ಭಾರತದಲ್ಲಿ ಆಧುನಿಕ ಗುಲಾಮಗಿರಿಯ ರೂಪಗಳು

ಬೆಂಗಳೂರು: ‘ಭಾರತದಲ್ಲಿ ಸುಮಾರು 1.83 ಕೋಟಿ ಜನರು ಆಧುನಿಕ ಗುಲಾಮಗಿರಿಗೆ ಸಿಲುಕಿ ನರಳುತ್ತಿದ್ದಾರೆ’ ಎಂದು ಜಾಗತಿಕ ಗುಲಾಮಗಿರಿ ಸೂಚ್ಯಂಕ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

. ವಿಶ್ವದಲ್ಲಿ ಅತಿ ಹೆಚ್ಚು ಜನರು ಗುಲಾಮಗಿರಿಗೆ ಸಿಲುಕಿರುವ ದೇಶಗಳ ಪಟ್ಟಿಯಲ್ಲಿ ಭಾರತ ನಾಲ್ಕನೇ ಸ್ಥಾನದಲ್ಲಿದೆ. ಉತ್ತರ ಕೊರಿಯ, ಉಜ್ಬೆಕಿಸ್ತಾನ ಮತ್ತು ಕಾಂಬೋಡಿಯ ಕ್ರಮವಾಗಿ ಒಂದು, ಎರಡು ಮತ್ತು ಮೂರನೇ ಸ್ಥಾನದಲ್ಲಿವೆ.

. ಆಸ್ಟ್ರೇಲಿಯದ ವಾಕ್ ಫ್ರೀ ಫೌಂಡೇಷನ್, ವಿಶ್ವಸಂಸ್ಥೆಯ ಅಂತರರಾಷ್ಟ್ರೀಯ ಕಾರ್ಮಿಕ ಆಯೋಗವು ಜಂಟಿಯಾಗಿ ನಡೆಸಿದ ಸಮೀಕ್ಷೆಯಲ್ಲಿ ಈ ಅಂಶ ಪತ್ತೆಯಾಗಿದೆ.

. ವಿಶ್ವದ 150 ದೇಶಗಳು ಗುಲಾಮಗಿರಿಯನ್ನು ಸಂಪೂರ್ಣವಾಗಿ ನಿಷೇಧಿಸಿವೆ. ಆದರೂ ಬಹುತೇಕ ಎಲ್ಲಾ ರಾಷ್ಟ್ರಗಳಲ್ಲೂ ಗುಲಾಮಗಿರಿ ಅಸ್ತಿತ್ವದಲ್ಲಿದೆ. ಒಟ್ಟಾರೆ ವಿಶ್ವದಾದ್ಯಂತ 4.58 ಕೋಟಿ ಜನರು ಆಧುನಿಕ ಗುಲಾಮಗಿರಿಗೆ ಸಿಲುಕಿದ್ದಾರೆ ಎಂದು ಸಮೀಕ್ಷೆಯ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

. ಜೀತಪದ್ಧತಿ ನಿರ್ಮೂಲನಾ ಕಾಯ್ದೆ, ಕಾರ್ಮಿಕ ಕಾನೂನು ಇದ್ದರೂ ಭಾರತದಲ್ಲಿ ಗುಲಾಮಗಿರಿ ಮತ್ತು ಜೀತಪದ್ಧತಿಯ ವಿರುದ್ಧ ದಾಖಲಾಗುವ ಪ್ರಕರಣಗಳ ಸಂಖ್ಯೆ ತೀರಾ ಕಡಿಮೆ.

. ಬಹುತೇಕ ಪ್ರಕರಣಗಳಲ್ಲಿ ಆರೋಪಿಗಳು ಸಂತ್ರಸ್ತರನ್ನು ಬೆದರಿಸುವುದರಿಂದ ಮತ್ತು ಸೂಕ್ತ ಸಾಕ್ಷ್ಯಾಧಾರ ದೊರೆಯದೇ ಇರುವುದರಿಂದ ತಪ್ಪಿತಸ್ಥರಿಗೆ ಶಿಕ್ಷೆಯಾಗುವುದಿಲ್ಲ ಎಂದು ವರದಿ ಹೇಳಿದೆ.

. * ಆಧುನಿಕ ಗುಲಾಮಗಿರಿಗೆ ವಿಶ್ವದಲ್ಲಿ ಅತಿಹೆಚ್ಚು ಜನರು ಗುರಿಯಾಗಿರುವ ದೇಶಗಳ ಪಟ್ಟಿಯಲ್ಲಿ ಭಾರತ ನಾಲ್ಕನೇ ಸ್ಥಾನದಲ್ಲಿದೆ

. ಭಾರತದಲ್ಲಿ ಇದ್ದಾರೆಂದು ಅಂದಾಜಿಸಲಾದ ಆಧುನಿಕ ಗುಲಾಮರ ಸಂಖ್ಯೆ 1.83 ಕೋಟಿ

. ದೇಶದ ಜನಸಂಖ್ಯೆಯಲ್ಲಿ ಆಧುನಿಕ ಗುಲಾಮರ ಪ್ರಮಾಣ 1.40%

. ವಿಶ್ವದಾದ್ಯಂತ ಇದ್ದಾರೆಂದು ಅಂದಾಜಿಸಲಾದ ಆಧುನಿಕ ಗುಲಾಮರ ಸಂಖ್ಯೆ 4.58 ಕೋಟಿ

. ವಿಶ್ವದ ಒಟ್ಟು ಆಧುನಿಕ ಗುಲಾಮರಲ್ಲಿ ಅರ್ಧಕ್ಕಿಂತಲೂ ಹೆಚ್ಚು ಭಾರತ, ಚೀನಾ, ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ಉಜ್ಬೆಕಿಸ್ತಾನಗಳಲ್ಲಿ ಇದ್ದಾರೆ

. ಹೆಚ್ಚು ಗುಲಾಮರ ದೇಶಗಳು

. ದೇಶದ ಜನಸಂಖ್ಯೆಯ ಪ್ರಮಾಣದಲ್ಲಿ ಹೆಚ್ಚು ಗುಲಾಮರನ್ನು ಹೊಂದಿರುವ ದೇಶಗಳು

. 1. ಉತ್ತರ ಕೊರಿಯ

. 2. ಉಜ್ಬೆಕಿಸ್ತಾನ

. 3. ಕಾಂಬೋಡಿಯ

. ಜೀತಪದ್ಧತಿ

. * ಅತ್ಯಂತ ಹಳೆಯ ಮತ್ತು ನಿಷೇಧವಾಗಿದ್ದರೂ ಅಸ್ತಿತ್ವದಲ್ಲಿರುವ ಪದ್ಧತಿ

. * ಕುಟುಂಬದ ಹಿರಿಯರು ಮಾಡಿದ ಸಾಲವನ್ನು ತೀರಿಸುವ ಸಲುವಾಗಿ ಸಂಬಳವಿಲ್ಲದೇ ದುಡಿಮೆ

. * ಸಾಲ ಮಾಡಿದವರ ಮಕ್ಕಳು ಬಲಿಯಾಗುವುದು ಹೆಚ್ಚು. ಮಕ್ಕಳು ಇಲ್ಲದಿದ್ದರೆ ಪತಿಯ ಪರವಾಗಿ ಪತ್ನಿ ದುಡಿಯಬೇಕಾಗುತ್ತದೆ

. * ಮನೆಗೆಲಸ, ಹೊಲ–ಗದ್ದೆ, ಕಲ್ಲು ಗಣಿಗಾರಿಕೆ, ಮೀನುಗಾರಿಕೆ ಮತ್ತು ಇಟ್ಟಿಗೆ ತಯಾರಿಕಾ ಘಟಕಗಳಲ್ಲಿ ಇಂತಹ ಜೀತದಾಳುಗಳನ್ನು ಕಾಣಬಹುದು

ಮನೆಗೆಲಸದಾಳು

. * ಇದೊಂದು ಅಸಂಘಟಿತ ವಲಯ

. * ಮಹಿಳೆಯರು ಮತ್ತು ಮಕ್ಕಳು ಕಂಡು ಬರುತ್ತಾರೆ

. * ಕಡಿಮೆ ಸಂಬಳ ಮತ್ತು ಹೆಚ್ಚು ಅವಧಿಯ ದುಡಿಮೆ

. * ಮಕ್ಕಳನ್ನು ಖರೀದಿಸಿ ತಂದು ಮನೆಗೆಲಸಕ್ಕೆ ಇರಿಸಿಕೊಳ್ಳುವುದು ರೂಢಿಯಲ್ಲಿದೆ

. * ಹಲ್ಲೆ, ನಿಂದನೆ, ಲೈಂಗಿಕ ದೌರ್ಜನ್ಯ ಮತ್ತು ಅತ್ಯಾಚಾರಗಳು ನಡೆಯುವ ಅಪಾಯ ಹೆಚ್ಚು

ಒತ್ತಾಯದ ಬಿಕ್ಷಾಟನೆ

. * ನಗರ ಮತ್ತು ಪಟ್ಟಣ ಪ್ರದೇಶಗಳಲ್ಲಿ ವ್ಯಾಪಕವಾಗಿದೆ

. * ವೃದ್ಧರು ಮತ್ತು ಮಕ್ಕಳನ್ನು ಬೆದರಿಕೆ ಒಡ್ಡಿ ಬಿಕ್ಷಾಟನೆಗೆ ದೂಡಲಾಗುತ್ತದೆ

. * ಬಿಕ್ಷೆಯಲ್ಲಿ ಸಂಗ್ರಹವಾದ ಹಣವನ್ನು ಯಾವುದೋ ಒಬ್ಬ ವ್ಯಕ್ತಿ/ಗುಂಪುಗಳಿಗೆ ನೀಡಬೇಕು

. * ಸಂತ್ರಸ್ತರಿಗೆ ಊಟವನ್ನು ಒದಗಿಸುವ ಕೆಲಸವನ್ನಷ್ಟೇ ಆ ವ್ಯಕ್ತಿ/ಗುಂಪುಗಳು ಮಾಡುತ್ತವೆ

. * ಮನೆಬಿಟ್ಟು ಬಂದ ಮಕ್ಕಳು, ಮಕ್ಕಳು ಹೊರದಬ್ಬಿದ ವೃದ್ಧರು ಈ ದಂದೆಗೆ ಬಲಿಯಾಗುವುದು ಹೆಚ್ಚು

. ವೇಶ್ಯಾವಾಟಿಕೆ

. * ಭಾರತದಾಧ್ಯಂತ ಈ ದಂದೆ ವ್ಯಾಪಕವಾಗಿದೆ

. * ಬಾಲಕಿಯರು–ಯುವತಿಯರು– ಮಹಿಳೆಯರನ್ನು ವೇಶ್ಯಾವಾಟಿಕೆ ದಂದೆಯಲ್ಲಿರುವವರಿಗೆ ಮಾರಾಟ ಮಾಡುವುದು ಸಾಮಾನ್ಯವಾಗಿದೆ

. * ಪ್ರೀತಿ–ಮದುವೆಯ ಮೂಲಕ ವಂಚಿಸಿ ಯುವತಿಯರನ್ನು ದಂದೆಗೆ ದೂಡಲಾಗುತ್ತದೆ

. * ದಿನಗಟ್ಟಲೆ ಊಟ ನೀಡದೆ, ಕೂಡಿ ಹಾಕಿ ಗ್ರಾಹಕರ ಜತೆ ಲೈಂಗಿಕತೆಗೆ ಸಹಕರಿಸುವಂತೆ ಮಾಡಲಾಗುತ್ತದೆ

ಬಲವಂತದ ಮದುವೆ

. * 18 ವರ್ಷ ತುಂಬದ ಬಾಲಕಿಯರಿಗೆ ಬಲವಂತವಾಗಿ ಮದುವೆ ಮಾಡಲಾಗುತ್ತದೆ

. * ಬಾಲಕಿಯರ ಪೋಷಕರಿಗೆ ಹಣ ನೀಡಲಾಗಿರುತ್ತದೆ, ಆದರೆ ಬಾಲಕಿಯರನ್ನು ಖರೀದಿಸಲಾಗಿದೆ ಎಂಬುದು ಅವರಿಗೆ ತಿಳಿಯದಂತೆ ವಂಚಿಸಲಾಗಿರುತ್ತದೆ

. * ಗ್ರಾಮೀಣ ಭಾಗದ ಬಾಲಕಿಯರನ್ನು ನಗರವಾಸಿ ಕುಟುಂಬದ ವರನಿಗೆ ಹೀಗೆ ಮದುವೆ ಮಾಡಿಕೊಳ್ಳುವುದು ರೂಢಿಯಲ್ಲಿದೆ

. * ಮದುವೆಯ ನಂತರ ವರನ ಮನೆಯಲ್ಲಿ ಬಾಲಕಿಯನ್ನು ಮನೆಗೆಲಸಕ್ಕೆ ಇರಿಸಿಕೊಳ್ಳಲಾಗುತ್ತದೆ. ಊಟ–ವಸತಿ–ಬಟ್ಟೆಯನ್ನಷ್ಟೇ ಕೊಡಲಾಗುತ್ತದೆ

. * ಮನೆಯಿಂದ ಹೊರ ಹೋಗಲು ಅವಕಾಶವಿರುವುದಿಲ್ಲ. ಹಲ್ಲೆ, ನಿಂದನೆ, ಲೈಂಗಿಕ ದೌರ್ಜನ್ಯ ಮತ್ತು ಅತ್ಯಾಚಾರದ ಅಪಾಯ ಹೆಚ್ಚು

. ಉಗ್ರ–ಬಂಡುಕೋರರ ಸಂಘಟನೆಗಳಿಗೆ ಬಲಿ

. * 6–7 ವರ್ಷದ ಮಕ್ಕಳನ್ನೇ ಒ್ತತಾಯವಾಗಿ ಇಲ್ಲವೇ ಅಪಹರಿಸಿಕೊಂಡು ಈ ಸಂಘಟನೆಗಳಿಗೆ ಸೇರಿಸಿಕೊಳ್ಳಲಾಗುತ್ತದೆ

. * ಇವರಿಗೆ ಶಸ್ತ್ರಾಸ್ತ್ರ ತರಬೇತಿ ನೀಡಿ, ವಿಧ್ವಂಸಕ ಕೃತ್ಯಗಳನ್ನು ನಡೆಸಲು ಪ್ರಚೋದನೆ ನೀಡಲಾಗುತ್ತದೆ

. * ಉಗ್ರರ ಸಂಘಟನೆಗಳು, ಬಂಡುಕೋರರ ಗುಂಪು ಮತ್ತು ನಕ್ಸಲ್ ಚಳವಳಿಗೆ ಈ ರೀತಿ ಮಕ್ಕಳು ಬಲಿಯಾಗುವುದು ಹೆಚ್ಚು

. * ಜಮ್ಮು ಮತ್ತು ಕಾಶ್ಮೀರ, ಪಂಜಾಬ್, ರಾಜಸ್ಥಾನ, ಬಿಹಾರ, ಜಾರ್ಖಂಡ್, ಪಶ್ಚಿಮ ಬಂಗಾಳ, ಅಸ್ಸಾಂ, ಮಣಿಪುರ, ತ್ರಿಪುರ, ಉತ್ತರ ಪ್ರದೇಶ, ಛತ್ತೀಸಗಡ, ಮಧ್ಯಪ್ರದೇಶ, ಕೇರಳ, ತಮಿಳುನಾಡು, ಆಂಧ್ರಪ್ರದೇಶ ಮತ್ತು ಕರ್ನಾಟಕಗಳಲ್ಲಿ ಈ ಸಮಸ್ಯೆ ವ್ಯಾಪಕವಾಗಿದೆ

. * ಲೈಂಗಿಕ ದೌರ್ಜನ್ಯದ ಅಪಾಯ ಹೆಚ್ಚು

ಆಧುನಿಕ ಗುಲಾಮಗಿರಿ ಯಾವುದೇ ವ್ಯಕ್ತಿಯ ಕೆಲಸದ ಆಯ್ಕೆ, ಊಟ ಮತ್ತು ಜೀವನ ಶೈಲಿಯ ಸ್ವಾತಂತ್ರ್ಯವನ್ನು ಮತ್ತೊಬ್ಬ ವ್ಯಕ್ತಿ ಹಣ, ಅಧಿಕಾರ, ಬಲ ಮತ್ತು ಹಿಂಸೆಯನ್ನು ಬಳಸಿ ಕಸಿದುಕೊಳ್ಳುವುದು ಆಧುನಿಕ ಜೀತ ಎಂದು ವಿಶ್ವ ಸಂಸ್ಥೆ ಹೇಳಿದೆ.

. ಆಧಾರ: ಜಾಗತಿಕ ಗುಲಾಮಗಿರಿ ಸೂಚ್ಯಂಕ–2016

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಭಾರತದಲ್ಲಿ ಆಧುನಿಕ ಗುಲಾಮಗಿರಿಯ ರೂಪಗಳು

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ಚಿನಕುರುಳಿ | ಸೋಮವಾರ, 14 ಜುಲೈ 2025

WI vs AUS: ಸ್ಟಾರ್ಕ್ ಬಿರುಗಾಳಿಗೆ ವಿಂಡೀಸ್ ಧೂಳಿಪಟ; 27 ರನ್ನಿಗೆ ಆಲೌಟ್

ಐಸಿಸಿ ರ್‍ಯಾಂಕಿಂಗ್‌: ಅಗ್ರ ಹತ್ತರಲ್ಲಿ ಶಫಾಲಿ ವರ್ಮಾ

ಈಕ್ವೆಸ್ಟ್ರಿಯನ್: ಶುಭ್ ಚೌಧರಿಗೆ ಮೂರು ಪದಕ

ಇಂಗ್ಲೆಂಡ್‌ ತಂಡಕ್ಕೆ ಮರಳಿದ ಎಡಗೈ ಸ್ಪಿನ್ನರ್‌ ಲಿಯಾಮ್‌ ಡಾಸನ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ಚಿನಕುರುಳಿ | ಸೋಮವಾರ, 14 ಜುಲೈ 2025