‘ಕೋವಿಶೀಲ್ಡ್ ಲಸಿಕೆಯ ಕನಿಷ್ಠ 30 ಲಕ್ಷ ಡೋಸ್ಗಳನ್ನು ಪೂರೈಸಿದರೆ ಜುಲೈ ಮತ್ತು ಆಗಸ್ಟ್ನಲ್ಲಿ ಎಲ್ಲರಿಗೂ ಎರಡನೇ ಡೋಸ್ ಲಸಿಕೆ ಹಾಕಬಹುದು ಎಂದು ನಾವು ಈ ತಿಂಗಳ 13ರಂದೇ ಕೇಂದ್ರಕ್ಕೆ ಮನವಿ ಮಾಡಿದ್ದೇವೆ. ಜುಲೈ ಮತ್ತು ಆಗಸ್ಟ್ನಲ್ಲಿ ಒಟ್ಟು 60.87 ಲಕ್ಷ ಮಂದಿಗೆ ಕೋವಿಶೀಲ್ಡ್ ಲಸಿಕೆಯ ಎರಡನೇ ಡೋಸ್ ನೀಡಬೇಕಿದೆ. ಆಗಸ್ಟ್ 4ರ ವೇಳೆಗೆ ರಾಜ್ಯಕ್ಕೆ 41.35 ಲಕ್ಷ ಡೋಸ್ ಲಸಿಕೆ ಲಭ್ಯವಾಗಲಿದೆ. ಇದನ್ನು ಮೊದಲ ಡೋಸ್ ಪಡೆಯುವವರಿಗಾಗಿ ಬಳಸಬೇಕಾಗುತ್ತದೆ. ನಿಗದಿತ ಅವಧಿಯಲ್ಲಿ ಒಟ್ಟು 9.83 ಲಕ್ಷ ಜನರಿಗೆ ಕೋವ್ಯಾಕ್ಸಿನ್ನ ಎರಡನೇ ಡೋಸ್ ನೀಡಬೇಕು. ಆದರೆ ನಮ್ಮಲ್ಲಿ ಕೇವಲ 7.65 ಲಕ್ಷ ಡೋಸ್ ಲಸಿಕೆ ಇದೆ. ಇದನ್ನು ಆಗಸ್ಟ್ 3ರವರೆಗೂ ವಿತರಿಸಬಹುದು’ ಎಂದು ರಾಜ್ಯ ಸರ್ಕಾರ ನ್ಯಾಯಾಲಯಕ್ಕೆ ಸ್ಪಷ್ಟಪಡಿಸಿತು.