<p><strong>ಬೆಂಗಳೂರು:</strong> ಹೊಸ ವರ್ಷ ಆಚರಣೆ ಸಂದರ್ಭ (ಡಿ.31 ರಂದು) ಒಂದೇ ದಿನ ರಾಜ್ಯ ಸರ್ಕಾರ ಸ್ವಾಮ್ಯದ ಎಂಎಸ್ಐಎಲ್ ಮದ್ಯ ಮಾರಾಟ ಮಳಿಗೆಗಳಲ್ಲಿ ಸುಮಾರು ₹12 ಕೋಟಿ ಮೌಲ್ಯದ ಮದ್ಯ ಮಾರಾಟವಾಗಿದೆ.</p>.<p>ಎಂಎಸ್ಐಎಲ್ ರಾಜ್ಯದಲ್ಲಿ 510 ಮದ್ಯ ಮಾರಾಟ ಮಳಿಗೆಗಳನ್ನು ಹೊಂದಿದ್ದು, ಇಲ್ಲಿ ಎಲ್ಲ ರೀತಿಯ ಬ್ರ್ಯಾಂಡ್ಗಳ ಮದ್ಯ ಲಭ್ಯವಿರುತ್ತದೆ. ಈ ವರ್ಷ ಎಂಎಸ್ಐಎಲ್ ಮಳಿಗೆಗಳಲ್ಲಿ ಹಿಂದಿನ ವರ್ಷಗಳಿಗಿಂತ ಹೆಚ್ಚು ಮದ್ಯ ಮಾರಾಟವಾಗಿದೆ ಎಂದು ಎಂಎಸ್ಐಎಲ್ ವ್ಯವಸ್ಥಾಪಕ ನಿರ್ದೇಶಕ ಚಂದ್ರಪ್ಪ ‘ಪ್ರಜಾವಾಣಿ’ಗೆ ತಿಳಿಸಿದ್ದಾರೆ.</p>.<p>‘ಎಂಎಸ್ಐಎಲ್ ಮಳಿಗೆಗಳಲ್ಲಿ ಪ್ರತಿ ದಿನ ₹4 ಕೋಟಿಯಷ್ಟು ಮದ್ಯ ವಹಿವಾಟು ನಡೆಯುತ್ತದೆ. ಆದರೆ, ಡಿ. 31 ರಂದು ಮೂರು ಪಟ್ಟು ಹೆಚ್ಚು ಮಾರಾಟವಾಗಿದೆ. ಎಂಆರ್ಪಿ ದರದಲ್ಲಿ ಉತ್ಕೃಷ್ಟ ದರ್ಜೆಯ ಮದ್ಯ ಮಾರಾಟ ಮಾಡುತ್ತಿರುವುದು ಇದಕ್ಕೆ ಕಾರಣ’ ಎಂದು ಅವರು ತಿಳಿಸಿದರು.</p>.<p>‘ಎಂಎಸ್ಐಎಲ್ ಈ ಕ್ಷೇತ್ರಕ್ಕೆ ಪ್ರವೇಶಿಸಿದ ಬಳಿಕ ಖಾಸಗಿ ಮಳಿಗೆಗಳಿಗೆ ಹೋಗುತ್ತಿದ್ದ ಗ್ರಾಹಕರು ನಮ್ಮ ಕಡೆಗೆ ಬರುತ್ತಿದ್ದಾರೆ. ಒರಿಜಿನಲ್ ಚಾಯ್ಸ್ ವಿಸ್ಕಿ 180 ಎಂ.ಎಲ್ ಬಾಟಲಿಗೆ ಖಾಸಗಿ ಮಳಿಗೆಗಳಲ್ಲಿ ₹70 ಇದ್ದರೆ, ನಮ್ಮಲ್ಲಿ ₹50 ಇದೆ. ₹20 ವ್ಯತ್ಯಾಸವಿದೆ’ ಎಂದು ಹೇಳಿದರು.</p>.<p>ತುಮಕೂರು ಜಿಲ್ಲೆಯ ಭೀಮಸಂದ್ರ ಎಂಬ ಗ್ರಾಮದಲ್ಲಿ ಖಾಸಗಿ ಮದ್ಯ ಮಳಿಗೆ ಸಮೀಪವೇ ಎಂಎಸ್ಐಎಲ್ ಮಳಿಗೆ ಇದೆ. ಇಲ್ಲಿ ಡಿ.31 ರಂದು ₹ 12 ಲಕ್ಷ ಮೌಲ್ಯದ ಮದ್ಯ ಮಾರಾಟವಾಗಿದೆ. ಖಾಸಗಿಯವರು ಏನೆಲ್ಲಾ ಟ್ರಿಕ್ಸ್ ಮಾಡಿದರೂ ಜನ ನಮ್ಮ ಮಳಿಗೆಯತ್ತ ಹೆಚ್ಚಿನ ಸಂಖ್ಯೆಯಲ್ಲಿ ಬರುತ್ತಿದ್ದಾರೆ ಎಂದು ಅವರು ವಿವರಿಸಿದರು.</p>.<p>ರಾಯಚೂರು ನಗರದ ರೈಲ್ವೇ ನಿಲ್ದಾಣದ ರಸ್ತೆಯಲ್ಲಿರುವ ಮಳಿಗೆಯಲ್ಲಿ ಅತಿ ಹೆಚ್ಚು ಮದ್ಯ ಮಾರಾಟವಾಗಿದೆ. ಈ ಮಳಿಗೆಯಲ್ಲಿ ಮಧ್ಯಾಹ್ನದ ಬಳಿಕ ಮಾರಾಟವಾದ ಮದ್ಯದ ಮೌಲ್ಯ ₹ 12 ಲಕ್ಷ ಎಂದು ಅವರು ತಿಳಿಸಿದರು.</p>.<p>ಒಟ್ಟಾರೆ ರಾಜ್ಯದಲ್ಲಿ 2017 ರ ಡಿಸೆಂಬರ್ನಲ್ಲಿ 50 ಲಕ್ಷ ಕೇಸ್ಗಳಷ್ಟು ಮಾರಾಟವಾಗಿದೆ. ಕಳೆದ ವರ್ಷದ (2016) ಡಿಸೆಂಬರ್ನಲ್ಲಿ 49 ಲಕ್ಷ ಕೇಸ್ಗಳಷ್ಟು ಮಾರಾಟವಾಗಿತ್ತು. ಈ ವರ್ಷ ಅದು 50 ಲಕ್ಷಕ್ಕೆ ಏರಿಕೆಯಾಗಿದೆ. 2016ರ ಡಿಸೆಂಬರ್ನಲ್ಲಿ 19 ಲಕ್ಷ ಕೇಸ್ ಬಿಯರ್ ಮಾರಾಟವಾಗಿದ್ದರೆ, 2017 ಡಿಸೆಂಬರ್ನಲ್ಲಿ 23 ಲಕ್ಷ ಕೇಸ್ಗಳಷ್ಟು ಬಿಯರ್ ಮಾರಾಟವಾಗಿದೆ.</p>.<p>2016 ರ ಡಿಸೆಂಬರ್ ತಿಂಗಳಲ್ಲಿ ₹1,300 ಕೋಟಿ ಆದಾಯ ಬಂದಿತ್ತು. 2017 ರ ಡಿಸೆಂಬರ್ನಲ್ಲಿ ₹1,400 ಕೋಟಿ ಆದಾಯ ಬಂದಿದೆ. ಮದ್ಯ ಮಾರಾಟದಲ್ಲಿ ₹100 ಕೋಟಿ ಮಾತ್ರ ಹೆಚ್ಚಳವಾಗಿದೆ ಎಂದು ಅಬಕಾರಿ ಇಲಾಖೆ ಮೂಲಗಳು ತಿಳಿಸಿವೆ.</p>.<p>ಇತ್ತೀಚಿನ ದಿನಗಳಲ್ಲಿ ಆನ್ಲೈನ್ ಮೂಲಕ ಮದ್ಯ ಖರೀದಿಸುವವರು ಹೆಚ್ಚಾಗಿದ್ದಾರೆ. ಇದರಿಂದ ಮಳಿಗೆಗಳಲ್ಲಿ ಮದ್ಯ ಮಾರಾಟ ಕಡಿಮೆ ಆದಂತೆ ಕಾಣುತ್ತದೆ. ಆನ್ಲೈನ್ ಮೂಲಕಎಷ್ಟು ಮದ್ಯ ಮಾರಾಟವಾಗಿದೆ ಎಂಬ ನಿಖರ ಮಾಹಿತಿ ತಕ್ಷಣಕ್ಕೆ ಸಿಗುವುದಿಲ್ಲ ಎಂದು ತಿಳಿಸಿದರು.</p>.<p><strong>1000 ಮದ್ಯ ಮಳಿಗೆ ಗುರಿ</strong><br /> ರಾಜ್ಯದಲ್ಲಿ ಈಗ 510 ಮದ್ಯ ಮಾರಾಟ ಮಳಿಗೆ ಇದ್ದು, ಶೀಘ್ರವೇ 200 ರಿಂದ 300 ಮಳಿಗೆಗಳನ್ನು ಆರಂಭಿಸಲಾಗುವುದು. ಬೆಂಗಳೂರಿನಲ್ಲಿ 40 ಮಳಿಗೆಗಳಿವೆ. ಅವುಗಳ ಸಂಖ್ಯೆಯನ್ನು 1000 ಕ್ಕೆ ಏರಿಸುವ ಗುರಿ ಇದೆ ಎಂದು ಮುಖ್ಯ ವ್ಯವಸ್ಥಾಪಕ ನಿರ್ದೇಶಕ ಚಂದ್ರಪ್ಪ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಹೊಸ ವರ್ಷ ಆಚರಣೆ ಸಂದರ್ಭ (ಡಿ.31 ರಂದು) ಒಂದೇ ದಿನ ರಾಜ್ಯ ಸರ್ಕಾರ ಸ್ವಾಮ್ಯದ ಎಂಎಸ್ಐಎಲ್ ಮದ್ಯ ಮಾರಾಟ ಮಳಿಗೆಗಳಲ್ಲಿ ಸುಮಾರು ₹12 ಕೋಟಿ ಮೌಲ್ಯದ ಮದ್ಯ ಮಾರಾಟವಾಗಿದೆ.</p>.<p>ಎಂಎಸ್ಐಎಲ್ ರಾಜ್ಯದಲ್ಲಿ 510 ಮದ್ಯ ಮಾರಾಟ ಮಳಿಗೆಗಳನ್ನು ಹೊಂದಿದ್ದು, ಇಲ್ಲಿ ಎಲ್ಲ ರೀತಿಯ ಬ್ರ್ಯಾಂಡ್ಗಳ ಮದ್ಯ ಲಭ್ಯವಿರುತ್ತದೆ. ಈ ವರ್ಷ ಎಂಎಸ್ಐಎಲ್ ಮಳಿಗೆಗಳಲ್ಲಿ ಹಿಂದಿನ ವರ್ಷಗಳಿಗಿಂತ ಹೆಚ್ಚು ಮದ್ಯ ಮಾರಾಟವಾಗಿದೆ ಎಂದು ಎಂಎಸ್ಐಎಲ್ ವ್ಯವಸ್ಥಾಪಕ ನಿರ್ದೇಶಕ ಚಂದ್ರಪ್ಪ ‘ಪ್ರಜಾವಾಣಿ’ಗೆ ತಿಳಿಸಿದ್ದಾರೆ.</p>.<p>‘ಎಂಎಸ್ಐಎಲ್ ಮಳಿಗೆಗಳಲ್ಲಿ ಪ್ರತಿ ದಿನ ₹4 ಕೋಟಿಯಷ್ಟು ಮದ್ಯ ವಹಿವಾಟು ನಡೆಯುತ್ತದೆ. ಆದರೆ, ಡಿ. 31 ರಂದು ಮೂರು ಪಟ್ಟು ಹೆಚ್ಚು ಮಾರಾಟವಾಗಿದೆ. ಎಂಆರ್ಪಿ ದರದಲ್ಲಿ ಉತ್ಕೃಷ್ಟ ದರ್ಜೆಯ ಮದ್ಯ ಮಾರಾಟ ಮಾಡುತ್ತಿರುವುದು ಇದಕ್ಕೆ ಕಾರಣ’ ಎಂದು ಅವರು ತಿಳಿಸಿದರು.</p>.<p>‘ಎಂಎಸ್ಐಎಲ್ ಈ ಕ್ಷೇತ್ರಕ್ಕೆ ಪ್ರವೇಶಿಸಿದ ಬಳಿಕ ಖಾಸಗಿ ಮಳಿಗೆಗಳಿಗೆ ಹೋಗುತ್ತಿದ್ದ ಗ್ರಾಹಕರು ನಮ್ಮ ಕಡೆಗೆ ಬರುತ್ತಿದ್ದಾರೆ. ಒರಿಜಿನಲ್ ಚಾಯ್ಸ್ ವಿಸ್ಕಿ 180 ಎಂ.ಎಲ್ ಬಾಟಲಿಗೆ ಖಾಸಗಿ ಮಳಿಗೆಗಳಲ್ಲಿ ₹70 ಇದ್ದರೆ, ನಮ್ಮಲ್ಲಿ ₹50 ಇದೆ. ₹20 ವ್ಯತ್ಯಾಸವಿದೆ’ ಎಂದು ಹೇಳಿದರು.</p>.<p>ತುಮಕೂರು ಜಿಲ್ಲೆಯ ಭೀಮಸಂದ್ರ ಎಂಬ ಗ್ರಾಮದಲ್ಲಿ ಖಾಸಗಿ ಮದ್ಯ ಮಳಿಗೆ ಸಮೀಪವೇ ಎಂಎಸ್ಐಎಲ್ ಮಳಿಗೆ ಇದೆ. ಇಲ್ಲಿ ಡಿ.31 ರಂದು ₹ 12 ಲಕ್ಷ ಮೌಲ್ಯದ ಮದ್ಯ ಮಾರಾಟವಾಗಿದೆ. ಖಾಸಗಿಯವರು ಏನೆಲ್ಲಾ ಟ್ರಿಕ್ಸ್ ಮಾಡಿದರೂ ಜನ ನಮ್ಮ ಮಳಿಗೆಯತ್ತ ಹೆಚ್ಚಿನ ಸಂಖ್ಯೆಯಲ್ಲಿ ಬರುತ್ತಿದ್ದಾರೆ ಎಂದು ಅವರು ವಿವರಿಸಿದರು.</p>.<p>ರಾಯಚೂರು ನಗರದ ರೈಲ್ವೇ ನಿಲ್ದಾಣದ ರಸ್ತೆಯಲ್ಲಿರುವ ಮಳಿಗೆಯಲ್ಲಿ ಅತಿ ಹೆಚ್ಚು ಮದ್ಯ ಮಾರಾಟವಾಗಿದೆ. ಈ ಮಳಿಗೆಯಲ್ಲಿ ಮಧ್ಯಾಹ್ನದ ಬಳಿಕ ಮಾರಾಟವಾದ ಮದ್ಯದ ಮೌಲ್ಯ ₹ 12 ಲಕ್ಷ ಎಂದು ಅವರು ತಿಳಿಸಿದರು.</p>.<p>ಒಟ್ಟಾರೆ ರಾಜ್ಯದಲ್ಲಿ 2017 ರ ಡಿಸೆಂಬರ್ನಲ್ಲಿ 50 ಲಕ್ಷ ಕೇಸ್ಗಳಷ್ಟು ಮಾರಾಟವಾಗಿದೆ. ಕಳೆದ ವರ್ಷದ (2016) ಡಿಸೆಂಬರ್ನಲ್ಲಿ 49 ಲಕ್ಷ ಕೇಸ್ಗಳಷ್ಟು ಮಾರಾಟವಾಗಿತ್ತು. ಈ ವರ್ಷ ಅದು 50 ಲಕ್ಷಕ್ಕೆ ಏರಿಕೆಯಾಗಿದೆ. 2016ರ ಡಿಸೆಂಬರ್ನಲ್ಲಿ 19 ಲಕ್ಷ ಕೇಸ್ ಬಿಯರ್ ಮಾರಾಟವಾಗಿದ್ದರೆ, 2017 ಡಿಸೆಂಬರ್ನಲ್ಲಿ 23 ಲಕ್ಷ ಕೇಸ್ಗಳಷ್ಟು ಬಿಯರ್ ಮಾರಾಟವಾಗಿದೆ.</p>.<p>2016 ರ ಡಿಸೆಂಬರ್ ತಿಂಗಳಲ್ಲಿ ₹1,300 ಕೋಟಿ ಆದಾಯ ಬಂದಿತ್ತು. 2017 ರ ಡಿಸೆಂಬರ್ನಲ್ಲಿ ₹1,400 ಕೋಟಿ ಆದಾಯ ಬಂದಿದೆ. ಮದ್ಯ ಮಾರಾಟದಲ್ಲಿ ₹100 ಕೋಟಿ ಮಾತ್ರ ಹೆಚ್ಚಳವಾಗಿದೆ ಎಂದು ಅಬಕಾರಿ ಇಲಾಖೆ ಮೂಲಗಳು ತಿಳಿಸಿವೆ.</p>.<p>ಇತ್ತೀಚಿನ ದಿನಗಳಲ್ಲಿ ಆನ್ಲೈನ್ ಮೂಲಕ ಮದ್ಯ ಖರೀದಿಸುವವರು ಹೆಚ್ಚಾಗಿದ್ದಾರೆ. ಇದರಿಂದ ಮಳಿಗೆಗಳಲ್ಲಿ ಮದ್ಯ ಮಾರಾಟ ಕಡಿಮೆ ಆದಂತೆ ಕಾಣುತ್ತದೆ. ಆನ್ಲೈನ್ ಮೂಲಕಎಷ್ಟು ಮದ್ಯ ಮಾರಾಟವಾಗಿದೆ ಎಂಬ ನಿಖರ ಮಾಹಿತಿ ತಕ್ಷಣಕ್ಕೆ ಸಿಗುವುದಿಲ್ಲ ಎಂದು ತಿಳಿಸಿದರು.</p>.<p><strong>1000 ಮದ್ಯ ಮಳಿಗೆ ಗುರಿ</strong><br /> ರಾಜ್ಯದಲ್ಲಿ ಈಗ 510 ಮದ್ಯ ಮಾರಾಟ ಮಳಿಗೆ ಇದ್ದು, ಶೀಘ್ರವೇ 200 ರಿಂದ 300 ಮಳಿಗೆಗಳನ್ನು ಆರಂಭಿಸಲಾಗುವುದು. ಬೆಂಗಳೂರಿನಲ್ಲಿ 40 ಮಳಿಗೆಗಳಿವೆ. ಅವುಗಳ ಸಂಖ್ಯೆಯನ್ನು 1000 ಕ್ಕೆ ಏರಿಸುವ ಗುರಿ ಇದೆ ಎಂದು ಮುಖ್ಯ ವ್ಯವಸ್ಥಾಪಕ ನಿರ್ದೇಶಕ ಚಂದ್ರಪ್ಪ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
