಾನದಡಿ ಫೇಸ್ಬುಕ್, ಟ್ವಿಟರ್‌, ವಾಟ್ಸ್‌ಆ್ಯಪ್‌, ಯೂಟ್ಯೂಬ್‌ನಲ್ಲಿ ಹಲವು ಖಾತೆಗಳನ್ನು ತೆಗೆದು, ಇದರ ಮುಖಾಂತರ ದೇಶದ್ರೋಹ ಚಟುವಟಿಕೆ ನಡೆಸಲಾಗುತ್ತಿದೆ. ಜೊತೆಗೆ ಪ್ರಾದೇಶಿಕತೆ ಹಾಗೂ ಧರ್ಮದ ಹೆಸರಿನಲ್ಲಿ ದ್ವೇಷವನ್ನು ಬಿತ್ತುವ ಕೆಲಸವೂ ನಡೆದಿದೆ. ಶಾಂತಿ ಮತ್ತು ಸಾರ್ವಭೌಮತೆಗೆ ಧಕ್ಕೆ ತರಲು ಈ ಖಾತೆಗಳ ಮುಖಾಂತರ ಭಾರತೀಯ ಸೇನೆಯಲ್ಲಿರುವ ಸಿಖ್‌ ಸಿಬ್ಬಂದಿಯನ್ನು ಹಾಗೂ ಕಾಶ್ಮೀರದ ಯುವಜನರನ್ನು ತೀವ್ರವಾದಿಗಳನ್ನಾಗಿಸಲು ಪ್ರೇರೇಪಿಸುತ್ತಿದ್ದವು. ಉಗ್ರ ಚಟುವಟಿಕೆಗಳಿಗೆ ಈ ಮೂಲಕವೇ ಹಣ ಸಂಗ್ರಹಿಸಲಾಗುತ್ತಿದೆ’ ಎಂದು ಎನ್‌ಐಎ ತಿಳಿಸಿದೆ.
