ಸ್ಥಳೀಯ ಸಂಪ್ರದಾಯಗಳನ್ನು ಬಳಸಿಕೊಂಡು ಲಸಿಕೆ ನೀಡಿಕೆ ವೇಗ ಹೆಚ್ಚಿಸಲು ಮೋದಿ ಸಲಹೆ

ಹಿಮಾಚಲ ಪ್ರದೇಶ ಹಳ್ಳಿಯೊಂದರಲ್ಲಿ ಲಸಿಕೆ ಹಿಂಜರಿಕೆ ನಿವಾರಣೆಗೆ ಸ್ಥಳೀಯ ದೇವತೆಯನ್ನು ಆವಾಹಿಸಿದ್ದ ವಿಚಾರವನ್ನು ಮೋದಿ ಉಲ್ಲೇಖಿಸಿದ್ದಾರೆ.

ಹಿಮಾಚಲ ಪ್ರದೇಶದ ಆರೋಗ್ಯ ಕಾರ್ಯಕರ್ತರೊಂದಿಗೆ ಸಂವಾದ ನಡೆಸಿದ ಪ್ರಧಾನಿ, ರಾಜ್ಯದಲ್ಲಿನ ಕೋವಿಡ್‌ ಲಸಿಕೆ ಕಾರ್ಯಕ್ರಮದ ಪ್ರಗತಿಯ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಓದಿ:ಭಾರತದ ಕೋವಿಡ್ ಲಸಿಕೆಗಳು ಸುರಕ್ಷಿತ: ಸಮೀಕ್ಷೆಯಲ್ಲಿ ಶೇ 72ರಷ್ಟು ಮಂದಿ ಅಭಿಪ್ರಾಯ

‘ಲಸಿಕೆ ನೀಡಿಕೆಯ ವೇಗ ಹೆಚ್ಚಿಸುವುದರಿಂದ ಯುವಕರ ಉದ್ಯೋಗದ ಮೂಲವಾಗಿರುವ ಪ್ರವಾಸೋದ್ಯಮಕ್ಕೂ ಪ್ರಯೋಜನವಾಗಲಿದೆ’ ಎಂದು ಮೋದಿ ಹೇಳಿದ್ದಾರೆ.

ಲಸಿಕೆ ಕುರಿತ ಹಿಂಜರಿಕೆಗಳನ್ನು ಹೋಗಲಾಡಿಸಲು ಕೈಗೊಂಡಿರುವ ಕ್ರಮಗಳ ಬಗ್ಗೆ ಆರೋಗ್ಯ ಕಾರ್ಯಕರ್ತರು ಪ್ರಧಾನಿಯವರ ಜತೆ ಮಾಹಿತಿ ಹಂಚಿಕೊಂಡಿದ್ದಾರೆ.

ಓದಿ:ಭಾರತದಲ್ಲಿ ನಿತ್ಯ 1.25 ಕೋಟಿ ಕೋವಿಡ್ ಲಸಿಕೆ ಹಂಚಿಕೆ: ಪ್ರಧಾನಿ ನರೇಂದ್ರ ಮೋದಿ

ಹಿಮಾಚಲದ ಮಲಾನಾ ಗ್ರಾಮದಲ್ಲಿ, ಸ್ಥಳೀಯ ದೇವತೆಯನ್ನು ಆವಾಹಿಸಿ ಲಸಿಕೆ ಹಾಕುವ ಅಭಿಯಾನಕ್ಕಾಗಿ ದೇವತೆಯ ಅನುಮೋದನೆಯನ್ನು ಪಡೆಯಬೇಕಾಗಿತ್ತು ಎಂದು ಆಶಾ ಕಾರ್ಯಕರ್ತೆ ನಿರ್ಮಾ ದೇವಿ ಸಂವಾದದ ವೇಳೆ ಪ್ರಧಾನಿಯವರಿಗೆ ತಿಳಿಸಿದರು.

ಇದನ್ನೇ ಪ್ರಸ್ತಾಪಿಸಿದ ಮೋದಿಯವರು, ಸ್ಥಳೀಯ ಸಂಪ್ರದಾಯಗಳನ್ನು ಬಳಸಿಕೊಂಡು ಲಸಿಕೆ ನೀಡಿಕೆ ವೇಗ ಹೆಚ್ಚಿಸುವ ಬಗ್ಗೆ ಸಲಹೆ ನೀಡಿದ್ದಾರೆ.

ಓದಿ:ಫೈಜರ್‌ ಲಸಿಕೆ ಪಡೆದವರಲ್ಲಿ 6 ತಿಂಗಳ ಬಳಿಕ ಪ್ರತಿಕಾಯ ಕ್ಷೀಣ