ಲಖನೌ: ಭಾರತದಲ್ಲಿ ಭಯೋತ್ಪಾದನಾ ಚಟುವಟಿಕೆಗಳನ್ನು ನಡೆಸಲು ಯೋಜಿಸುತ್ತಿದ್ದ ಆರೋಪದ ಮೇರೆಗೆ ಇಬ್ಬರು ಪಾಕಿಸ್ತಾನದ ಪ್ರಜೆಗಳು ಸೇರಿ ಮೂವರನ್ನು ಉತ್ತರ ಪ್ರದೇಶದ ಭಯೋತ್ಪಾದನಾ ನಿಗ್ರಹ ದಳ (ಎಟಿಎಸ್‌) ಗುರುವಾರ ಬಂಧಿಸಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಆರೋಪಿಗಳನ್ನು ಪಾಕಿಸ್ತಾನದ ರಾವಲ್ಪಿಂಡಿ ನಿವಾಸಿ ಮೊಹಮ್ಮದ್‌ ಅಲ್ತಾಫ್‌ ಭಟ್‌, ಇಸ್ಲಾಮಾಬಾದ್‌ ಮೂಲದ ಸೈಯದ್‌ ಗಜ್ನಾಫರ್‌ ಮತ್ತು ಜಮ್ಮು–ಕಾಶ್ಮೀರದ ನಿವಾಸಿ ನಾಸಿರ್‌ ಅಲಿ ಎಂದು ಗುರುತಿಸಲಾಗಿದೆ. ಮೂವರನ್ನು ಮಹಾರಾಜ್‌ಗಂಜ್‌ ಜಿಲ್ಲೆಯ ಸೊನೌಲಿಯಲ್ಲಿ ಇರುವ ಇಂಡೊ– ನೇಪಾಳ ಗಡಿಯಲ್ಲಿ ಬಂಧಿಸಲಾಗಿದೆ ಎಂದು ಎಟಿಎಸ್‌ ಪ್ರಕಟಣೆ ತಿಳಿಸಿದೆ.
