ಒಡಿಸ್ಸಿ ನೃತ್ಯ ಕಲಾವಿದೆ ಲಕ್ಷ್ಮಿಪ್ರಿಯಾ ಮೊಹಾಪಾತ್ರ ನಿಧನ
ಅಕ್ಷರ ಗಾತ್ರ :ಆ |ಆ |ಆ
ಭುವನೇಶ್ವರ: ಒಡಿಸ್ಸಿ ನೃತ್ಯದ ದಂತಕತೆ ಕೇಳುಚರಣ ಮೊಹಾಪಾತ್ರ ಅವರ ಪತ್ನಿ ಹಾಗೂ ಒಡಿಸ್ಸಿ ನೃತ್ಯ ಕಲಾವಿದೆ ಲಕ್ಷ್ಮಿಪ್ರಿಯಾ ಮೊಹಾಪಾತ್ರ (86) ಶನಿವಾರ ಮಧ್ಯರಾತ್ರಿ ಇಲ್ಲಿನ ತಮ್ಮ ಮನೆಯಲ್ಲಿ ನಿಧನರಾದರು.
ಅವರು ವಯೋಸಹಜ ಕಾಯಿಲೆಗಳಿಂದ ಬಳಲುತ್ತಿದ್ದರು. ಅವರಿಗೆ ಪುತ್ರ ರತಿಕಾಂತ್ ಮೊಹಾಪಾತ್ರ ಹಾಗೂ ಸೊಸೆ ಸುಜಾತಾ ಮೊಹಾಪಾತ್ರ ಇದ್ದಾರೆ. ಇಬ್ಬರೂ ಒಡಿಸ್ಸಿ ನೃತ್ಯಗುರುಗಳಾಗಿದ್ದಾರೆ.
ಪುರಿಯ ಅನ್ನಪೂರ್ಣ ಥಿಯೇಟರ್‌ನಲ್ಲಿ ಚಿಕ್ಕ ವಯಸ್ಸಿನಲ್ಲಿ ನೃತ್ಯಜೀವನವನ್ನು ಆರಂಭಿಸಿದ ಲಕ್ಷ್ಮಿಪ್ರಿಯಾ ಅವರು, ಕಟಕ್‌ನಲ್ಲಿರುವ ಅನ್ನಪೂರ್ಣ ಥಿಯೇಟರ್–ಬಿನಲ್ಲಿ ಕೇಳುಚರಣ ಮೊಹಾಪಾತ್ರ ಅವರ ಸಂಪರ್ಕಕ್ಕೆ ಬಂದರು. ಕೇಳುಚರಣ ಅವರು ಒಡಿಸ್ಸಿ ಮತ್ತು ಗೋಟಿಪುವಾ ನೃತ್ಯಪ್ರಕಾರಗಳಲ್ಲಿ ಪರಿಣತಿ ಸಾಧಿಸಿದ್ದರೂ ಥಿಯೇಟರ್‌ನಲ್ಲಿ ತಬಲಾ ವಾದಕರಾಗಿದ್ದರು. 1947ರಲ್ಲಿ ಕೇಳುಚರಣ ಅವರನ್ನು ವಿವಾಹವಾದ ನಂತರ ಲಕ್ಷ್ಮಿಪ್ರಿಯಾ ತಮ್ಮ ನೃತ್ಯಜೀವನವನ್ನು ತೊರೆದರು. ಒರಿಯಾ ಭಾಷೆಯ ನಾಲ್ಕು ಚಿತ್ರಗಳಲ್ಲೂ ಲಕ್ಷ್ಮಿಪ್ರಿಯಾ ನಟಿಸಿದ್ದಾರೆ.
ಇದನ್ನೂ ಓದಿ... ಅನಿಲ್‌ ದೇಶಮುಖ್‌ ವಿರುದ್ಧ ಪರಮ್‌ ಬೀರ್‌ ಸಿಂಗ್‌ ಆರೋಪಗಳು ಗಂಭೀರ: ಶರದ್‌ ಪವಾರ್‌
ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
