ಉತ್ತರ ಪ್ರದೇಶ ವಿಧಾನಸಭಾ ಚುನಾವಣಾ ಪ್ರಚಾರ ನಡೆಯುತ್ತಿದ್ದು, ಗೋರಖಪುರದಲ್ಲಿ ಅತಿಉದ್ದದ ಎಲ್ಪಿಜಿ ಪೈಪ್ಲೈನ್ ಕಾಮಗಾರಿ 2023ಕ್ಕೆ ಪೂರ್ಣಗೊಳ್ಳಲಿದೆ ಎಂಬ ಪೋಸ್ಟರ್ ಸಾಮಾಜಿಕ ಜಾಲತಾಣಗಳಲ್ಲಿ ಸುದ್ದಿಯಾಗಿದೆ. ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ ಅವರು ಗೋರಖಪುರದಿಂದ ಸ್ಪರ್ಧಿಸುತ್ತಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿಈ ಯೋಜನೆಗೆ 2019ರಲ್ಲಿ ಶಂಕುಸ್ಥಾಪನೆ ನೆರವೇರಿಸಿದ್ದರು. ಗುಜರಾತ್ನ ಕಾಂಡ್ಲಾದಿಂದ ಮಧ್ಯಪ್ರದೇಶ ಮೂಲಕ ಗೋರಖಪುರಕ್ಕೆ ಪೈಪ್ಲೈನ್ ಅಳವಡಿಲಾಗುತ್ತಿದೆ. ವೈರಲ್ ಆಗಿರುವ ಗ್ರಾಫಿಕ್ ಚಿತ್ರದಲ್ಲಿ ಇದನ್ನು ಜಗತ್ತಿನ ಅತಿದೊಡ್ಡ ಪೈಪ್ಲೈನ್ ಎಂದು ಬಣ್ಣಿಸಲಾಗಿದೆ. 2,757 ಕಿಲೋಮೀಟರ್ ಉದ್ದದ ಈ ಮಾರ್ಗವನ್ನು ₹10 ಸಾವಿರ ಕೋಟಿ ವೆಚ್ಚದಲ್ಲಿ ನಿರ್ಮಿಸಲಾಗುತ್ತಿದೆ ಎಂದು ಉಲ್ಲೇಖಿಸಲಾಗಿದೆ. 34 ಕೋಟಿ ಮನೆಗಳಿಗೆ ಎಲ್ಪಿಜಿ ಪೂರೈಕೆಯಾಗಲಿದ್ದು, ಇದನ್ನು ಕ್ರಾಂತಿಕಾರಿ ಯೋಜನೆ ಎಂದು ಕರೆಯಲಾಗಿದೆ.