ಚಿತ್ರದಲ್ಲಿ ರಾಹುಲ್ ಗಾಂಧಿ ಹಾಗೂ ಉದ್ಯಮಿ ಸ್ಯಾಮ್ ಪಿತ್ರೊಡಾ ಜೊತೆ ಕಾಣಿಸಿಕೊಂಡಿರುವ ವ್ಯಕ್ತಿ ಬ್ರಿಟನ್‌ನ ಲೇಬರ್ ಪಾರ್ಟಿಯ ಮಾಜಿ ನಾಯಕ ಜೆರೆಮಿ ಕಾರ್ಬೈನ್. 2022ರ ಮೇನಲ್ಲಿ ಲಂಡನ್‌ನಲ್ಲಿ ಜೆರೆಮಿ ಅವರನ್ನು ರಾಹುಲ್ ಭೇಟಿಯಾಗಿದ್ದ ಚಿತ್ರವನ್ನೇ, ಬಿಬಿಸಿ ಸಾಕ್ಷ್ಯಚಿತ್ರ ನಿರ್ಮಾಪಕರ ಜತೆಗಿನ ಚಿತ್ರ ಎಂಬುದಾಗಿ ತಪ್ಪಾಗಿ ಅರ್ಥೈಸಲಾಗಿದೆ ಎಂದು ‘ಇಂಡಿಯಾಟುಡೇ’ ವರದಿ ಮಾಡಿದೆ. ರಿಚರ್ಡ್ ಕುಕ್ಸನ್‌ ಹಾಗೂ ಮೈಕ್ ರ್‍ಯಾಡ್‌ಫೋರ್ಡ್ ಅವರು ಬಿಬಿಸಿ ಸಾಕ್ಷ್ಯಚಿತ್ರ ನಿರ್ಮಿಸಿದ ಮಾಹಿತಿ ಬಿಬಿಸಿ ಅಧಿಕೃತ ತಾಣದಲ್ಲಿ ಇದೆ. ಜೆರೆಮಿ ಅವರಿಗೂ, ಬಿಬಿಸಿಗೂ ಯಾವುದೇ ನಂಟಿಲ್ಲ ಎಂದು ಇಂಡಿಯಾಟುಡೇ ವರದಿ ಮಾಡಿದೆ.
