ನೋಟುಗಳ ಇತಿಹಾಸ ಸಾರುವ ಕರೆನ್ಸಿ ಮ್ಯೂಸಿಯಂ

ದೇಶದ ಅಪರೂಪದ ಕರೆನ್ಸಿಗಳ ಶ್ರೀಮಂತ ಇತಿಹಾಸ ಮತ್ತು ಪಯಣವನ್ನು ಬಿಂಬಿಸುವ ದಕ್ಷಿಣ ಭಾರತದ ಮೊದಲ ಕರೆನ್ಸಿ ಮ್ಯೂಸಿಯಂ 'ರೆಜ್ವಾನ್ ರಜಾಕ್ಸ್ ಮ್ಯೂಸಿಯಂ ಆಫ್ ಇಂಡಿಯನ್ ಪೇಪರ್ ಮನಿ' ಬೆಂಗಳೂರಿನಲ್ಲಿ ಕಾರ್ಯಾರಂಭ ಮಾಡಿದೆ.

. ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್ಬಿಐ) ಮಾಜಿ ಗವರ್ನರ್ ಡಾ.ಸಿ.ರಂಗರಾಜನ್ ಶನಿವಾರ ಮ್ಯೂಸಿಯಂ ಲೋಕಾರ್ಪಣೆ ಮಾಡಿದರು.

. ಈ ಮ್ಯೂಸಿಯಂ ಪ್ರೆಸ್ಟೀಜ್ ಗ್ರೂಪ್ ಸಹ-ಸಂಸ್ಥಾಪಕ ಮತ್ತು ಜಂಟಿ ವ್ಯವಸ್ಥಾಪಕ ನಿರ್ದೇಶಕರೆಜ್ವಾನ್ ರಜಾಕ್ ಅವರ ಕನಸಿನ ಕೂಸು. ಭಾರತದ ಕಾಗದ ಹಣದ ದೊಡ್ಡ ಸಂಗ್ರಹಾಕಾರರಾಗಿರುವ ಅವರು 50 ವರ್ಷಗಳಿಂದ ಜತನದಿಂದ ಸಂಗ್ರಹಿಸಿದ ಅಪರೂಪದ ಕರೆನ್ಸಿಗಳನ್ನು ಇಲ್ಲಿ ನೋಡಬಹುದು.

. ಪ್ರೆಸ್ಟೀಜ್ ಫಾಲ್ಕನ್ ಟವರ್ಸ್ನ 2 ನೇ ಮಹಡಿಯಲ್ಲಿರುವ ಮ್ಯೂಸಿಯಂ ಮಂಗಳವಾರದಿಂದ (ಫೆ. 18) ಸಾರ್ವಜನಿಕರಿಗೆ ಆರಂಭವಾಗಲಿದೆ.ಜನರಿಗೆ ಮಾಹಿತಿ ನೀಡಲು ಮಾರ್ಗದರ್ಶಿಗಳನ್ನು ಕೂಡ ನೇಮಕ ಮಾಡಲಾಗಿದೆ.

. ಪ್ರತಿ ಮಂಗಳವಾರದಿಂದ ಭಾನುವಾರದವರೆಗೆ ಬೆಳಿಗ್ಗೆ 10.30 ರಿಂದ ಸಂಜೆ 5.30ರವರೆಗೂ ಸಾರ್ವಜನಿಕರ ಪ್ರವೇಶಕ್ಕೆ ಮ್ಯೂಸಿಯಂ ತೆರೆದಿರುತ್ತದೆ. ಸೋಮವಾರ ರಜಾ ದಿನ.

. ನೋಟುಗಳ ಪುಸ್ತಕ

. ಭಾರತೀಯ ಕಾಗದ ಹಣದ ಬೈಬಲ್ ಎಂದು ಪರಿಗಣಿಸಲಾದ‘ದಿ ರಿವೈಸ್ಡ್ ಸ್ಟ್ಯಾಂಡರ್ಡ್ ರೆಫರೆನ್ಸ್ ಗೈಡ್ ಟು ಇಂಡಿಯನ್ ಪೇಪರ್ ಮನಿ’ ಎಂಬ ಪುಸ್ತಕವನ್ನು ಕೂಡಾ ಅವರು ರಚಿಸಿದ್ದಾರೆ. 2012 ರಲ್ಲಿ ಈ ಪುಸ್ತಕ ಬಿಡುಗಡೆಯಾಗಿದೆ.

. ಒಂದು ರೂಪಾಯಿ ನೋಟಿನ 100ನೇ ವಾರ್ಷಿಕೋತ್ಸವದ ನೆನಪಿಗಾಗಿ 2017 ರಲ್ಲಿ ರೆಜ್ವಾನ್ ತಮ್ಮ ಎರಡನೇ ಪುಸ್ತಕ ‘ಒಂದು ರೂಪಾಯಿ - ನೂರು ವರ್ಷ 1917-2017’ ಹೊರ ತಂದಿದ್ದಾರೆ.

. ನಮ್ಮ ಅಸ್ತಿತ್ವವೂ ಬೆಸೆದುಕೊಂಡಿದೆ: ರೆಜ್ವಾಕ್

. ‘ನಮ್ಮ ಅಸ್ತಿತ್ವದೊಂದಿಗೆ ಹಣದ ಕತೆಯೂ ಬೆಸೆದುಕೊಂಡಿದೆ. ಹಣ ನಮ್ಮನ್ನು ಒಂದುಗೂಡಿಸುತ್ತದೆ, ವಿಭಜಿಸುತ್ತದೆ ಮತ್ತು ನಮಗೆ ಅಸ್ತಿತ್ವ, ಗುರುತಿನ ಪ್ರಜ್ಞೆ ನೀಡುತ್ತದೆ’ ಎನ್ನುತ್ತಾರೆ ರೆಜ್ವಾಕ್ ರಜಾಕ್.

. ‘ಭಾರತದಕರೆನ್ಸಿ ಪ್ರಯಾಣದ ಶ್ರೀಮಂತ ಇತಿಹಾಸ ಮತ್ತು ಪರಂಪರೆಯನ್ನು ಜನರಿಗೆ ತಿಳಿಸುವ ಪ್ರಯತ್ನದ ಫಲವೇ ಈ ಮ್ಯೂಸಿಯಂ. ಮ್ಯೂಸಿಯಂ ಸ್ಥಾಪನೆ ನನ್ನ ಬಹಳ ದಿನಗಳ ಕನಸು. ಇಂದು ನನಸಾಗಿದೆ’ ಎಂದು ಹರ್ಷ ವ್ಯಕ್ತಪಡಿಸಿದ್ದಾರೆ.

. ‘ಇದು ಒಂದು ಪ್ರಮುಖ ರಾಷ್ಟ್ರೀಯ ಪರಂಪರೆಯ ಸಮಗ್ರ ಪುನರ್ ಸ್ಥಾಪನೆ ಮತ್ತು ಸಂರಕ್ಷಣೆ ಎಂದು ನಾನು ಭಾವಿಸುತ್ತೇನೆ. ನಾಣ್ಯಶಾಸ್ತ್ರಜ್ಞರು, ವಿದ್ಯಾರ್ಥಿಗಳು ಮತ್ತು ಕರೆನ್ಸಿಗಳ ಬಗ್ಗೆ ತಿಳಿದುಕೊಳ್ಳಬೇಕು ಎನ್ನುವ ಆಸಕ್ತರಿಗೆ ಇದರ ಪ್ರಯೋಜನವಾಗಲಿದೆ’ ಎನ್ನುವುದು ರೆಜ್ವಾಕ್ ಅವರ ಅಭಿಪ್ರಾಯ.

. ‘ಈ ಕನಸನ್ನು ನನಸಾಗಿಸಲು ಸಾಧ್ಯವಾಗಿದ್ದಕ್ಕೆ ಎಂದು ನನಗೆ ತುಂಬಾ ಸಂತೋಷವಾಗಿದೆ. ನಮ್ಮ ರಾಷ್ಟ್ರೀಯ ಹೆಮ್ಮೆಯ ಈ ವಸ್ತುಸಂಗ್ರಹಾಲಯದ ಉದ್ದೇಶವನ್ನು ಸಂದರ್ಶಕರು ಅರ್ಥಮಾಡಿಕೊಳ್ಳುತ್ತಾರೆ, ಆನಂದಿಸುತ್ತಾರೆ ಮತ್ತು ಗೌರವಿಸುತ್ತಾರೆ ಎಂದು ನಾನು ಭಾವಿಸುತ್ತೇನೆ’ ಎನ್ನುವ ಆಶಯ ವ್ಯಕ್ತಪಡಿಸುತ್ತಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನೋಟುಗಳ ಇತಿಹಾಸ ಸಾರುವ ಕರೆನ್ಸಿ ಮ್ಯೂಸಿಯಂ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ