ಆನ್ಲೈನ್ ಯೋಗ ತರಗತಿಗಳಿಗೆ ಹಾಜರಾದ ಕೋವಿಡ್ ರೋಗಿಗಳಲ್ಲಿ ಚೇತರಿಕೆ: ಅಧ್ಯಯನ
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ಮನೆಯಲ್ಲೇ ಪ್ರತ್ಯೇಕ ವಾಸದ ಸಂದರ್ಭದಲ್ಲಿ ಆನ್ಲೈನ್ ಯೋಗ ತರಗತಿಗಳಿಗೆ ಹಾಜರಾದ ಕೋವಿಡ್ ಸೋಂಕಿತರ ಪೈಕಿ ಶೇ 92ರಷ್ಟು ಮಂದಿಯಲ್ಲಿ ತಕ್ಷಣದ ಚೇತರಿಕೆ ಕಂಡುಬಂದಿದೆ ಎಂದು ಅಧ್ಯಯನ ವರದಿ ತಿಳಿಸಿದೆ.
‘ದೆಹಲಿ ಔಷಧ ವಿಜ್ಞಾನಗಳು ಮತ್ತು ಸಂಶೋಧನಾ ವಿಶ್ವವಿದ್ಯಾಲಯ (ಡಿಪಿಎಸ್‌ಆರ್‌ಯು)’ ಅಧ್ಯಯನ ನಡೆಸಿತ್ತು.
ಮನೆಯಲ್ಲೇ ಪ್ರತ್ಯೇಕ ವಾಸದಲ್ಲಿರುವ ಕೋವಿಡ್ ರೋಗಿಗಳಿಗಾಗಿ ದೆಹಲಿ ಸರ್ಕಾರವು ಉಚಿತ ಆನ್ಲೈನ್ ಯೋಗ ತರಗತಿಗಳನ್ನು ನಡೆಸುತ್ತಿದೆ. ಹೀಗೆ ತರಗತಿಗೆ ಹಾಜರಾದವರ ಪೈಕಿ ಕನಿಷ್ಠ ಶೇ 88.9 ಮಂದಿ ಉಸಿರಾಟದ ಸಮಸ್ಯೆ ಕಡಿಮೆಯಾಗಿರುವುದಾಗಿ ಹೇಳಿದ್ದಾರೆ ಎಂದು ಅಧ್ಯಯನ ತಿಳಿಸಿದೆ.
ಕೋವಿಡ್ ಸಂಬಂಧಿತ ಸಾವುಗಳ ಕುರಿತ ಅಪಪ್ರಚಾರ ನಂಬಬೇಡಿ: ಸಚಿವ ಸುಧಾಕರ್‌
‘ಯೋಗವನ್ನು ದಿನಚರಿಯ ಭಾಗವಾಗಿ ಮಾಡುವ ನಮ್ಮ ಉಪಕ್ರಮವನ್ನು ಜನರು ಹೃತ್ಪೂರ್ವಕವಾಗಿ ಸ್ವೀಕರಿಸಿರುವುದು ಕೋವಿಡ್ ರೋಗಿಗಳ ಮೇಲಿನ ಅಧ್ಯಯನದಿಂದ ತಿಳಿದುಬಂದಿದೆ. ಕೋವಿಡ್ ಸಂದರ್ಭದಲ್ಲಿ ಸೋಂಕಿತರಿಗೆ ದೈಹಿಕವಾಗಿ ಮತ್ತು ಮಾನಸಿಕವಾಗಿ ಚೇತರಿಸಿಕೊಳ್ಳಲು ನೆರವಿನ ಅಗತ್ಯವಿದೆ. ಹೆಚ್ಚಿನ ರೋಗಿಗಳು ಏಕಾಂಗಿತನ ಮತ್ತು ಪ್ರತ್ಯೇಕವಾಸದಿಂದ ತೊಂದರೆ ಅನುಭವಿಸುತ್ತಿದ್ದಾರೆ. ಇಂಥ ಸಂದರ್ಭದಲ್ಲಿ ನಮ್ಮ ಯೋಗ ತರಬೇತುದಾರರು ಅವರ (ಸೋಂಕಿತರ) ಜತೆಗಿರುತ್ತಾರೆ’ ಎಂದು ದೆಹಲಿಯ ಉಪ ಮುಖ್ಯಮಂತ್ರಿ ಮನೀಶ್ ಸಿಸೋಡಿಯಾ ಹೇಳಿದ್ದಾರೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
