ಪ್ರಧಾನಿ ಹುದ್ದೆಯ ಆಕಾಂಕ್ಷಿಯಲ್ಲ. ಅಥವಾ ಆ ಹುದ್ದೆಯ ಕಿಂಗ್ ಮೇಕರ್ ಕೂಡಾ ಅಲ್ಲ ಎಂದಿರುವ ಸ್ಟಾಲಿನ್, ನನ್ನ ವ್ಯಾಪ್ತಿ ನನಗೆ ತಿಳಿದಿದೆ ಎಂದು ಹೇಳಿದ್ದಾರೆ.
ತಮ್ಮ ಸರ್ಕಾರದ 16 ತಿಂಗಳ ಆಡಳಿತ ಸಾಧನೆಗಳ ಬಗ್ಗೆಯೂ ‘ನ್ಯೂಸ್ 18’ ತಮಿಳು ಟಿವಿ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಅವರು ಮಾತನಾಡಿದ್ದಾರೆ. ಬಳಿಕ ರಾಜಕೀಯದ ಕುರಿತೂ ಉಲ್ಲೇಖಿಸಿದ್ದಾರೆ.
‘ಸದ್ಯದ ಮೈತ್ರಿಯನ್ನೇ 2024ರ ಲೋಕಸಭೆ ಚುನಾವಣೆಗೂ ಮುಂದುವರಿಸಲಿದ್ದೇವೆ. ತಮಿಳುನಾಡು ಮತ್ತು ಪುದುಚೇರಿಯ ಎಲ್ಲ 40 ಕ್ಷೇತ್ರಗಳಲ್ಲಿ ನಮ್ಮ ಅಭ್ಯರ್ಥಿಗಳೇ ಗೆಲ್ಲುವ ಬಗ್ಗೆ ಭರವಸೆ ಇದೆ’ ಎಂದು ಸ್ಟಾಲಿನ್ ಹೇಳಿದ್ದಾರೆ.