ಶನಿವಾರ, ಜೂಲೈ 11, 2020
28 °C

ಡೆಲ್ಲಿ ಸುಲ್ತಾನ್ಸ್‌ಗೆ ಮೊದಲ ಅಗ್ನಿಪರೀಕ್ಷೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ: ಒಲಿಂಪಿಕ್ಸ್‌ನಲ್ಲಿ ಪದಕ ಗೆದ್ದಿರುವ ಸುಶೀಲ್ ಕುಮಾರ್‌ ಅವರನ್ನು ಒಳಗೊಂಡ ಡೆಲ್ಲಿ ಸುಲ್ತಾನ್ಸ್ ತಂಡ ಮಂಗಳವಾರದಿಂದ ಆರಂಭವಾಗಲಿರುವ ಪ್ರೊ ಕುಸ್ತಿ ಲೀಗ್‌ನಲ್ಲಿ ಮೊದಲ ಅಗ್ನಿಪರೀಕ್ಷೆ ಎದುರಿಸಲಿದೆ.

ಮೂರನೇ ಆವೃತ್ತಿಯ ಮೊದಲ ಪಂದ್ಯಕ್ಕೆ ಇಲ್ಲಿನ ಸಿರಿ ಫೋರ್ಟ್‌ ಕ್ರೀಡಾ ಸಂಕೀರ್ಣ ಸಜ್ಜುಗೊಂಡಿದೆ. ಡೆಲ್ಲಿ ಸುಲ್ತಾನ್ಸ್ ತಂಡ ಮುಂಬೈ ಮಹಾರತಿ ಎದುರು ಸೆಣಸಲಿದೆ.

ಹಿಂದಿನ ಆವೃತ್ತಿಯಲ್ಲಿ ಐದನೇ ಸ್ಥಾನ ಪಡೆದಿದ್ದ ಡೆಲ್ಲಿ ತಂಡ ಈ ಬಾರಿ ಸುಶೀಲ್ ಅವರ ಸೇರ್ಪಡೆಯಿಂದಾಗಿ ಬಲ ಹೆಚ್ಚಿಸಿಕೊಂಡಿದೆ. ಸುಶೀಲ್ ಅಮೋಘ ಫಾರ್ಮ್‌ನಲ್ಲಿದ್ದು 74ಕೆ.ಜಿ ವಿಭಾಗದಲ್ಲಿ ಡೆಲ್ಲಿ ತಂಡದ ಭರವಸೆ ಎನಿಸಿದ್ದಾರೆ.

92ಕೆ.ಜಿ ವಿಭಾಗದ ಸ್ಪರ್ಧಿ ಅಲ್ವರ್ನೊ ಅಸ್ಲನ್‌ ಅವರ ಮೇಲೆ ಹೆಚ್ಚು ವಿಶ್ವಾಸವಿದೆ. ರಿಯೊ ಒಲಿಂಪಿಕ್ಸ್‌ನಲ್ಲಿ ಕಂಚು ಗೆದ್ದಿರುವ ಅಜರ್‌ಬೈಜಾನ್‌ನ ಹಜಿಲ್‌ ಅಲಿಯವೆವ್‌ ಕೂಡ ಡೆಲ್ಲಿ ತಂಡದ ಶಕ್ತಿ ಹೆಚ್ಚಿಸಲಿದ್ದಾರೆ. ಸಂಗೀತಾ ಪೊಗಟ್ 57ಕೆ.ಜಿ ವಿಭಾಗದಲ್ಲಿ ಪಂದ್ಯ ಗೆಲ್ಲುವ ಸಾಮರ್ಥ್ಯ ಹೊಂದಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.