ವಿಡಿಯೊ: ವ್ಯಕ್ತಿಗೆ ಹೊಡೆದು, ಹಲ್ಲೆ ಮಾಡಿದ ಪಂಜಾಬ್ ಕಾಂಗ್ರೆಸ್ ಶಾಸಕ ಜೋಗಿಂದರ್
ಚಂಡೀಗಡ: ತಮ್ಮ ಗ್ರಾಮದಲ್ಲಿ ಏನು ಕೆಲಸ ಮಾಡಿದ್ದೀರಿ ಎಂದು ಪ್ರಶ್ನಿಸಿದ ವ್ಯಕ್ತಿಯೊಬ್ಬರಿಗೆ ಪಂಜಾಬ್‌ನ ಕಾಂಗ್ರೆಸ್ ಶಾಸಕ ಜೋಗಿಂದರ್ ಪಾಲ್ ಹೊಡೆದು, ಹಲ್ಲೆ ಮಾಡಿದ ವಿಡಿಯೊವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಅವರ ಜತೆ ಭದ್ರತಾ ಸಿಬ್ಬಂದಿಯೂ ವ್ಯಕ್ತಿಗೆ ಹೊಡೆಯುತ್ತಿರುವ ದೃಶ್ಯ ವಿಡಿಯೊದಲ್ಲಿದೆ.
Congress MLA Joginder Pal from Bhoa assembly seat in Pathankot district of Punjab beat up a youth along with his Punjab Police security men because the youth dared to ask him a question about his work in last 4.5 years in power.
— Aditya Raj Kaul (@AdityaRajKaul) October 20, 2021
Video: @ghazalimohammad
pic.twitter.com/D38tXaZ8nZ
ವಿಡಿಯೊದಲ್ಲೇನಿದೆ?: ಪಠಾಣ್‌ಕೋಟ್ ಜಿಲ್ಲೆಯ ಭೊವಾ ಕ್ಷೇತ್ರದ ಶಾಸಕ ಜೋಗಿಂದರ್ ಪಾಲ್ ಜನರನ್ನು ಉದ್ದೇಶಿಸಿ ಮಾತನಾಡುತ್ತಿರುವಾಗ ಹರ್ಷ ಕುಮಾರ್ ಎಂಬುವರು ಅವರ ಬಳಿ ಬರಲು ಯತ್ನಿಸಿದ್ದು, ಭದ್ರತಾ ಸಿಬ್ಬಂದಿ ತಡೆದಿದ್ದಾರೆ. ಆಗ ಅವರನ್ನು ಬಳಿ ಬರಲು ಬಿಡುವಂತೆ ಭದ್ರತಾ ಸಿಬ್ಬಂದಿಗೆ ಶಾಸಕ ಸೂಚಿಸಿದ್ದಾರೆ. ಬಳಿಗೆ ಬಂದ ಹರ್ಷ ಅವರ ಕೈಗೆ ಮೈಕ್ ನೀಡಿ ಮಾತನಾಡಲು ಅವಕಾಶ ನೀಡಿದ್ದಾರೆ. ಆಗ ಮಾತನಾಡಿದ ಹರ್ಷ, ‘ಶಾಸಕನಾಗಿ ನಿಮ್ಮ ಅವಧಿಯಲ್ಲಿ ಏನು ಕೆಲಸ ಮಾಡಿದ್ದೀರಿ’ ಎಂದು ಪ್ರಶ್ನಿಸಿದ್ದಾರೆ. ಕೂಡಲೇ ಕುಪಿತರಾದ ಶಾಸಕರು ವ್ಯಕ್ತಿಯ ಕೆನ್ನೆಗೆ ಹೊಡೆದಿದ್ದಾರೆ. ಬಳಿಕ ಹಲ್ಲೆ ಮಾಡಿದ್ದಾರೆ. ಭದ್ರತಾ ಸಿಬ್ಬಂದಿಯೂ ವ್ಯಕ್ತಿಯ ಮೇಲೆಹಲ್ಲೆ ಮಾಡುತ್ತಿರುವ ದೃಶ್ಯವಿಡಿಯೊದಲ್ಲಿ ಕಾಣಿಸಿದೆ.
ಘಟನೆಯನ್ನು ಪಂಜಾಬ್ ಉಪ ಮುಖ್ಯಮಂತ್ರಿ ಸುಖ್‌ಜಿಂದರ್ ಸಿಂಗ್ ರಂಧಾವ ಖಂಡಿಸಿದ್ದಾರೆ. ಶಾಸಕರು ಜನರ ಸೇವೆ ಮಾಡುವುದಕ್ಕಾಗಿಯೇ ಇರುವುದು ಹೊರತು ಈ ತರ ವರ್ತಿಸುವುದಕ್ಕಲ್ಲ ಎಂದು ಅವರು ಹೇಳಿದ್ದಾರೆ.
ಕೇವಲ ಪ್ರಶ್ನೆ ಕೇಳಿದ್ದಕ್ಕಾಗಿ ನನ್ನ ಮೇಲೆ ಹಲ್ಲೆ ಮಾಡಲಾಗಿದೆ ಎಂದು ಹರ್ಷ ಕುಮಾರ್ ದೂರಿದ್ದಾರೆ.
@INCPunjab के विधायक से जब सभा में युवक ने पूछा कि आपने क्या किया हलके में तो MLA साहिब आपा खो बैठे… और लगे पीटने उसको....@CHARANJITCHANNI @priyankagandhi @RahulGandhi @sherryontopp @INCIndia pic.twitter.com/7Id8j9zXri
— Jagwinder Patial (@jagwindrpatial) October 20, 2021
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.