ಸ್ವತಃ ಪ್ರಧಾನಿಗಳೂ ತಮ್ಮ ಅಧಿಕೃತ ಫೇಸ್ಬುಕ್ ಖಾತೆಯಲ್ಲಿ ವಿಡಿಯೊ ಹಂಚಿಕೊಂಡಿದ್ದು, ನನ್ನ ಕಿರಿಯ ಸ್ನೇಹಿತ ಚನ್ನಾಗಿ ಹಾಡುವುದಿಲ್ಲವೇ? ಎಂದು ಬರೆದುಕೊಂಡಿದ್ದಾರೆ.
ಬಾಲಕ ಹಾಡು ಹಾಡುತ್ತಿದ್ದರೆ, ಪ್ರಧಾನಿ ನರೇಂದ್ರ ಮೋದಿ ಆತನ ಭುಜದ ಮೇಲೆ ಒಂದು ಕೈ ಇಟ್ಟು, ಮತ್ತೊಂದು ಕೈನಲ್ಲಿ ಚಿಟಿಕೆ ಹೊಡೆಯುತ್ತಾ, ಆತ್ಮೀಯತೆಯೊಂದಿಗೆ ಆಲಿಸುತ್ತಿರುವುದು 28 ಸೆಕೆಂಡ್ಗಳ ವಿಡಿಯೊದಲ್ಲಿದೆ. ಬಾಲಕ ಹಾಡು ಹಾಡುವುದನ್ನು ಮುಗಿಸುತ್ತಲೇ ಆತನ ಕೆನ್ನೆಯನ್ನು ಗಟ್ಟಿಯಾಗಿ ಹಿಡಿದ ಪ್ರಧಾನಿ, ‘ವಾಹ್’ ಎಂದು ಪ್ರಶಂಸಿಸುತ್ತಾರೆ. ಈ ವೇಳೆ ಸುತ್ತಲ ಜನ ಅವರೊಂದಿಗೆ ಸೆಲ್ಫಿ ತೆಗೆದುಕೊಳ್ಳುತ್ತಿರುವುದು ವಿಡಿಯೊದಲ್ಲಿದೆ.