ಈ ಚಿನ್ನದ ಪುತ್ಥಳಿಯ ಕುರಿತು ‘ಭಾರತ್‌ 24’, ‘ಇಂಡಿಯನ್‌ ಎಕ್ಸ್‌ಪ್ರೆಸ್‌’ ಹಾಗೂ ‘ಎನ್‌ಡಿಟಿವಿ’ 2023ರ ಜನವರಿಯಲ್ಲಿ ವರದಿ, ಸಂದರ್ಶನಗಳನ್ನು ಪ್ರಕಟಿಸಿವೆ. ಈ ಪುತ್ಥಳಿಯನ್ನು ತಯಾರಿಸಿದವರು ಬಸಂತ್‌ ಬೋರಾ ಎನ್ನುವ ಚಿನ್ನದ ವ್ಯಾಪಾರಿ. ಇವರ ಮೂಲ ಊರು ರಾಜಸ್ಥಾನ. ಆದರೆ, ಕಳೆದ 20 ವರ್ಷಗಳಿಂದ ಗುಜರಾತ್‌ನಲ್ಲಿ ನೆಲೆಸಿದ್ದಾರೆ. ಮೋದಿ ಅವರ ದೊಡ್ಡ ಅಭಿಮಾನಿಯಾದ ಇವರು, ಗುಜರಾತ್‌ ವಿಧಾನಸಭೆಗೆ ಕಳೆದ ಬಾರಿ ನಡೆದ ಚುನಾವಣೆಯಲ್ಲಿ ಬಿಜೆಪಿಯು 156 ಸ್ಥಾನಗಳನ್ನು ಗೆದ್ದಿರುವ ಖುಷಿಯನ್ನು ಚಿನ್ನದ ಪುತ್ಥಳಿ ತಯಾರಿಸುವ ಮೂಲಕ ಹಂಚಿಕೊಂಡಿದ್ದಾರೆ. ಆದ್ದರಿಂದ, ಸೌದಿ ಅರೇಬಿಯಾದ ಸರ್ಕಾರ ಮೋದಿ ಅವರ ಚಿನ್ನದ ಪುತ್ಥಳಿಯನ್ನು ಸ್ಥಾಪಿಸಿಲ್ಲ ಎಂದು ಬೂಮ್‌ಲೈವ್‌ ಫ್ಯಾಕ್ಟ್‌ಚೆಕ್‌ ಪ್ರಕಟಿಸಿದೆ.
