ಬೆಂಗಳೂರು ವಿಮಾನ ನಿಲ್ದಾಣದ ಟರ್ಮಿನಲ್‌–2 ಫೋಟೊ ಹಂಚಿಕೊಂಡ ಪ್ರಧಾನಿ ಮೋದಿ
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ಸುಸಜ್ಜಿತ, ಭವ್ಯವಾದ ಟರ್ಮಿನಲ್‌–2 ಲೋಕಾರ್ಪಣೆಗೆ ಸಿದ್ಧವಾಗಿದ್ದು, ಪ್ರಧಾನಿ ನರೇಂದ್ರ ಮೋದಿ ಇದರ ಸುಂದರ ಚಿತ್ರಗಳನ್ನು ಟ್ವೀಟ್‌ ಮಾಡಿದ್ದಾರೆ.
Here are glimpses from Terminal 2 of the Kempegowda International Airport, Bengaluru. This will lead to capacity expansion of the airport and will boost commerce. I am glad that the terminal building accords topmost importance to sustainability. @BLRAirport pic.twitter.com/9MxVyClhig
— Narendra Modi (@narendramodi) November 9, 2022
ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ಟರ್ಮಿನಲ್‌–2 ರ ಸುಂದರ ಚಿತ್ರಗಳು ಇಲ್ಲಿವೆ. ಇದು ನಿಲ್ದಾಣದ ಸಾಮರ್ಥ್ಯ ಹೆಚ್ಚಿಸಲಿದೆ ಮತ್ತು ವ್ಯಾಪಾರ ಉತ್ತೇಜಿಸಲಿದೆ. ಸುದೀರ್ಘ ಬಾಳಿಕೆ ಮಾನದಂಡಗಳೊಂದಿಗೆ ಟರ್ಮಿನಲ್‌ ನಿರ್ಮಾಣಗೊಂಡಿದೆ ಎಂದು ಮೋದಿ ಹೇಳಿದ್ದಾರೆ.
ನ.11 ರಂದು ನಗರಕ್ಕೆ ಭೇಟಿ ನೀಡಲಿರುವ ಪ್ರಧಾನಿ ಮೋದಿ, ನೂತನ ಟರ್ಮಿನಲ್‌ ಲೋಕಾರ್ಪಣೆಗೊಳಿಸಲಿದ್ದಾರೆ. ₹5000 ಕೋಟಿ ವೆಚ್ಚದಲ್ಲಿ ಟರ್ಮಿನಲ್‌ ನಿರ್ಮಿಸಲಾಗಿದ್ದು, ಈಗಿನ ವಾರ್ಷಿಕ 2.5 ಕೋಟಿ ಪ್ರಯಾಣಿಕ ಸಾಮರ್ಥ್ಯದಿಂದ 5–6 ಕೋಟಿಗೆ ಹೆಚ್ಚಲಿದೆ. ಬೆಂಗಳೂರಿನ ‘ಉದ್ಯಾನನಗರಿ’ ಎಂಬ ಹೆಸರಿಗೆ ತಕ್ಕಂತೆ ಪ್ರಯಾಣಿಕರು ಉದ್ಯಾನವನದಲ್ಲಿ ನಡೆದ ಅನುಭವ ನೀಡುವ ರೀತಿಯಲ್ಲಿ ಈ ಟರ್ಮಿನಲ್‌ ವಿನ್ಯಾಸಗೊಳಿಸಲಾಗಿದೆ.
10,000 ಚದರ ಅಡಿ ವ್ಯಾಪ್ತಿಯ ಹಸಿರಾದ ಪರಿಸರದಲ್ಲಿ ಪ್ರಯಾಣಿಕರು ನಡೆದಾಡಬಹುದಾಗಿದೆ. ಶೇ.100ರಷ್ಟು ನವೀಕರಿಸಬಹುದಾದ ಶಕ್ತಿಯ ಮಾನದಂಡಗಳ ಅನ್ವಯ ಈ ಟರ್ಮಿನಲ್‌ ವಿನ್ಯಾಸಗೊಂಡಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
