ಸೋಮವಾರ, 26 ಫೆಬ್ರುವರಿ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಒಡಿಶಾ: ಡ್ರೋನ್‌ ಮೂಲಕ ರಕ್ತ ರವಾನಿಸಿದ ಏಮ್ಸ್‌, ಇದು ದೇಶದಲ್ಲೇ ಮೊದಲ ಉಪಕ್ರಮ

Published 27 ಜನವರಿ 2024, 13:39 IST
Last Updated 27 ಜನವರಿ 2024, 13:39 IST
ಅಕ್ಷರ ಗಾತ್ರ

ಭುವನೇಶ್ವರ: ಒಡಿಶಾದ ಭುವನೇಶ್ವರದ ಅಖಿಲ ಭಾರತ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯು (ಏಮ್ಸ್‌) ರಾಜ್ಯದ ಕೊರ್ಧಾ ಜಿಲ್ಲೆಯಲ್ಲಿಯ ತಂಗಿ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ರಕ್ತದ ಚೀಲವನ್ನು ಗುರುವಾರ ಡ್ರೋನ್‌ ಮೂಲಕ ರವಾನಿಸಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇದು ಭುವನೇಶ್ವರದ ಏಮ್ಸ್‌ನ ‘ಡ್ರೋನ್‌ ಆರೋಗ್ಯ ಸೇವೆ’ಯ ಉದ್ಘಾಟನಾ ಹಾರಾಟವಾಗಿತ್ತು. ಮೊದಲ ಹಾರಾಟದಲ್ಲಿಯೇ 65 ಕಿಮೀ ದೂರದ ಆರೋಗ್ಯ ಕೇಂದ್ರಕ್ಕೆ ರಕ್ತ ರವಾನಿಸಲಾಗಿದೆ. ಕೇವಲ 35 ನಿಮಿಷದಲ್ಲಿ ರಕ್ತದ ಚೀಲವನ್ನು ತಲುಪಿಸಲಾಗಿದೆ. ಡ್ರೋನ್‌ ಬಳಸಿ ರಕ್ತ ರವಾನಿಸುತ್ತಿರುವುದು ದೇಶದಲ್ಲಿ ಇದೇ ಮೊದಲು ಎಂದು ಏಮ್ಸ್‌ನ ಪ್ರಕಟಣೆಯಲ್ಲಿ ಹೇಳಲಾಗಿದೆ.

ಸ್ಕೈ ಏರ್‌ ಮೊಬಿಲಿಟಿ ಎಂಬ ಸಂಸ್ಥೆ ಡ್ರೋನ್‌ ಸೇವೆಯನ್ನು ಭುವನೇಶ್ವರ ಏಮ್ಸ್‌ಗೆ ಒದಗಿಸುತ್ತಿದೆ. ರೋಗಿಯೊಬ್ಬರಿಗಾಗಿ ರಕ್ತ ರವಾನಿಸಲಾಗಿದೆ. ತಂತ್ರಜ್ಞಾನವನ್ನು ಆರೋಗ್ಯ ಸೇವಾ ವ್ಯವಸ್ಥೆ ಜೊತೆ ಸಂಜೋಯಿಸುವ ವಿಚಾರದಲ್ಲಿ ಈ ಉಪಕ್ರಮವು ಮಹತ್ವದ ಮೈಲಿಗಲ್ಲಾಗಿದೆ. ಆರೋಗ್ಯ ಕೇಂದ್ರದಿಂದ ಹಿಂದಿರುಗುವಾಗ ರಕ್ತದ ಮಾದರಿಗಳನ್ನು ಈ ಡ್ರೋನ್‌ ಹೊತ್ತುತಂದಿದೆ ಎಂದು ಭುವನೇಶ್ವರದ ಏಮ್ಸ್‌ನ ಕಾರ್ಯಕಾರಿ ನಿರ್ದೇಶಕ ಆಶುತೋಷ್‌ ಬಿಸ್ವಾಸ್‌ ಹೇಳಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT