ರಾಹುಲ್‌ಗೆ ಪಾಠ ಹೇಳಿಕೊಡುತ್ತಿದ್ದಾರೆ ಖರ್ಗೆ: ಬಿಜೆಪಿ ವ್ಯಂಗ್ಯ 

ಪೆಗಾಸಸ್‌ ಗೂಢಾಚರ್ಯೆ ವಿರುದ್ಧ ವಿರೋಧ ಪಕ್ಷಗಳ ನಾಯಕರ ಜೊತೆಗೆ ದೆಹಲಿಯಲ್ಲಿ ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ ನಡೆಸಿದ ಪತ್ರಿಕಾಗೋಷ್ಠಿಯ ದೃಶ್ಯ ಅದಾಗಿದೆ.

‘ ಪೆಗಾಸಸ್‌ ಎಂಬ ಅಸ್ತ್ರವನ್ನು ಬಿಜೆಪಿ ನನ್ನ ವಿರುದ್ಧ ಪ್ರಯೋಗಿಸಿದೆ, ಸುಪ್ರೀಂ ಕೋರ್ಟ್‌ ನ್ಯಾಯಮೂರ್ತಿಗಳ ವಿರುದ್ಧ ಬಳಸಿದೆ,‘ ಎಂದು ರಾಹುಲ್‌ ಹೇಳುತ್ತಿರುವಾಗಲೇ ಹಿಂಬದಿ ನಿಂತಿರುವ ಮಲ್ಲಿಕಾರ್ಜುನ ಖರ್ಗೆ ಅವರು, ’ ಪ್ರೆಸ್‌ (ಮಾಧ್ಯಮ)‘ ಎಂದು ಹೇಳಿಕೊಡುತ್ತಾರೆ. ನಂತರ ರಾಹುಲ್‌ ಗಾಂಧಿ ‘ ಪ್ರೆಸ್‌ ವಿರುದ್ಧವೂ ಪೆಗಾಸಸ್‌ ಬಳಸಲಾಗಿದೆ,‘ ಎಂದು ಹೇಳುತ್ತಾರೆ.

ಈ ವಿಡಿಯೊವನ್ನು ಹಂಚಿಕೊಂಡಿರುವ ಬಿಜೆಪಿ, ’ಗಾಂಧಿ ಕುಟುಂಬಕ್ಕಾಗಿ ಚಪ್ಪಲಿ ಸವೆಸಿದ ಖರ್ಗೆ ಅವರಿಗೆ ಹೊಸ ಜವಾಬ್ದಾರಿ ಲಭಿಸಿದೆ. ರಾಹುಲ್‌ಗೆ ಖರ್ಗೆ ಪಾಠ ಹೇಳಿಕೊಡುತ್ತಿದ್ದಾರೆ. ಕಾಂಗ್ರೆಸ್‌ ನಾಯಕರಿಗೆ ಗಾಂಧಿ ಕುಟುಂಬದ ಸೇವೆಯೇ ದೇಶ ಸೇವೆ,‘ ಎಂದು ಬಿಜೆಪಿ ಕುಹಕವಾಡಿದೆ.