<p>ದೀಪಿಕಾ ಪಡುಕೋಣೆ ಹಾಗೂ ಶಾರುಖ್ ಖಾನ್ ಅಭಿನಯದ `ಚೆನ್ನೈ ಎಕ್ಸ್ಪ್ರೆಸ್' ಸಿನಿಮಾ ಪ್ರಚಾರದ ಭರಾಟೆ ಜೋರಾಗುತ್ತಿದೆ. ಆ ಸಿನಿಮಾದಲ್ಲಿ `ಸೀರೆ ಪಾರ್ಟ್ನರ್' ಆಗಿರುವ ಚೆನ್ನೈ ಮೂಲದ ಪಲಮ್ ಸಿಲ್ಕ್ಸ್ ತನ್ನ ಹತ್ತನೇ ವರ್ಷದ ಆಚರಣೆಗಾಗಿ ವಿನೂತನ ಕಾರ್ಯಕ್ರಮವೊಂದನ್ನು ನಗರದ ಗರುಡಾ ಮಾಲ್ನಲ್ಲಿ ಹಮ್ಮಿಕೊಂಡಿತ್ತು.<br /> <br /> `ಮೀನಾ ಹಂಟ್' ಎಂಬ ಹೆಸರಿನ ಈ ಕಾರ್ಯಕ್ರಮದಲ್ಲಿ ಯುವತಿಯರು ನಟಿ ದೀಪಿಕಾ ಪಡುಕೋಣೆ `ಚೆನ್ನೈ ಎಕ್ಸ್ಪ್ರೆಸ್' ಸಿನಿಮಾದಲ್ಲಿ ಯಾವ ರೀತಿಯ ಉಡುಗೆ ತೊಟ್ಟಿದ್ದರೋ ಅದೇ ರೀತಿಯ ಉಡುಗೆ ತೊಟ್ಟು, ಅವರ ಹಾವಭಾವದಲ್ಲಿ ಕಾಣಿಸಿಕೊಂಡರು. <br /> <br /> ಸಿನಿಮಾದಲ್ಲಿ ದೀಪಿಕಾ ತೊಟ್ಟಂಥ ತೊಡುಗೆಯನ್ನು ಹೋಲುವ ಪ್ಯಾಂಟ್ ಟಿ-ಶರ್ಟ್, ಸೀರೆಗಳನ್ನು ಧರಿಸಿ ಬಂದ ಸ್ಪರ್ಧಿಗಳಿಗೆ ರ್ಯಾಂಪ್ ವಾಕ್ ಮಾಡುವಂತೆ ನಿರ್ದೇಶಿಸಲಾಯಿತು. ರ್ಯಾಂಪ್ವಾಕ್ ಮಾಡುವಾಗ ತಮಗೂ ದೀಪಿಕಾಗೂ ಇರುವ ಹೋಲಿಕೆಯನ್ನು ಅವರು ಸಾರಬೇಕಿತ್ತು. ಅವರಲ್ಲಿ ಆಯ್ಕೆಯಾದ ಹತ್ತು ಜನರು ಸಿನಿಮಾದ ಹಾಡುಗಳೊಂದಿಗೆ ನೃತ್ಯ ಮಾಡಿ ಪ್ರತಿಭೆ ಮೆರೆದರು. ತೀರ್ಪುಗಾರರಾಗಿ ಆಗಮಿಸಿದ್ದ ಆರ್ಜೆ ಪ್ರೀತಿ ಈ ಹಾಡುಗಳನ್ನು ಆಯ್ಕೆ ಮಾಡುತ್ತಿದ್ದರು.<br /> <br /> ಕೊನೆಯ ಸುತ್ತಿಗೆ ನಂದಿತಾ ಸಂದೀಪ್ ಹಾಗೂ ಕಾವ್ಯಾ ಆಯ್ಕೆಯಾದರು. ಅಂತಿಮ ಸುತ್ತಿನಲ್ಲಿ ಬೇರೆ ಬೇರೆ ಗತಿಯ ಹಾಡುಗಳಿಗೆ ಸ್ಪರ್ಧಾಳುಗಳು ನೃತ್ಯ ಮಾಡಿ, ಸೊಂಟ ಬಳುಕಿಸಬೇಕಿತ್ತು. ಕೊನೆಗೂ `ಮೀನಾ ಹಂಟ್' ಕಿರೀಟ ಧರಿಸಿದ ಕಾವ್ಯಾ ಸಂತೋಷದಿಂದ ಬೀಗಿದರು. ಚಿತ್ರನಟಿ ಸಿಂಧು ಲೋಕನಾಥ್, ಕಾವ್ಯಾ ಅವರನ್ನು ಅಭಿನಂದಿಸಿದರು.<br /> <br /> ಕಾರ್ಯಕ್ರಮದಲ್ಲಿ ಯಶಸ್ಸು ಗಳಿಸಿದ ನಂದಿತಾ ಹಾಗೂ ಕಾವ್ಯಾ ಚೆನ್ನೈಗೆ ತೆರಳಿ ದೀಪಿಕಾ ಹಾಗೂ ಶಾರುಖ್ ಖಾನ್ ಅವರನ್ನು ಭೇಟಿಯಾಗುವ ಅವಕಾಶವನ್ನು ಗಿಟ್ಟಿಸಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ದೀಪಿಕಾ ಪಡುಕೋಣೆ ಹಾಗೂ ಶಾರುಖ್ ಖಾನ್ ಅಭಿನಯದ `ಚೆನ್ನೈ ಎಕ್ಸ್ಪ್ರೆಸ್' ಸಿನಿಮಾ ಪ್ರಚಾರದ ಭರಾಟೆ ಜೋರಾಗುತ್ತಿದೆ. ಆ ಸಿನಿಮಾದಲ್ಲಿ `ಸೀರೆ ಪಾರ್ಟ್ನರ್' ಆಗಿರುವ ಚೆನ್ನೈ ಮೂಲದ ಪಲಮ್ ಸಿಲ್ಕ್ಸ್ ತನ್ನ ಹತ್ತನೇ ವರ್ಷದ ಆಚರಣೆಗಾಗಿ ವಿನೂತನ ಕಾರ್ಯಕ್ರಮವೊಂದನ್ನು ನಗರದ ಗರುಡಾ ಮಾಲ್ನಲ್ಲಿ ಹಮ್ಮಿಕೊಂಡಿತ್ತು.<br /> <br /> `ಮೀನಾ ಹಂಟ್' ಎಂಬ ಹೆಸರಿನ ಈ ಕಾರ್ಯಕ್ರಮದಲ್ಲಿ ಯುವತಿಯರು ನಟಿ ದೀಪಿಕಾ ಪಡುಕೋಣೆ `ಚೆನ್ನೈ ಎಕ್ಸ್ಪ್ರೆಸ್' ಸಿನಿಮಾದಲ್ಲಿ ಯಾವ ರೀತಿಯ ಉಡುಗೆ ತೊಟ್ಟಿದ್ದರೋ ಅದೇ ರೀತಿಯ ಉಡುಗೆ ತೊಟ್ಟು, ಅವರ ಹಾವಭಾವದಲ್ಲಿ ಕಾಣಿಸಿಕೊಂಡರು. <br /> <br /> ಸಿನಿಮಾದಲ್ಲಿ ದೀಪಿಕಾ ತೊಟ್ಟಂಥ ತೊಡುಗೆಯನ್ನು ಹೋಲುವ ಪ್ಯಾಂಟ್ ಟಿ-ಶರ್ಟ್, ಸೀರೆಗಳನ್ನು ಧರಿಸಿ ಬಂದ ಸ್ಪರ್ಧಿಗಳಿಗೆ ರ್ಯಾಂಪ್ ವಾಕ್ ಮಾಡುವಂತೆ ನಿರ್ದೇಶಿಸಲಾಯಿತು. ರ್ಯಾಂಪ್ವಾಕ್ ಮಾಡುವಾಗ ತಮಗೂ ದೀಪಿಕಾಗೂ ಇರುವ ಹೋಲಿಕೆಯನ್ನು ಅವರು ಸಾರಬೇಕಿತ್ತು. ಅವರಲ್ಲಿ ಆಯ್ಕೆಯಾದ ಹತ್ತು ಜನರು ಸಿನಿಮಾದ ಹಾಡುಗಳೊಂದಿಗೆ ನೃತ್ಯ ಮಾಡಿ ಪ್ರತಿಭೆ ಮೆರೆದರು. ತೀರ್ಪುಗಾರರಾಗಿ ಆಗಮಿಸಿದ್ದ ಆರ್ಜೆ ಪ್ರೀತಿ ಈ ಹಾಡುಗಳನ್ನು ಆಯ್ಕೆ ಮಾಡುತ್ತಿದ್ದರು.<br /> <br /> ಕೊನೆಯ ಸುತ್ತಿಗೆ ನಂದಿತಾ ಸಂದೀಪ್ ಹಾಗೂ ಕಾವ್ಯಾ ಆಯ್ಕೆಯಾದರು. ಅಂತಿಮ ಸುತ್ತಿನಲ್ಲಿ ಬೇರೆ ಬೇರೆ ಗತಿಯ ಹಾಡುಗಳಿಗೆ ಸ್ಪರ್ಧಾಳುಗಳು ನೃತ್ಯ ಮಾಡಿ, ಸೊಂಟ ಬಳುಕಿಸಬೇಕಿತ್ತು. ಕೊನೆಗೂ `ಮೀನಾ ಹಂಟ್' ಕಿರೀಟ ಧರಿಸಿದ ಕಾವ್ಯಾ ಸಂತೋಷದಿಂದ ಬೀಗಿದರು. ಚಿತ್ರನಟಿ ಸಿಂಧು ಲೋಕನಾಥ್, ಕಾವ್ಯಾ ಅವರನ್ನು ಅಭಿನಂದಿಸಿದರು.<br /> <br /> ಕಾರ್ಯಕ್ರಮದಲ್ಲಿ ಯಶಸ್ಸು ಗಳಿಸಿದ ನಂದಿತಾ ಹಾಗೂ ಕಾವ್ಯಾ ಚೆನ್ನೈಗೆ ತೆರಳಿ ದೀಪಿಕಾ ಹಾಗೂ ಶಾರುಖ್ ಖಾನ್ ಅವರನ್ನು ಭೇಟಿಯಾಗುವ ಅವಕಾಶವನ್ನು ಗಿಟ್ಟಿಸಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
