ಇದೇ 14ರಂದು ಬಟಿಂಡಾದ ಸೇನಾನೆಲೆಯಲ್ಲಿ ನಡೆದ ಗುಂಡಿನ ದಾಳಿಯಲ್ಲಿ ನಾಲ್ವರು ಯೋಧರು ಮೃತಪಟ್ಟಿದ್ದರು. ಈ ನಾಲ್ವರು ಸೈನಿಕರು ಹಿಂದೂ ಧರ್ಮೀಯರಾಗಿದ್ದು, ಗುಂಡಿಟ್ಟು ಕೊಂದ ವ್ಯಕ್ತಿ ಸಿಖ್ ಧರ್ಮೀಯ ಎಂಬುದಾಗಿ ಸಾಮಾಜಿಕ ಜಾಲಾತಾಣಗಳಲ್ಲಿ ಹೇಳಲಾಗಿದೆ. ಹತ್ಯೆಗೀಡಾದ ಸೈನಿಕರು ‘18 ಹಾರ್ಸ್ ರೆಜಿಮೆಂಟ್’ಗೆ ಸೇರಿದವರು ಎಂಬುದಾಗಿ ‘ಸ್ಯಾಫ್ರನ್ ಡೈರೀಸ್’ ಎಂಬ ಟ್ವಿಟರ್ ಖಾತೆಯಲ್ಲಿ ಉಲ್ಲೇಖಿಸಲಾಗಿದೆ. ಈ ಟ್ವೀಟ್ ಅನ್ನು ಏಳು ಲಕ್ಷಕ್ಕೂ ಅಧಿಕ ಜನರು ವೀಕ್ಷಿಸಿದ್ದಾರೆ. ಆದರೆ ಈ ಮಾಹಿತಿ ತಪ್ಪು.