ದುರ್ಗಾಪುರ, ಪಶ್ಚಿಮ ಬಂಗಾಳ: ಮುಂಬೈ–ದುರ್ಗಾಪುರ ನಡುವಣ, ಸ್ಪೈಸ್ಜೆಟ್ ಸಂಸ್ಥೆಯ ಬೋಯಿಂಗ್ ಬಿ737 ವಿಮಾನ ಇಳಿಯುವ ವೇಳೆ ಭಾನುವಾರ ಕಂಡುಬಂದ ತಾಂತ್ರಿಕದೋಷದಿಂದ ಉಂಟಾದ ಒತ್ತಡದಿಂದ 12 ಮಂದಿ ಗಾಯಗೊಂಡರು.
ಪಶ್ಚಿಮ ಬಂಗಾಳದ ದುರ್ಗಾಪುರ ನಿಲ್ದಾಣದಲ್ಲಿ ಎಸ್ಜಿ–945 ವಿಮಾನದಲ್ಲಿ ಈ ಘಟನೆ ನಡೆದಿದೆ. ಈ ಕುರಿತು ಸ್ಪೈಸ್ಜೆಟ್ನ ವಕ್ತಾರ, ‘ಕೆಲವರಿಗೆ ಗಾಯಗಳಾಗಿವೆ. ಗಾಯಾಳುಗಳಿಗೆ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ, ವೈದ್ಯಕೀಯ ಚಿಕಿತ್ಸೆ ಒದಗಿಸಲಾಗಿದೆ’ ಎಂದರು.
ಘಟನೆಗೆ ವಿಷಾದ ವ್ಯಕ್ತಪಡಿಸಿರುವ ಸ್ಪೈಸ್ಜೆಟ್ ಸಂಸ್ಥೆಯು, ‘ಇದೊಂದು ದುರದೃಷ್ಟಕರ ಘಟನೆ. ಗಾಯಾಳುಗಳಿಗೆ ಅಗತ್ಯವಿರುವ ಎಲ್ಲ ವೈದ್ಯಕೀಯ ಸೌಲಭ್ಯವನ್ನು ಕಲ್ಪಿಸಲಾಗುವುದು’ ಎಂದಿದೆ.