ತೊಳೆದ ಬಟ್ಟೆಯಲಿ ಕಮಟು ವಾಸನೆಯೇ? ಹಾಗಾದರೆ ಮನೆಯಲ್ಲೇ ಇದೆ ಪರಿಹಾರ!

ಎಷ್ಟು ಚೆನ್ನಾಗಿ ತೊಳೆದ ಬಟ್ಟೆಗಳೂ ಕೆಲವೊಮ್ಮೆ ಕೆಟ್ಟ ವಾಸನೆ ಬೀರುತ್ತವೆ. ಈ ಕಮಟು ವಾಸನೆ ಎಲ್ಲಿಂದ ಬರುತ್ತದೆ ? ಅದನ್ನು ನಿವಾರಿಸುವುದು ಹೇಗೆ? ಇದು ಗೃಹಿಣಿಯರನ್ನು ಕಾಡುವ ಪ್ರಶ್ನೆಗಳು. ಇಂಥ ಸಮಸ್ಯೆಗಳಿಗೆ ಮನೆಯಲ್ಲಿಯೇ ಸುಲಭವಾಗಿ ಪರಿಹಾರ ಕಂಡುಕೊಳ್ಳಬಹುದು.

. ಯಾವ ಕಾರಣಕ್ಕೆ ವಾಸನೆ ಬರುತ್ತದೆ? * ತೊಳೆದು ಹಾಕಿದ ಬಟ್ಟೆಗಳು ಸರಿಯಾಗಿ ಗಾಳಿ, ಬಿಸಿಲಿನಲ್ಲಿ ಒಣಗದಿದ್ದರೆ. ( ಮೋಡದ ವಾತಾವರಣ ಅಥವಾ ಚಳಿಗಾಲದ ದಿನದಲ್ಲಿ ತೇವವಾದ ಹವಾಗುಣ ಇದ್ದರೆ ಬಟ್ಟೆಗಳು ಬೇಗ ಒಣಗುವುದಿಲ್ಲ) * ಅಗತ್ಯಕ್ಕಿಂತ ಹೆಚ್ಚು ಹಾಗೂ ಅಗತ್ಯವಿದ್ದಷ್ಟು ಡಿಟರ್ಜೆಂಟ್ ಬಳಕೆ ಮಾಡದಿದ್ದರೆ. * ಬಟ್ಟೆ ತೊಳೆಯುವ ಯಂತ್ರವನ್ನು ಆಗಾಗ ಸ್ವಚ್ಛಗೊಳಿಸದಿದ್ದರೆ. * ತೊಳೆದ ಬಟ್ಟೆಗಳನ್ನು ತಕ್ಷಣ ವಾಷಿಂಗ್ ಮಷಿನ್ನಿಂದ ಹೊರತೆಗೆಯದಿದ್ದರೆ, (ಒದ್ದೆ ಬಟ್ಟೆಗಳಿಂದಲೂ ಕೆಟ್ಟ ವಾಸನೆ ಬರುತ್ತದೆ). * ನೀವು ಬಳಸುತ್ತಿರುವ ಡಿಟರ್ಜೆಂಟ್ ಪೌಡರ್ ಅಥವಾ ಲಿಕ್ವಿಡ್ ಡಿಟರ್ಜೆಂಟ್ ಸರಿಯಾಗಿ ಕೆಲಸ ಮಾಡುತ್ತಿಲ್ಲದಿದ್ದರೆ. * ವಾಷಿಂಗ್ ಮಷಿನ್ ಡ್ರಮ್ನಲ್ಲಿ ಯಾವಾಗಲೂ ತೇವಾಂಶ ಇರುವುದರಿಂದ, (ಯಂತ್ರದೊಳಗೆ / ಬಟ್ಟೆಗಳ ಮೇಲೆ) ಸೂಕ್ಷ್ಮಾಣುಗಳು ಬೆಳೆಯುವ ಸಾಧ್ಯತೆ ಇರುತ್ತದೆ. ಇದರಿಂದಲೂ ಬಟ್ಟೆ ವಾಸನೆ ಬರಬಹುದು.

. ಪರಿಹಾರಗಳೇನು? * ಒಗೆದ ಬಟ್ಟೆಗಳನ್ನು ಸರಿಯಾಗಿ ಒಣಗಿಸಲು ಬಿಸಲು ಇಲ್ಲದಿದ್ದರೆ ಅರೆಬರೆ ಬಣಗಿದ ಬಟ್ಟೆಯನ್ನು ಇಸ್ತ್ರಿ ಮಾಡಿ. ಇದರಿಂದ ಬಟ್ಟೆಗಳಿಂದ ಹೊರಡುವ ದುರ್ಗಂಧವನ್ನು ತಡೆಯಬಹುದು. * ಸಮರ್ಪಕವಾಗಿ ಡಿಟೆರ್ಜೆಂಟ್ ಬಳಸಿ. ಬಟ್ಟೆ ಒಗೆದ ನಂತರ, ಅದನ್ನು ಯಂತ್ರದಲ್ಲೇ ಬಿಡದೇ, ತಕ್ಷಣ ಒಣಗಿ ಹಾಕಿ. * ವಾಷಿಂಗ್ ಮಷೀನ್ ಅನ್ನು ಆಗಾಗ್ಗೆ ಸ್ವಚ್ಛಗೊಳಿಸಿ. ಸ್ವಚ್ಛಗೊಳಿಸುವಾಗ ಬಟ್ಟೆಗಳನ್ನು ಮಷಿನ್ ಡ್ರಮ್ನೊಳಗೆ ಹಾಕುವ ಮುನ್ನ ನೀರು ಮತ್ತು ಅಡುಗೆ ಸೋಡ ಹಾಕಿ ಸ್ವಚ್ಛಗೊಳಿಸಿ. ಇದಾದ ನಂತರ ಬಟ್ಟೆಗಳನ್ನು ಹಾಕಿ. ಅಡುಗೆ ಸೋಡದ ಬದಲು ವೈಟ್ ವಿನೆಗರ್ ಕೂಡ ಬಳಸಬಹುದು. ಈ ವಿಧಾನ ಬಳಸಿ ಯಂತ್ರದ ಡ್ರಮ್ ಅನ್ನು ಆಗಾಗ್ಗೆ ಸ್ವಚ್ಛಗೊಳಿಸುತ್ತಿದ್ದರೆ, ಬಟ್ಟೆಗಳು ದುರ್ಗಂಧ ಬೀರುವುದಿಲ್ಲ. * ಮಷಿನ್ನಲ್ಲಿ ಉಪ್ಪಿನ ಪದರ(ಸ್ಕೇಲ್) ಉಳಿದಾಗಲೂ ಬಟ್ಟೆ ವಾಸನೆಯಾಗುತ್ತದೆ. ಈ ಪದರವನ್ನು ನಿವಾರಿಸಲು ‘ಲ್ಯಾಂಡ್ರಿ ಕ್ಯಾಪ್ಸೂಲ್‘ ಬಳಸಬಹುದು.

. ಫ್ಯಾಬ್ರಿಕ್ ಸಾಫ್ಟ್ನರ್ ಬಳಸಿ.. ಬಟ್ಟೆಗಳಿಗೆ ಸುವಾಸನೆ ಮತ್ತು ಮೃದುತ್ವ ತರುವ ಹಲವು ಬಗೆಯ ಫ್ಯಾಬ್ರಿಕ್ ಸಾಫ್ಟ್ನರ್ಗಳು ಮಾರುಕಟ್ಟೆಯಲ್ಲಿ ಸಿಗುತ್ತವೆ. ಬಿಳಿ ಬಟ್ಟೆ, ಬಣ್ಣದ ಬಟ್ಟೆ, ಕಪ್ಪು ಬಟ್ಟೆ, ಮಕ್ಕಳ ಬಟ್ಟೆಗಳಿಗೆ ಬೇರೆ ಬೇರೆ ಸಾಫ್ಟ್ನರ್ಗಳಿವೆ. ಇದನ್ನು ಬಳಸುವುದರಿಂದ ಬಟ್ಟೆಗಳು ಮಾಸದಂತೆ ತಡೆಗಟ್ಟಬಹುದು. ಇದರೊಂದಿಗೆ ಬಟ್ಟೆಗಳು ಬಹಳ ಸಮಯ ಮೃದುವಾಗಿರುತ್ತವೆ. ಅಲ್ಲದೇ ಸುವಾಸನೆ ಕೂಡ ಬೀರುತ್ತವೆ. ನಿಮಗೆ ಇಷ್ಟವಾಗುವ ಪರಿಮಳದ ಸಾಫ್ಟ್ನರ್ ಸಿಗುತ್ತವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತೊಳೆದ ಬಟ್ಟೆಯಲಿ ಕಮಟು ವಾಸನೆಯೇ? ಹಾಗಾದರೆ ಮನೆಯಲ್ಲೇ ಇದೆ ಪರಿಹಾರ!

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ