<p><strong>ನವದೆಹಲಿ:</strong> ಪದವಿ ಪಡೆದ ಅತ್ಯಂತ ಕಿರಿಯ ಎನ್ನುವ ಖ್ಯಾತಿಗೆ ಪಾತ್ರವಾಗಲು 9 ವರ್ಷದ ಲಾರೆಂಟ್ ಸೈಮನ್ಸ್ ಸಿದ್ಧವಾಗಿದ್ದು, ಈ ಪುಟ್ಟ ಪ್ರತಿಭೆಯು ಐಂಡ್ಹೋವನ್ ತಂತ್ರಜ್ಞಾನ ವಿಶ್ವವಿದ್ಯಾಲಯ(TUE)ದಿಂದ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ನಲ್ಲಿ ಮುಂದಿನ ಡಿಸೆಂಬರ್ನಲ್ಲಿ ಪದವಿ ಪಡೆಯಲಿದ್ದಾನೆ.</p>.<p>ಟೆಲಿಗ್ರಾಫ್ ವರದಿಯ ಪ್ರಕಾರ, ಲಾರೆಂಟ್ನ ಐಕ್ಯೂ ಮಟ್ಟ ಕನಿಷ್ಟ 145 ಆಗಿದೆ. ತಾನು 8 ವರ್ಷದವನಿದ್ದಾಗಲೇ ಕೇವಲ 18 ತಿಂಗಳಿನಲ್ಲಿ ಪ್ರೌಢಶಿಕ್ಷಣವನ್ನು ಲಾರೆಂಟ್ ಪೂರ್ಣಗೊಳಿಸಿದ್ದಾನೆ. ಈ ವರ್ಷದ ಆರಂಭದಲ್ಲಿ ಪದವಿ ಕೋರ್ಸ್ಗೆ ಸೇರಿದಾಗ ವಿಶ್ವವಿದ್ಯಾಲಯದ ಅತ್ಯಂತ ಕಿರಿಯ ವಿದ್ಯಾರ್ಥಿಯಾಗಿ ಗುರುತಿಸಿಕೊಂಡಿದ್ದಾನೆ.</p>.<p>ಸಿಎನ್ಎನ್ನೊಂದಿಗಿನ ಸಂದರ್ಶನದಲ್ಲಿ ಮಾತನಾಡಿರುವ ಲಾರೆಂಟ್ ತಂದೆ ಅಲೆಕ್ಸಾಂಡರ್ ಸೈಮನ್ಸ್, '9 ವರ್ಷದ ತಮ್ಮ ಪುತ್ರ ಎಲೆಕ್ಟ್ರಿಕ್ ಎಂಜಿನಿಯರಿಂಗ್ನಲ್ಲಿ ಪಿಎಚ್.ಡಿ ಮಾಡುವ ಮತ್ತು ಇದರ ಜತೆಯಲ್ಲಿ ಮೆಡಿಸಿನ್ನಲ್ಲಿ ಪದವಿ ಪಡೆಯುವ ಯೋಜನೆ ಹೊಂದಿದ್ದಾನೆ' ಎಂದು ತಿಳಿಸಿದ್ದಾರೆ.</p>.<p>'ವಿಶ್ವಾದ್ಯಂತ ಇರುವ ಹಲವು ಪ್ರತಿಷ್ಟಿತ ವಿಶ್ವವಿದ್ಯಾಲಯಗಳು ಲಾರೆಂಟ್ನ ನೇಮಕಾತಿಗೆ ಮುಂದೆ ಬಂದಿವೆ. ಲಾರೆಂಟ್ ತುಂಬಾ ಗಂಭೀರವಾಗಿರಲು ನಾವು ಬಯಸುವುದಿಲ್ಲ. ಆತನಿಗೆ ಇಷ್ಟವಾಗಿದ್ದನ್ನು ಅವನು ಮಾಡುತ್ತಾನೆ. ನಾವು ಆತನ ಮತ್ತು ಅವನ ಪ್ರತಿಭೆ ಮಧ್ಯೆ ಸಮತೋಲನವನ್ನು ಸಾಧಿಸಬೇಕಿದೆ' ಎನ್ನುತ್ತಾರೆ ಪಾಲಕರು.</p>.<p>ಟಿಯುಇಯ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ನ ನಿರ್ದೇಶಕ ಸ್ಜೋರ್ಡ್ ಹಲ್ಶಾಫ್ ಮಾತನಾಡಿ, 'ಇದುವರೆಗೂ ನಾವು ನೋಡಿರುವ ವಿದ್ಯಾರ್ಥಿಗಳಲ್ಲಿ ಲಾರೆಂಟ್ ಅತ್ಯಂತ ವೇಗವಾಗಿ ಕಲಿಯುವ ವಿದ್ಯಾರ್ಥಿ. ಕೇವಲ ಅಗಾಧ ಬುದ್ಧಿವಂತಿಕೆ ಮಾತ್ರವಲ್ಲ ಅತ್ಯಂತ ಸಹಾನುಭೂತಿಯನ್ನು ಹೊಂದಿದ್ದಾನೆ' ಎನ್ನುತ್ತಾರೆ.</p>.<p>ಲಾರೆಂಟ್ ತಾಯಿ ಲಿದಿಯಾ ಮಾತನಾಡಿ, 'ಲಾರೆಂಟ್ ಅತ್ಯಂತ ವಿಶೇಷ ಎನ್ನುವುದನ್ನು ಮೊದಲಿಗೆ ಆತನ ಅಜ್ಜಿ ತಾತ ಗುರುತಿಸಿದರು' ಎಂದು ಹೇಳಿದ್ದಾರೆ.</p>.<p>ಲಾರೆಂಟ್ ಈ ಸಾಧನೆಯೊಂದಿಗೆ ವಿಶ್ವದ ಅತ್ಯಂತ ಕಿರಿಯ ಪದವಿಧರ ಎನ್ನುವ ಕೀರ್ತಿಗೆ ಪಾತ್ರನಾಗಲಿದ್ದು, ಮೈಕೆಲ್ ಕಾರ್ನೆಯ ದಾಖಲೆಯನ್ನು ಸರಿಗಟ್ಟಲಿದ್ದಾನೆ. ಮೈಕೆಲ್ ಕಾರ್ನೆಯು ಅಲಬಾನಾ ವಿಶ್ವವಿದ್ಯಾಲಯದಿಂದ ತನ್ನ 10ನೇ ವಯಸ್ಸಿಗೆ ಪದವಿ ಪಡೆದಿದ್ದನು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಪದವಿ ಪಡೆದ ಅತ್ಯಂತ ಕಿರಿಯ ಎನ್ನುವ ಖ್ಯಾತಿಗೆ ಪಾತ್ರವಾಗಲು 9 ವರ್ಷದ ಲಾರೆಂಟ್ ಸೈಮನ್ಸ್ ಸಿದ್ಧವಾಗಿದ್ದು, ಈ ಪುಟ್ಟ ಪ್ರತಿಭೆಯು ಐಂಡ್ಹೋವನ್ ತಂತ್ರಜ್ಞಾನ ವಿಶ್ವವಿದ್ಯಾಲಯ(TUE)ದಿಂದ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ನಲ್ಲಿ ಮುಂದಿನ ಡಿಸೆಂಬರ್ನಲ್ಲಿ ಪದವಿ ಪಡೆಯಲಿದ್ದಾನೆ.</p>.<p>ಟೆಲಿಗ್ರಾಫ್ ವರದಿಯ ಪ್ರಕಾರ, ಲಾರೆಂಟ್ನ ಐಕ್ಯೂ ಮಟ್ಟ ಕನಿಷ್ಟ 145 ಆಗಿದೆ. ತಾನು 8 ವರ್ಷದವನಿದ್ದಾಗಲೇ ಕೇವಲ 18 ತಿಂಗಳಿನಲ್ಲಿ ಪ್ರೌಢಶಿಕ್ಷಣವನ್ನು ಲಾರೆಂಟ್ ಪೂರ್ಣಗೊಳಿಸಿದ್ದಾನೆ. ಈ ವರ್ಷದ ಆರಂಭದಲ್ಲಿ ಪದವಿ ಕೋರ್ಸ್ಗೆ ಸೇರಿದಾಗ ವಿಶ್ವವಿದ್ಯಾಲಯದ ಅತ್ಯಂತ ಕಿರಿಯ ವಿದ್ಯಾರ್ಥಿಯಾಗಿ ಗುರುತಿಸಿಕೊಂಡಿದ್ದಾನೆ.</p>.<p>ಸಿಎನ್ಎನ್ನೊಂದಿಗಿನ ಸಂದರ್ಶನದಲ್ಲಿ ಮಾತನಾಡಿರುವ ಲಾರೆಂಟ್ ತಂದೆ ಅಲೆಕ್ಸಾಂಡರ್ ಸೈಮನ್ಸ್, '9 ವರ್ಷದ ತಮ್ಮ ಪುತ್ರ ಎಲೆಕ್ಟ್ರಿಕ್ ಎಂಜಿನಿಯರಿಂಗ್ನಲ್ಲಿ ಪಿಎಚ್.ಡಿ ಮಾಡುವ ಮತ್ತು ಇದರ ಜತೆಯಲ್ಲಿ ಮೆಡಿಸಿನ್ನಲ್ಲಿ ಪದವಿ ಪಡೆಯುವ ಯೋಜನೆ ಹೊಂದಿದ್ದಾನೆ' ಎಂದು ತಿಳಿಸಿದ್ದಾರೆ.</p>.<p>'ವಿಶ್ವಾದ್ಯಂತ ಇರುವ ಹಲವು ಪ್ರತಿಷ್ಟಿತ ವಿಶ್ವವಿದ್ಯಾಲಯಗಳು ಲಾರೆಂಟ್ನ ನೇಮಕಾತಿಗೆ ಮುಂದೆ ಬಂದಿವೆ. ಲಾರೆಂಟ್ ತುಂಬಾ ಗಂಭೀರವಾಗಿರಲು ನಾವು ಬಯಸುವುದಿಲ್ಲ. ಆತನಿಗೆ ಇಷ್ಟವಾಗಿದ್ದನ್ನು ಅವನು ಮಾಡುತ್ತಾನೆ. ನಾವು ಆತನ ಮತ್ತು ಅವನ ಪ್ರತಿಭೆ ಮಧ್ಯೆ ಸಮತೋಲನವನ್ನು ಸಾಧಿಸಬೇಕಿದೆ' ಎನ್ನುತ್ತಾರೆ ಪಾಲಕರು.</p>.<p>ಟಿಯುಇಯ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ನ ನಿರ್ದೇಶಕ ಸ್ಜೋರ್ಡ್ ಹಲ್ಶಾಫ್ ಮಾತನಾಡಿ, 'ಇದುವರೆಗೂ ನಾವು ನೋಡಿರುವ ವಿದ್ಯಾರ್ಥಿಗಳಲ್ಲಿ ಲಾರೆಂಟ್ ಅತ್ಯಂತ ವೇಗವಾಗಿ ಕಲಿಯುವ ವಿದ್ಯಾರ್ಥಿ. ಕೇವಲ ಅಗಾಧ ಬುದ್ಧಿವಂತಿಕೆ ಮಾತ್ರವಲ್ಲ ಅತ್ಯಂತ ಸಹಾನುಭೂತಿಯನ್ನು ಹೊಂದಿದ್ದಾನೆ' ಎನ್ನುತ್ತಾರೆ.</p>.<p>ಲಾರೆಂಟ್ ತಾಯಿ ಲಿದಿಯಾ ಮಾತನಾಡಿ, 'ಲಾರೆಂಟ್ ಅತ್ಯಂತ ವಿಶೇಷ ಎನ್ನುವುದನ್ನು ಮೊದಲಿಗೆ ಆತನ ಅಜ್ಜಿ ತಾತ ಗುರುತಿಸಿದರು' ಎಂದು ಹೇಳಿದ್ದಾರೆ.</p>.<p>ಲಾರೆಂಟ್ ಈ ಸಾಧನೆಯೊಂದಿಗೆ ವಿಶ್ವದ ಅತ್ಯಂತ ಕಿರಿಯ ಪದವಿಧರ ಎನ್ನುವ ಕೀರ್ತಿಗೆ ಪಾತ್ರನಾಗಲಿದ್ದು, ಮೈಕೆಲ್ ಕಾರ್ನೆಯ ದಾಖಲೆಯನ್ನು ಸರಿಗಟ್ಟಲಿದ್ದಾನೆ. ಮೈಕೆಲ್ ಕಾರ್ನೆಯು ಅಲಬಾನಾ ವಿಶ್ವವಿದ್ಯಾಲಯದಿಂದ ತನ್ನ 10ನೇ ವಯಸ್ಸಿಗೆ ಪದವಿ ಪಡೆದಿದ್ದನು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
