‘ನಿಜಾಮುದ್ದೀನ್–ಗೋವಾ ವಿಶೇಷ ಎಕ್ಸ್ಪ್ರೆಸ್ ರೈಲು ಹೋಗುವಾಗ ಮುಂಜಾನೆ 5.30ರ ವೇಳೆಗೆ ಸುಮಾರ 700 ಕ್ಯುಬಿಕ್ ಮೀಟರ್ನಷ್ಟು ಮಣ್ಣು ಹಳಿಯ ಮೇಲೆ ಕುಸಿದಿತ್ತು. 80 ಮಂದಿ ಒಟ್ಟು 8 ಗಂಟೆಗಳವರೆಗೆ ಕಾರ್ಯಾಚರಣೆ ನಡೆಸಿ, ಮಣ್ಣನ್ನು ತೆರವುಗೊಳಿಸಿದ್ದಾರೆ. ಆ ಪ್ರದೇಶಕ್ಕೆ ರಸ್ತೆ ಸಂಪರ್ಕ ಇಲ್ಲ. ಹೀಗಾಗಿ, ಲೋಂಡಾದಿಂದ ಬಿಎಫ್ಆರ್ (ಬೋಗಿ ಫ್ಲಾಟ್ವ ವ್ಯಾಗನ್) ಮೂಲಕ ಪ್ರೊಕ್ಲೇಮರ್ ಅನ್ನು ಮಧ್ಯಾಹ್ನ 12.30ರ ವೇಳೆಗೆ ಸಾಗಿಸಿ ಕಾರ್ಯಾಚರಣೆಯಲ್ಲಿ ಬಳಸಲಾಯಿತು. ಮಧ್ಯಾಹ್ನ 2ರ ನಂತರ ಸಂಪೂರ್ಣ ಮಣ್ಣನ್ನು ತೆರವುಗೊಳಿಸಲಾಯಿತು’ ಎಂದು ನೈರುತ್ಯ ರೈಲ್ವೆಯ ಮುಖ್ಯ ಸಾರ್ವಜನಿಕ ಸಂಪರ್ಕಾಧಿಕಾರಿ ಇ. ವಿಜಯಾ ‘ಪ್ರಜಾವಾಣಿ’ಗೆ ತಿಳಿಸಿದರು.