ಕರೀಂನಗರ: ಕೋಳಿ ಕಾಳಗದ ಸಂದರ್ಭದಲ್ಲಿ ಹುಂಜವೊಂದರ ಕಾಲಿಗೆ ಕಟ್ಟಿದ ಹರಿತವಾದ ಚಾಕು ತಗುಲಿ ಅದರ ಮಾಲೀಕ ಮೃತಪಟ್ಟಿರುವ ಘಟನೆ ತೆಲಂಗಾಣ ರಾಜ್ಯದಲ್ಲಿ ನಡೆದಿದೆ.
ಕರೀಂನಗರ ಜಿಲ್ಲೆಯ ಲೂಥೂರಿನಲ್ಲಿ ಆಕ್ರಮವಾಗಿ ಕೋಳಿ ಕಾಳಗ ಆಯೋಜಿಸಲಾಗಿತ್ತು. ಕಾಳಗದ ಸಂದರ್ಭದಲ್ಲಿ ಹುಂಜವೊಂದರ ಕಾಲಿಗೆ ಕಟ್ಟಿದ್ದ ಚಾಕು ತಗುಲಿ ಅದರ ಮಾಲೀಕಗಂಭೀರವಾಗಿ ಗಾಯಗೊಂಡಿದ್ದರು. ತೀವ್ರ ರಕ್ತಸ್ರಾವವಾಗಿ ಜಿಲ್ಲಾ ಆಸ್ಪತ್ರೆಗೆ ಸಾಗಿಸುವ ಮಾರ್ಗ ಮಧ್ಯದಲ್ಲೇ ಅವರು ಮೃತಪಟ್ಟರುಎಂದು ಪೊಲೀಸರು ತಿಳಿಸಿದ್ದಾರೆ.
ಮೃತ ವ್ಯಕ್ತಿಯು ಸೇರಿದಂತೆ 16 ಜನರು ಆಕ್ರಮವಾಗಿ ಕೋಳಿ ಕಾಳಗ ಆಯೋಜಿಸಿದ್ದರು. ಉಳಿದ 15 ಜನರು ನಾಪತ್ತೆಯಾಗಿದ್ದು ಅವರ ಪತ್ತೆಗೆ ಕಾರ್ಯಾಚರಣೆ ನಡೆಸಲಾಗುತ್ತಿದೆ.ಘಟನೆಯ ನಂತರ ಹುಂಜವನ್ನು ವಶಕ್ಕೆ ಪಡೆದಿದ್ದ ಪೊಲೀಸರು ಬಳಿಕ ಅದನ್ನು ಸ್ಥಳೀಯ ಕೋಳಿ ಪಾರಂಗೆ ನೀಡಿದ್ದಾರೆ.
ಸಂಕ್ರಾಂತಿ ಹಬ್ಬದ ಸಂದರ್ಭದಲ್ಲಿ ತೆಲಂಗಾಣ, ಆಂಧ್ರಪ್ರದೇಶ, ಕರ್ನಾಟಕ ಮತ್ತು ಒಡಿಶಾದ ಗ್ರಾಮೀಣ ಪ್ರದೇಶಗಳಲ್ಲಿ ಆಕ್ರಮವಾಗಿ ಕೋಳಿ ಕಾಳಗವನ್ನು ಆಯೋಜಿಸಲಾಗುತ್ತದೆ. ಸರ್ಕಾರ ಕೋಳಿ ಕಾಳಗವನ್ನುನಿಷೇಧಿಸಿದೆ.
