ನವದೆಹಲಿ: ರಾಷ್ಟ್ರ ರಾಜಧಾನಿಯಲ್ಲಿ ತಾಪಮಾನ ಇಳಿಕೆಯಾಗಿದ್ದು, ದಟ್ಟ ಮಂಜಿನ ಪರದೆ ಆವರಿಸಿಕೊಂಡಿದೆ. ಇದರಿಂದಾಗಿ ಇಂದಿರಾ ಗಾಂಧಿ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಿಮಾನ ಸಂಚಾರ ವ್ಯತ್ಯಯವಾಗಿದೆ. ಸುಮಾರು 18 ರೈಲುಗಳ ಕಾರ್ಯಾಚರಣೆ ವಿಳಂಬವಾಗಿದೆ.
#WATCH | Fog & cold wave grips the national capital as temperature dips further.
— ANI (@ANI) January 15, 2024
(Visuals from near India Gate area, shot at 5:40 am) pic.twitter.com/IuFg1QNZZv
ಕರ್ತವ್ಯ ಪಥದಲ್ಲಿ ದಟ್ಟ ಮಂಜಿನ ನಡುವೆಯೇ ಗಣರಾಜ್ಯೋತ್ಸವದ ಪೂರ್ವಾಭ್ಯಾಸ ನಡೆಯಿತು. ಚಳಿಗಾಳಿ ಹಾಗೂ ಮಂಜಿನಿಂದಾಗಿ ಜನ ಬೆಂಕಿಯ ಶಾಖದಲ್ಲಿ ಮೈ ಕಾಯಿಸಿಕೊಳ್ಳುತ್ತಿರುವ ದೃಶ್ಯಗಳು ಕಂಡು ಬಂದವು.
ಬೆಳಿಗ್ಗೆ 8 ಗಂಟೆಯಾದರೂ ಕೂಡ ಮಂಜಿನ ಪರದೆ ಸರಿಯದಿದ್ದರಿಂದ, ಜನರ ದೈನಂದಿನ ಚುಟುವಟಿಕೆಗಳಿಗೆ ತೊಂದರೆಯಾದವು. ವಾಹನ ಸವಾರರು ಪರದಾಡುವಂತಾಯಿತು.
#WATCH | Delhi: Cold wave and fog continue in the national capital.
— ANI (@ANI) January 15, 2024
(Visuals from Anand Vihar & Vivek Vihar, shot at 6:15 am) pic.twitter.com/dMgEVTk5GW
ವಿಮಾನ ಸಂಚಾರದಲ್ಲಿ ವಿಳಂಬವಾಗಿದ್ದರಿಂದ ನಿಲ್ದಾಣದಲ್ಲಿ ಸಿಲುಕಿರುವ ಪ್ರಯಾಣಿರು ತೊಂದರೆ ಅನುಭವಿಸಿದರು. 2–3 ಗಂಟೆಗೂ ಅಧಿಕ ಹೊತ್ತು ವಿಮಾನ ಸಂಚಾರದಲ್ಲಿ ವ್ಯತ್ಯಯವಾಗಿತ್ತು.
ಹವಾಮಾನ ವೈಪರೀತ್ಯದಿಂದ ವಿಮಾನಗಳ ಕಾರ್ಯಾಚರಣೆಗೆ ತೊಂದರೆಯಾಗಿದ್ದು, ದೆಹಲಿ ವಿಮಾನ ನಿಲ್ದಾಣವು ಪ್ರಯಾಣಿಕರಿಗೆ ಸಲಹೆಯನ್ನು ಬಿಡುಗಡೆ ಮಾಡಿದೆ.
#WATCH | Delhi: Cold wave and dense fog continue in National Capital.
— ANI (@ANI) January 15, 2024
(Drone visuals from Mehrauli-Gurugram road shot at 8 am) pic.twitter.com/dn0zNXWi4X
‘ದಟ್ಟ ಮಂಜಿನಿಂದಾಗಿ, ದೆಹಲಿ ವಿಮಾನ ನಿಲ್ದಾಣದಲ್ಲಿ ವಿಮಾನಗಳ ಕಾರ್ಯಾಚರಣೆಗೆ ಸಮಸ್ಯೆ ಉಂಟಾಗಿದೆ. ವಿಮಾನದ ಮಾಹಿತಿಗಾಗಿ ಪ್ರಯಾಣಿಕರು ಏರ್ಲೈನ್ಸ್ ಅನ್ನು ಸಂಪರ್ಕಿಸಲು ಕೋರಲಾಗಿದೆ’ ಎಂದು ಎಕ್ಸ್ನಲ್ಲಿ ಬರೆದುಕೊಂಡಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.