<p><strong>ಹಾಸನ:</strong> ಜಿಲ್ಲೆಯಲ್ಲಿ ಕಾಡಾನೆಗಳ ಹಾವಳಿ ಮಿತಿ ಮೀರಿದೆ. ಕಾಫಿ ತೋಟ, ಭತ್ತದ ಗದ್ದೆಗೆ ನುಗ್ಗುತ್ತಿದ್ದ ಆನೆಗಳು ಇದೀಗ ಮನೆ ಬಾಗಿಲಿಗೇ ಬರುತ್ತಿವೆ. ಮನೆಯಿಂದ ಹೊರಗೆ ಹೋಗಲೂ ಆಗದೇ, ಒಳಗಿರಲೂ ಆಗದೇ ರೈತಾಪಿ ಜನರು ತೊಂದರೆ ಅನುಭವಿಸುತ್ತಿದ್ದಾರೆ.</p>.<p>ಈಚೆಗಷ್ಟೇ ದೇವಸ್ಥಾನಕ್ಕೆ ಹೋಗಿ ಬರುತ್ತಿದ್ದ 32 ವರ್ಷದ ಯುವಕನ ಮೇಲೆ ಆನೆ ದಾಳಿ ಮಾಡಿದ್ದು, ಯುವಕ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾನೆ. ಈ ವರ್ಷ ಜಿಲ್ಲೆಯಲ್ಲಿ ಐವರು ಕಾಡಾನೆ ದಾಳಿಯಿಂದ ಮೃತಪಟ್ಟಿದ್ದಾರೆ.</p>.<p>2019ರಿಂದ ಇಲ್ಲಿಯವರೆಗೆ 18 ಜನರು ಪ್ರಾಣ ಕಳೆದುಕೊಂಡಿದ್ದು, 15ಕ್ಕೂ ಹೆಚ್ಚು ಜನರು ಗಾಯ ಗೊಂಡಿದ್ದಾರೆ. 450ಕ್ಕೂ ಅಧಿಕ ಜಾನುವಾರುಗಳು ಆನೆ ದಾಳಿಗೆ ಮೃತಪಟ್ಟಿವೆ.</p>.<p class="Subhead">ಸಕಲೇಶಪುರ, ಆಲೂರು ತಾಲ್ಲೂಕಿನ ಸುತ್ತ 100ಕ್ಕೂ ಹೆಚ್ಚು ಕಾಡಾನೆಗಳಿವೆ ಎಂದು ಅಂದಾಜಿಸಲಾಗಿದೆ. ಕೆಲ ಬಾರಿ ಆನೆಗಳ ಹಿಂಡು ದಾಳಿ ಮಾಡಿದರೆ, ಕೆಲ ಬಾರಿ ಒಂಟಿ ಸಲಗಗಳು ದಾಳಿ ಮಾಡುತ್ತಿವೆ.</p>.<p class="Subhead">ಸಂತ್ರಸ್ತ ಆನೆಗಳು: ಗೊರೂರು ಬಳಿ ಹೇಮಾವತಿ ನದಿಗೆ ಅಣೆಕಟ್ಟು ನಿರ್ಮಾಣ ಮಾಡಿದ ಸಂದರ್ಭದಲ್ಲಿ ಹಿನ್ನೀರು ತಗ್ಗು ಪ್ರದೇಶವನ್ನು ಆವರಿಸಿತು. ಇದರಿಂದ ಕಾಡಾನೆಗಳು ತಗ್ಗು ಪ್ರದೇಶವನ್ನು ಬಿಟ್ಟು, ಮೇಲಿನ ಭಾಗಕ್ಕೆ ವಲಸೆ ಬಂದವು.</p>.<p>ಹಿನ್ನೀರಿನ ಸಂತ್ರಸ್ತರಿಗೆ ಬ್ಯಾಬ ಅರಣ್ಯ ಪ್ರದೇಶದಲ್ಲಿ ಜಮೀನು ನೀಡಲಾಯಿತು. ಇದರಿಂದ ಅರಣ್ಯ ಪ್ರದೇಶ ನಾಶ ಮಾಡಲಾಯಿತು. ಮತ್ತೊಂದೆಡೆ ಕಾಡಾನೆಗಳು ಆಹಾರಕ್ಕಾಗಿ ಈ ಕಾಡಿನತ್ತ ಬರಲಾರಂಭಿಸಿದವು. ಆಗ ಕಾಡಾನೆ ಮತ್ತು ಮಾನವ ನಡುವಿನ ಸಂಘರ್ಷ ಶುರುವಾಯಿತು. ನಾಲ್ಕು ದಶಕ ಕಳೆದರೂ ಸಂಘರ್ಷ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆಯೇ ಹೊರತು ಕಡಿಮೆಯಾಗುತ್ತಿಲ್ಲ.</p>.<p class="Subhead">ಮನೆಗೆ ನುಗ್ಗುವ ಆನೆ: ಆನೆಗಳು, ಮನೆಯೊಳಗೆ ದಾಸ್ತಾನು ಇರುವ ಭತ್ತವನ್ನು ವಾಸನೆ ಮೂಲಕವೇ ಪತ್ತೆ ಹಚ್ಚಿ ದಾಳಿ ಮಾಡುತ್ತಿವೆ.</p>.<p>‘ಸಕಲೇಶಪುರ ತಾಲ್ಲೂಕಿನ ಕ್ಯಾನಹಳ್ಳಿ, ಬೊಮ್ಮನಕೆರೆ, ಸತ್ತಿಗಾಲ, ಉದೇವಾರ, ಕಲ್ಲಹಳ್ಳಿ ಸೇರಿದಂತೆ ಹಲವೆಡೆ ಕಾಡಾನೆಗಳು ಮನೆಗಳ ಕಿಟಕಿ, ಬಾಗಿಲು ಮುರಿದು ಭತ್ತ ತಿಂದು ಹೋಗಿವೆ’ ಎನ್ನುತ್ತಾರೆ ಇಲ್ಲಿನ ಜನರು.</p>.<p>‘ಬೆಳಗಾಗುವರೆಗೂ ನಾವೆಲ್ಲಾ ಜೀವ ಭಯದಿಂದ ಒಂದು ಮೂಲೆಯಲ್ಲಿ ಕುಳಿತಿದ್ದೆವು. ಮರು ಹುಟ್ಟು ಪಡೆದ ಅನುಭವವಾಯಿತು’ ಎಂದು ಆನೆ ದಾಳಿಗೆ ಒಳಗಾದ ಕ್ಯಾನಹಳ್ಳಿ–ನೂದರಹಳ್ಳಿಯ ಕೆಂಚಮ್ಮ ಹೇಳಿದರು.</p>.<p>‘ಎರಡಕ್ಕಿಂತ ಹೆಚ್ಚು ಆನೆ ಹಿಡಿಯಲು ಕೇಂದ್ರ ಸರ್ಕಾರದ ಅನುಮತಿ ಬೇಕು. ಎಲ್ಲ ಆನೆಗಳನ್ನು ಸ್ಥಳಾಂತರಿಸಲು ಸಾಧ್ಯವಾಗುವುದಿಲ್ಲ. ಅನುಭವ ಇರುವವರು ಸಮಿತಿಯಲ್ಲಿದ್ದು, ಆಗುಹೋಗುಗಳ ಬಗ್ಗೆ ಚರ್ಚಿಸಿ ಸೂಕ್ತ ತೀರ್ಮಾನ ಕೈಗೊಳ್ಳಬೇಕು’ ಎಂದು ಹೆಸರು ಬಹಿರಂಗಪಡಿಸಲು ಇಚ್ಛಿಸದ ವಲಯ ಅರಣ್ಯಾಧಿಕಾರಿಯೊಬ್ಬರು ಹೇಳುತ್ತಾರೆ.</p>.<p><strong>ಅಧಿಕಾರಿಗಳ ತಂಡ ಭೇಟಿ</strong><br />ಹಾಸನ, ಕೊಡಗು ಜಿಲ್ಲೆಗಳಲ್ಲಿ ಮಾನವ–ವನ್ಯಜೀವಿ ಸಂಘರ್ಷಕ್ಕೆ ಸಂಬಂಧಿಸಿದಂತೆ ಪರಿಶೀಲನೆಗೆ ಪ್ರಧಾನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಅಧ್ಯಕ್ಷತೆಯಲ್ಲಿ ತಂಡ ರಚಿಸಲಾಗಿದ್ದು, ಈ ತಂಡವು ನ.7ರಿಂದ 9ರವರೆಗೆ ಪ್ರವಾಸ ಕೈಗೊಳ್ಳಲಿದೆ.</p>.<p>7ರಂದು ಹಾಸನಕ್ಕೆ ಬರುವ ತಂಡ ಸಕಲೇಶಪುರ ತಾಲ್ಲೂಕಿನ ಬೆಳಗೋಡು, ಮಾದಿಹಳ್ಳಿ, ಭರತ್ತೂರು, ನಾಗವಾರ ಗ್ರಾಮಗಳಿಗೆ ಭೇಟಿ ನೀಡಿ, ಗ್ರಾಮಸ್ಥರೊಂದಿಗೆ ಸಂವಾದ ನಡೆಸಲಿದೆ.</p>.<p>8ರಂದು ಕೊಡಗು ಜಿಲ್ಲೆಗೆ ಭೇಟಿ ನೀಡಲಿದೆ. ದುಬಾರೆ, ಎಡವನಾಡು, ಸಿದ್ದಾಪುರ, ಅತ್ತೂರು, ನೆಲ್ಲಿಹುದಿಕೇರಿಯ ಕಾಫಿ ತೋಟದ ರೈತರೊಂದಿಗೆ ಚರ್ಚಿಸಲಿದೆ. 9ರಂದು ಮಡಿಕೇರಿ, ವಿರಾಜಪೇಟೆ, ನಾಗರಹೊಳೆ ಹುಲಿ ಸಂರಕ್ಷಿತ ಪ್ರದೇಶಗಳ ಆನೆ ಕಾರಿಡಾರ್ಗಳ ಕ್ಷೇತ್ರ ಪರಿವೀಕ್ಷಣೆ ನಡೆಸಲಿದೆ.</p>.<p><strong>74 ಕಾಡಾನೆ ಸೆರೆ</strong><br />ಜಿಲ್ಲೆಯಲ್ಲಿ 2000ರಿಂದ ಇಲ್ಲಿಯವರೆಗೆ ಒಟ್ಟು 74 ಕಾಡಾನೆಗಳನ್ನು ಸೆರೆ ಹಿಡಿಯಲಾಗಿದ್ದು, ಬೇರೆಡೆ ಸ್ಥಳಾಂತರಿಸಲಾಗಿದೆ. 23 ಆನೆಗಳು ಮೃತಪಟ್ಟಿವೆ. </p>.<p>ರೈಲು ಕಂಬಿಯ ಬ್ಯಾರಿಕೇಡ್ ಅಳವಡಿಕೆ ಹಾಗೂ ಸೌರ ಬೇಲಿ ಅಳವಡಿಕೆ ಮಾಡಲಾಗುತ್ತಿದೆ. ಇದುವರೆಗೆ 9.50 ಕಿ.ಮೀ. ರೈಲು ಕಂಬಿಯ ಬ್ಯಾರಿಕೇಡ್ ಹಾಗೂ 14 ಕಿ.ಮೀ. ಸೌರ ವಿದ್ಯುತ್ ಬೇಲಿ ಅಳವಡಿಸಲಾಗಿದೆ.</p>.<p>*<br />ಕಾಡಾನೆಗಳು ಒಂದು ತೋಟಕ್ಕೆ ನುಗ್ಗಿದರೆ ಕನಿಷ್ಠ ₹ 50 ಸಾವಿರದಿಂದ ₹ 1 ಲಕ್ಷ ನಷ್ಟ ಉಂಟಾಗುತ್ತದೆ. ವರ್ಷದಲ್ಲಿ 3–4 ಬಾರಿ ಅದೇ ತೋಟಗಳಿಗೆ ಬಂದು ಹೋಗುತ್ತವೆ<br /><em><strong>–ದಯಾನಂದ್, ಹಲಸುಲಿಗೆ ಕೃಷಿಕ</strong></em></p>.<p>*<br />ಸಕಲೇಶಪುರ ತಾಲ್ಲೂಕಿನ ಗ್ರಾಮೀಣ ಪ್ರದೇಶಗಳ ಕಾಫಿ ತೋಟಗಳು ಕಾಡಾನೆಗಳ ಆವಾಸ ಸ್ಥಾನ ಅಲ್ಲ. ಹಾಗಾಗಿ ಎಲ್ಲ ಕಾಡಾನೆಗಳನ್ನು ಕೂಡಲೇ ಸ್ಥಳಾಂತರಿಸಬೇಕು<br /><em><strong>–ಎಚ್.ಎಂ.ವಿಶ್ವನಾಥ್, ಮುಖಂಡ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹಾಸನ:</strong> ಜಿಲ್ಲೆಯಲ್ಲಿ ಕಾಡಾನೆಗಳ ಹಾವಳಿ ಮಿತಿ ಮೀರಿದೆ. ಕಾಫಿ ತೋಟ, ಭತ್ತದ ಗದ್ದೆಗೆ ನುಗ್ಗುತ್ತಿದ್ದ ಆನೆಗಳು ಇದೀಗ ಮನೆ ಬಾಗಿಲಿಗೇ ಬರುತ್ತಿವೆ. ಮನೆಯಿಂದ ಹೊರಗೆ ಹೋಗಲೂ ಆಗದೇ, ಒಳಗಿರಲೂ ಆಗದೇ ರೈತಾಪಿ ಜನರು ತೊಂದರೆ ಅನುಭವಿಸುತ್ತಿದ್ದಾರೆ.</p>.<p>ಈಚೆಗಷ್ಟೇ ದೇವಸ್ಥಾನಕ್ಕೆ ಹೋಗಿ ಬರುತ್ತಿದ್ದ 32 ವರ್ಷದ ಯುವಕನ ಮೇಲೆ ಆನೆ ದಾಳಿ ಮಾಡಿದ್ದು, ಯುವಕ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾನೆ. ಈ ವರ್ಷ ಜಿಲ್ಲೆಯಲ್ಲಿ ಐವರು ಕಾಡಾನೆ ದಾಳಿಯಿಂದ ಮೃತಪಟ್ಟಿದ್ದಾರೆ.</p>.<p>2019ರಿಂದ ಇಲ್ಲಿಯವರೆಗೆ 18 ಜನರು ಪ್ರಾಣ ಕಳೆದುಕೊಂಡಿದ್ದು, 15ಕ್ಕೂ ಹೆಚ್ಚು ಜನರು ಗಾಯ ಗೊಂಡಿದ್ದಾರೆ. 450ಕ್ಕೂ ಅಧಿಕ ಜಾನುವಾರುಗಳು ಆನೆ ದಾಳಿಗೆ ಮೃತಪಟ್ಟಿವೆ.</p>.<p class="Subhead">ಸಕಲೇಶಪುರ, ಆಲೂರು ತಾಲ್ಲೂಕಿನ ಸುತ್ತ 100ಕ್ಕೂ ಹೆಚ್ಚು ಕಾಡಾನೆಗಳಿವೆ ಎಂದು ಅಂದಾಜಿಸಲಾಗಿದೆ. ಕೆಲ ಬಾರಿ ಆನೆಗಳ ಹಿಂಡು ದಾಳಿ ಮಾಡಿದರೆ, ಕೆಲ ಬಾರಿ ಒಂಟಿ ಸಲಗಗಳು ದಾಳಿ ಮಾಡುತ್ತಿವೆ.</p>.<p class="Subhead">ಸಂತ್ರಸ್ತ ಆನೆಗಳು: ಗೊರೂರು ಬಳಿ ಹೇಮಾವತಿ ನದಿಗೆ ಅಣೆಕಟ್ಟು ನಿರ್ಮಾಣ ಮಾಡಿದ ಸಂದರ್ಭದಲ್ಲಿ ಹಿನ್ನೀರು ತಗ್ಗು ಪ್ರದೇಶವನ್ನು ಆವರಿಸಿತು. ಇದರಿಂದ ಕಾಡಾನೆಗಳು ತಗ್ಗು ಪ್ರದೇಶವನ್ನು ಬಿಟ್ಟು, ಮೇಲಿನ ಭಾಗಕ್ಕೆ ವಲಸೆ ಬಂದವು.</p>.<p>ಹಿನ್ನೀರಿನ ಸಂತ್ರಸ್ತರಿಗೆ ಬ್ಯಾಬ ಅರಣ್ಯ ಪ್ರದೇಶದಲ್ಲಿ ಜಮೀನು ನೀಡಲಾಯಿತು. ಇದರಿಂದ ಅರಣ್ಯ ಪ್ರದೇಶ ನಾಶ ಮಾಡಲಾಯಿತು. ಮತ್ತೊಂದೆಡೆ ಕಾಡಾನೆಗಳು ಆಹಾರಕ್ಕಾಗಿ ಈ ಕಾಡಿನತ್ತ ಬರಲಾರಂಭಿಸಿದವು. ಆಗ ಕಾಡಾನೆ ಮತ್ತು ಮಾನವ ನಡುವಿನ ಸಂಘರ್ಷ ಶುರುವಾಯಿತು. ನಾಲ್ಕು ದಶಕ ಕಳೆದರೂ ಸಂಘರ್ಷ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆಯೇ ಹೊರತು ಕಡಿಮೆಯಾಗುತ್ತಿಲ್ಲ.</p>.<p class="Subhead">ಮನೆಗೆ ನುಗ್ಗುವ ಆನೆ: ಆನೆಗಳು, ಮನೆಯೊಳಗೆ ದಾಸ್ತಾನು ಇರುವ ಭತ್ತವನ್ನು ವಾಸನೆ ಮೂಲಕವೇ ಪತ್ತೆ ಹಚ್ಚಿ ದಾಳಿ ಮಾಡುತ್ತಿವೆ.</p>.<p>‘ಸಕಲೇಶಪುರ ತಾಲ್ಲೂಕಿನ ಕ್ಯಾನಹಳ್ಳಿ, ಬೊಮ್ಮನಕೆರೆ, ಸತ್ತಿಗಾಲ, ಉದೇವಾರ, ಕಲ್ಲಹಳ್ಳಿ ಸೇರಿದಂತೆ ಹಲವೆಡೆ ಕಾಡಾನೆಗಳು ಮನೆಗಳ ಕಿಟಕಿ, ಬಾಗಿಲು ಮುರಿದು ಭತ್ತ ತಿಂದು ಹೋಗಿವೆ’ ಎನ್ನುತ್ತಾರೆ ಇಲ್ಲಿನ ಜನರು.</p>.<p>‘ಬೆಳಗಾಗುವರೆಗೂ ನಾವೆಲ್ಲಾ ಜೀವ ಭಯದಿಂದ ಒಂದು ಮೂಲೆಯಲ್ಲಿ ಕುಳಿತಿದ್ದೆವು. ಮರು ಹುಟ್ಟು ಪಡೆದ ಅನುಭವವಾಯಿತು’ ಎಂದು ಆನೆ ದಾಳಿಗೆ ಒಳಗಾದ ಕ್ಯಾನಹಳ್ಳಿ–ನೂದರಹಳ್ಳಿಯ ಕೆಂಚಮ್ಮ ಹೇಳಿದರು.</p>.<p>‘ಎರಡಕ್ಕಿಂತ ಹೆಚ್ಚು ಆನೆ ಹಿಡಿಯಲು ಕೇಂದ್ರ ಸರ್ಕಾರದ ಅನುಮತಿ ಬೇಕು. ಎಲ್ಲ ಆನೆಗಳನ್ನು ಸ್ಥಳಾಂತರಿಸಲು ಸಾಧ್ಯವಾಗುವುದಿಲ್ಲ. ಅನುಭವ ಇರುವವರು ಸಮಿತಿಯಲ್ಲಿದ್ದು, ಆಗುಹೋಗುಗಳ ಬಗ್ಗೆ ಚರ್ಚಿಸಿ ಸೂಕ್ತ ತೀರ್ಮಾನ ಕೈಗೊಳ್ಳಬೇಕು’ ಎಂದು ಹೆಸರು ಬಹಿರಂಗಪಡಿಸಲು ಇಚ್ಛಿಸದ ವಲಯ ಅರಣ್ಯಾಧಿಕಾರಿಯೊಬ್ಬರು ಹೇಳುತ್ತಾರೆ.</p>.<p><strong>ಅಧಿಕಾರಿಗಳ ತಂಡ ಭೇಟಿ</strong><br />ಹಾಸನ, ಕೊಡಗು ಜಿಲ್ಲೆಗಳಲ್ಲಿ ಮಾನವ–ವನ್ಯಜೀವಿ ಸಂಘರ್ಷಕ್ಕೆ ಸಂಬಂಧಿಸಿದಂತೆ ಪರಿಶೀಲನೆಗೆ ಪ್ರಧಾನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಅಧ್ಯಕ್ಷತೆಯಲ್ಲಿ ತಂಡ ರಚಿಸಲಾಗಿದ್ದು, ಈ ತಂಡವು ನ.7ರಿಂದ 9ರವರೆಗೆ ಪ್ರವಾಸ ಕೈಗೊಳ್ಳಲಿದೆ.</p>.<p>7ರಂದು ಹಾಸನಕ್ಕೆ ಬರುವ ತಂಡ ಸಕಲೇಶಪುರ ತಾಲ್ಲೂಕಿನ ಬೆಳಗೋಡು, ಮಾದಿಹಳ್ಳಿ, ಭರತ್ತೂರು, ನಾಗವಾರ ಗ್ರಾಮಗಳಿಗೆ ಭೇಟಿ ನೀಡಿ, ಗ್ರಾಮಸ್ಥರೊಂದಿಗೆ ಸಂವಾದ ನಡೆಸಲಿದೆ.</p>.<p>8ರಂದು ಕೊಡಗು ಜಿಲ್ಲೆಗೆ ಭೇಟಿ ನೀಡಲಿದೆ. ದುಬಾರೆ, ಎಡವನಾಡು, ಸಿದ್ದಾಪುರ, ಅತ್ತೂರು, ನೆಲ್ಲಿಹುದಿಕೇರಿಯ ಕಾಫಿ ತೋಟದ ರೈತರೊಂದಿಗೆ ಚರ್ಚಿಸಲಿದೆ. 9ರಂದು ಮಡಿಕೇರಿ, ವಿರಾಜಪೇಟೆ, ನಾಗರಹೊಳೆ ಹುಲಿ ಸಂರಕ್ಷಿತ ಪ್ರದೇಶಗಳ ಆನೆ ಕಾರಿಡಾರ್ಗಳ ಕ್ಷೇತ್ರ ಪರಿವೀಕ್ಷಣೆ ನಡೆಸಲಿದೆ.</p>.<p><strong>74 ಕಾಡಾನೆ ಸೆರೆ</strong><br />ಜಿಲ್ಲೆಯಲ್ಲಿ 2000ರಿಂದ ಇಲ್ಲಿಯವರೆಗೆ ಒಟ್ಟು 74 ಕಾಡಾನೆಗಳನ್ನು ಸೆರೆ ಹಿಡಿಯಲಾಗಿದ್ದು, ಬೇರೆಡೆ ಸ್ಥಳಾಂತರಿಸಲಾಗಿದೆ. 23 ಆನೆಗಳು ಮೃತಪಟ್ಟಿವೆ. </p>.<p>ರೈಲು ಕಂಬಿಯ ಬ್ಯಾರಿಕೇಡ್ ಅಳವಡಿಕೆ ಹಾಗೂ ಸೌರ ಬೇಲಿ ಅಳವಡಿಕೆ ಮಾಡಲಾಗುತ್ತಿದೆ. ಇದುವರೆಗೆ 9.50 ಕಿ.ಮೀ. ರೈಲು ಕಂಬಿಯ ಬ್ಯಾರಿಕೇಡ್ ಹಾಗೂ 14 ಕಿ.ಮೀ. ಸೌರ ವಿದ್ಯುತ್ ಬೇಲಿ ಅಳವಡಿಸಲಾಗಿದೆ.</p>.<p>*<br />ಕಾಡಾನೆಗಳು ಒಂದು ತೋಟಕ್ಕೆ ನುಗ್ಗಿದರೆ ಕನಿಷ್ಠ ₹ 50 ಸಾವಿರದಿಂದ ₹ 1 ಲಕ್ಷ ನಷ್ಟ ಉಂಟಾಗುತ್ತದೆ. ವರ್ಷದಲ್ಲಿ 3–4 ಬಾರಿ ಅದೇ ತೋಟಗಳಿಗೆ ಬಂದು ಹೋಗುತ್ತವೆ<br /><em><strong>–ದಯಾನಂದ್, ಹಲಸುಲಿಗೆ ಕೃಷಿಕ</strong></em></p>.<p>*<br />ಸಕಲೇಶಪುರ ತಾಲ್ಲೂಕಿನ ಗ್ರಾಮೀಣ ಪ್ರದೇಶಗಳ ಕಾಫಿ ತೋಟಗಳು ಕಾಡಾನೆಗಳ ಆವಾಸ ಸ್ಥಾನ ಅಲ್ಲ. ಹಾಗಾಗಿ ಎಲ್ಲ ಕಾಡಾನೆಗಳನ್ನು ಕೂಡಲೇ ಸ್ಥಳಾಂತರಿಸಬೇಕು<br /><em><strong>–ಎಚ್.ಎಂ.ವಿಶ್ವನಾಥ್, ಮುಖಂಡ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
