<p>ಗಾಢವಾಗಿ ಏಳುತಿರುವ<br /> ಕಾರ್ಬನ್ನಿಗೆ ಸೋತ ಸೂರ್ಯ<br /> ಗರ್ವಮುಖಿ ಕಟ್ಟಡಗಳ<br /> ಬಾಯೊಳಗೆ ‘ಅಸ್ತಮಾ’ನವಾಗುತಿದ್ದ!?</p>.<p>ಆಕ್ಸೈಡುಗಳೂ ಆಕಳಿಸಿ<br /> ನಿಶೆಗೆ ಜಾರುತಿದ್ದಂತೆ<br /> ಬಣ್ಣದ ಡಬ್ಬಿ ಹೊತ್ತವ<br /> ತನ್ನಾಟವ ಶುರು ಹಚ್ಚಿದ!</p>.<p>ದೊಡ್ಡಪೇಟೆಯೊಳಗೆ ಸತ್ತ<br /> ಕರಿಹೆಬ್ಬಾವಂತೆ ಮಲಗಿತ್ತದು<br /> ಚತುಷ್ಪಥ ಹೆದ್ದಾರಿ ‘ವಾಹಿನಿ’!?<br /> ಅದರ ‘ವಿಭಜಕ’ಕಷ್ಟೇ ಬಣ್ಣ<br /> ಬಳಿಯುವ ಕೆಲಸ ಇವನಿಗೆ!</p>.<p>‘ಮೊನ್ನೆ ತಾನೆ ಬಳಿದಿರುವಿಯಲ್ಲೋ<br /> ಮಾರಾಯಾ! ಮತ್ತೇನಿವತ್ತು?’<br /> ‘ಮತ್ತೆ ಮತ್ತೆ ಬಳಿಯಬೇಕಂತೆ<br /> ಬಣ್ಣವ, ಮೇಲಿಂದಿದೆ ತಾಕೀತು!’</p>.<p>‘ಬಣ್ಣವನ್ನಾದರೂ ಬದಲಿಸಬಾರದೆ<br /> ಎಷ್ಟೊಂದಿವೆ! ಜಗದಲಿ!!’<br /> ‘ಕಾಮಾಲೆಗಣ್ಣು ಕತ್ತಲಭ್ರಮೆಗಿಂತ<br /> ಬೇಕೆ ವಿಭಜಕಕ್ಕೆ? ನೀವೇ ಹೇಳಿ!’</p>.<p>‘ಏನೇ ಹೇಳಿ ಸ್ವಾಮಿ! ಹಿಂದೆಯೂ<br /> ಇದ್ದವು ಕಡುಗಪ್ಪನೆಯ ದಾರಿ<br /> ರಸ್ತೆಯ ಎರಡೂ ಬದಿಗೆ ಬೆಳಕನು ಸಾರಿ<br /> ಮಧ್ಯ ಬೀದಿಯಲೂ ನಗೆ ಹೊಮ್ಮಿಸಿ<br /> ಸೇರುತಿದ್ದೆವು ಮನೆಯ, ಕೈದೋರಿ!’</p>.<p>‘ಈಗೆಲ್ಲ ಅದಾಗದು ಬಿಡಿ<br /> ಅಲ್ಲೇ ಬುಡದಲ್ಲಿದ್ದರೂ ಅವನಂಗಡಿ<br /> ಇವನ ಮನೆ, ಅವರ ಕೋಣೆ<br /> ಬರಲೇಬೇಕು ಸರ್ಕಲ್ಲಿಗೆ!<br /> ವಿಭಜಕದ ಕೆನ್ನಾಲಿಗೆಗೆ!!<br /> ಛೀ... ಥೂ..., ಬೇ... ಥೂ... ಬೈಗುಳ<br /> ಅವಸರಕೆ ಬಿದ್ದ ಬೀದಿ ಜಗಳ!’</p>.<p>‘ಹತ್ತೋ ಹದಿನೈದೋ ಡಿಗ್ರಿ ತಿರುಗಿದ್ದರೆ<br /> ಸಾಕಿತ್ತು, ಸಿಗುತಿತ್ತು ನಮ್ಮನೆ!<br /> ಈಗದು ತೊಂಬತ್ತು ಡಿಗ್ರಿ! ಮೂಗಿನ ನೇರಕೆ!!<br /> ಮುನ್ನೂರ ಅರವತ್ತು ಡಿಗ್ರಿ! ಯು ಟರ್ನ್ ದಾಳಕೆ!!<br /> ಹೊಗೆಯುಗುಳಿ, ಚಕ್ರ ಕೆರೆದು ನಿಂತಿವೆ ಪ್ಯಾನಲ್ ಪಿತ್ತಕೆ!!!’</p>.<p>ವಿಭಜಕ ಹೆಡೆಯ ಮೇಲೊಂದು ದೀಪಗಂಬ<br /> ಮತ್ತೆಮತ್ತೆ ನೋಡುತಿದ್ದರೂ ಮತ್ತದೇ ಬಿಂಬ!<br /> ‘ಹಳದಿಗತ್ತಲ ಕೆಂಡವ ಬಿಸುಟು ಶಾಂತಿಯ ಬಳಿಯಲೆ?’<br /> ಮುಚ್ಚಳ ಮೀಟುತಿದ್ದಂತೆ ರಕ್ಕಸ ಬಾಯಿಂದುಗುಳಿದ<br /> ಸೂರ್ಯ ನೆತ್ತಿ ಸುಡುತಿದ್ದ! ಮತ್ತೆ..!<br /> ಡಬ್ಬಿ ಹೊತ್ತವ ಮರೆಯಾದ!?</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>
<p>ಗಾಢವಾಗಿ ಏಳುತಿರುವ<br /> ಕಾರ್ಬನ್ನಿಗೆ ಸೋತ ಸೂರ್ಯ<br /> ಗರ್ವಮುಖಿ ಕಟ್ಟಡಗಳ<br /> ಬಾಯೊಳಗೆ ‘ಅಸ್ತಮಾ’ನವಾಗುತಿದ್ದ!?</p>.<p>ಆಕ್ಸೈಡುಗಳೂ ಆಕಳಿಸಿ<br /> ನಿಶೆಗೆ ಜಾರುತಿದ್ದಂತೆ<br /> ಬಣ್ಣದ ಡಬ್ಬಿ ಹೊತ್ತವ<br /> ತನ್ನಾಟವ ಶುರು ಹಚ್ಚಿದ!</p>.<p>ದೊಡ್ಡಪೇಟೆಯೊಳಗೆ ಸತ್ತ<br /> ಕರಿಹೆಬ್ಬಾವಂತೆ ಮಲಗಿತ್ತದು<br /> ಚತುಷ್ಪಥ ಹೆದ್ದಾರಿ ‘ವಾಹಿನಿ’!?<br /> ಅದರ ‘ವಿಭಜಕ’ಕಷ್ಟೇ ಬಣ್ಣ<br /> ಬಳಿಯುವ ಕೆಲಸ ಇವನಿಗೆ!</p>.<p>‘ಮೊನ್ನೆ ತಾನೆ ಬಳಿದಿರುವಿಯಲ್ಲೋ<br /> ಮಾರಾಯಾ! ಮತ್ತೇನಿವತ್ತು?’<br /> ‘ಮತ್ತೆ ಮತ್ತೆ ಬಳಿಯಬೇಕಂತೆ<br /> ಬಣ್ಣವ, ಮೇಲಿಂದಿದೆ ತಾಕೀತು!’</p>.<p>‘ಬಣ್ಣವನ್ನಾದರೂ ಬದಲಿಸಬಾರದೆ<br /> ಎಷ್ಟೊಂದಿವೆ! ಜಗದಲಿ!!’<br /> ‘ಕಾಮಾಲೆಗಣ್ಣು ಕತ್ತಲಭ್ರಮೆಗಿಂತ<br /> ಬೇಕೆ ವಿಭಜಕಕ್ಕೆ? ನೀವೇ ಹೇಳಿ!’</p>.<p>‘ಏನೇ ಹೇಳಿ ಸ್ವಾಮಿ! ಹಿಂದೆಯೂ<br /> ಇದ್ದವು ಕಡುಗಪ್ಪನೆಯ ದಾರಿ<br /> ರಸ್ತೆಯ ಎರಡೂ ಬದಿಗೆ ಬೆಳಕನು ಸಾರಿ<br /> ಮಧ್ಯ ಬೀದಿಯಲೂ ನಗೆ ಹೊಮ್ಮಿಸಿ<br /> ಸೇರುತಿದ್ದೆವು ಮನೆಯ, ಕೈದೋರಿ!’</p>.<p>‘ಈಗೆಲ್ಲ ಅದಾಗದು ಬಿಡಿ<br /> ಅಲ್ಲೇ ಬುಡದಲ್ಲಿದ್ದರೂ ಅವನಂಗಡಿ<br /> ಇವನ ಮನೆ, ಅವರ ಕೋಣೆ<br /> ಬರಲೇಬೇಕು ಸರ್ಕಲ್ಲಿಗೆ!<br /> ವಿಭಜಕದ ಕೆನ್ನಾಲಿಗೆಗೆ!!<br /> ಛೀ... ಥೂ..., ಬೇ... ಥೂ... ಬೈಗುಳ<br /> ಅವಸರಕೆ ಬಿದ್ದ ಬೀದಿ ಜಗಳ!’</p>.<p>‘ಹತ್ತೋ ಹದಿನೈದೋ ಡಿಗ್ರಿ ತಿರುಗಿದ್ದರೆ<br /> ಸಾಕಿತ್ತು, ಸಿಗುತಿತ್ತು ನಮ್ಮನೆ!<br /> ಈಗದು ತೊಂಬತ್ತು ಡಿಗ್ರಿ! ಮೂಗಿನ ನೇರಕೆ!!<br /> ಮುನ್ನೂರ ಅರವತ್ತು ಡಿಗ್ರಿ! ಯು ಟರ್ನ್ ದಾಳಕೆ!!<br /> ಹೊಗೆಯುಗುಳಿ, ಚಕ್ರ ಕೆರೆದು ನಿಂತಿವೆ ಪ್ಯಾನಲ್ ಪಿತ್ತಕೆ!!!’</p>.<p>ವಿಭಜಕ ಹೆಡೆಯ ಮೇಲೊಂದು ದೀಪಗಂಬ<br /> ಮತ್ತೆಮತ್ತೆ ನೋಡುತಿದ್ದರೂ ಮತ್ತದೇ ಬಿಂಬ!<br /> ‘ಹಳದಿಗತ್ತಲ ಕೆಂಡವ ಬಿಸುಟು ಶಾಂತಿಯ ಬಳಿಯಲೆ?’<br /> ಮುಚ್ಚಳ ಮೀಟುತಿದ್ದಂತೆ ರಕ್ಕಸ ಬಾಯಿಂದುಗುಳಿದ<br /> ಸೂರ್ಯ ನೆತ್ತಿ ಸುಡುತಿದ್ದ! ಮತ್ತೆ..!<br /> ಡಬ್ಬಿ ಹೊತ್ತವ ಮರೆಯಾದ!?</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>