ನವದೆಹಲಿ: ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರು ಮಂಗಳವಾರ ಒಂದು ವಾರದ ಯುರೋಪ್ ಪ್ರವಾಸ ಆರಂಭಿಸಿದ್ದಾರೆ.
ಭೇಟಿಯ ವೇಳೆ ಅವರು ಯುರೋಪ್ ಒಕ್ಕೂಟದ (European Union) ವಕೀಲರು, ವಿದ್ಯಾರ್ಥಿಗಳು ಮತ್ತು ಯುರೋಪ್ನಲ್ಲಿ ನೆಲೆಸಿದ ಭಾರತೀಯರೊಂದಿಗೆ ಸಭೆ ನಡೆಸಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ಸೆ.7ರಂದು ಬ್ರಸೆಲ್ಸ್ ಮತ್ತು ಹೇಗ್ನಲ್ಲಿ ಯುರೋಪ್ ಯುನಿಯನ್ ವಕೀಲರನ್ನು ಭೇಟಿಯಾಗಲಿದ್ದಾರೆ.
ಸೆ.8 ರಂದು ಪ್ಯಾರಿಸ್ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ರಾಹುಲ್ ಮಾತನಾಡಲಿದ್ದಾರೆ.
ಸೆ. 9 ರಂದು ಪ್ಯಾರಿಸ್ನಲ್ಲಿ ಫ್ರಾನ್ಸ್ನ ಲೇಬರ್ ಯೂನಿಯನ್ನ ಸಭೆಯಲ್ಲಿ ಭಾಗವಹಿಸಲಿದ್ದಾರೆ. ನಂತರ ಅವರು ನಾರ್ವೆಗೆ ಭೇಟಿ ನೀಡಲಿದ್ದು, ಸೆ.10 ರಂದು ಓಸ್ಲೋದಲ್ಲಿ ಭಾರತ ಮೂಲದವರನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ ಎಂದು ಮೂಲಗಳು ಹೇಳಿವೆ.
ಸೆ.11ರಂದು ಜಿ–20 ಸಭೆ ಮುಗಿದ ಮೇಲೆ ರಾಹುಲ್ ಗಾಂಧಿ ಅವರು ಭಾರತಕ್ಕೆ ವಾಪಸ್ಸಾಗುವ ನಿರೀಕ್ಷೆಯಿದೆ.
ಜಿ20 ನಾಯಕರ ಶೃಂಗಸಭೆ ಸೆ. 9-10ರವರೆಗೆ ದೆಹಲಿಯಲ್ಲಿ ನಡೆಯಲಿದೆ.