ಕೋವಿಡ್-19: ಲಸಿಕೆ ಕಾರ್ಯಕ್ರಮ ಕುಂಠಿತ

ನವದೆಹಲಿ : ಕೇಂದ್ರ ಸರ್ಕಾರದ ನೂತನ ಕೋವಿಡ್ ಲಸಿಕೆನೀತಿಯ ಅಡಿ ಜೂನ್ 21ರಂದು ಆರಂಭವಾದ ಲಸಿಕಾ ಕಾರ್ಯಕ್ರಮವು ಈಗ ಬಿರುಸು ಕಳೆದುಕೊಂಡಿದೆ. ಮೊದಲ ವಾರದಲ್ಲಿ ಪ್ರತಿದಿನ 60 ಲಕ್ಷಕ್ಕೂ ಹೆಚ್ಚು ಡೋಸ್ಗಳನ್ನು ಹಾಕಲಾಗಿತ್ತು. ಇದೇ ಮಂಗಳವಾರ, ಬುಧವಾರ ಮತ್ತು ಗುರುವಾರ ಕ್ರಮವಾಗಿ 27.54 ಲಕ್ಷ, 36.46 ಲಕ್ಷ ಮತ್ತು 41 ಲಕ್ಷ ಡೋಸ್ ಲಸಿಕೆಗಳನ್ನಷ್ಟೇ ನೀಡಲಾಗಿದೆ.

. ನೂತನ ಲಸಿಕೆ ನೀತಿಯ ಅಡಿ ದೇಶದಲ್ಲಿ ತಯಾರಾಗುವ ಒಟ್ಟು ಲಸಿಕೆಯ ಡೋಸ್ಗಳಲ್ಲಿ ಶೇ 75ರಷ್ಟನ್ನು ಕೇಂದ್ರ ಸರ್ಕಾರವೇ ಖರೀದಿಸಿ ರಾಜ್ಯಗಳಿಗೆ ಪೂರೈಕೆ ಮಾಡುತ್ತದೆ. ಈ ಕಾರ್ಯಕ್ರಮದ ಅಡಿ ಜೂನ್ ಕೊನೆಯ ಎರಡುವಾರಗಳಲ್ಲಿ ಪ್ರತಿದಿನ ಸರಾಸರಿ 64 ಲಕ್ಷ ಡೋಸ್ಗಳನ್ನು ನೀಡಲಾಗಿದೆ.

. ಜೂನ್ 21ರಂದು ಜಾರಿಗೆ ಬಂದ ನೂತನ ನೀತಿಯ ಅಡಿ ಮೊದಲ ದಿನ 91 ಲಕ್ಷಕ್ಕೂ ಹೆಚ್ಚು ಡೋಸ್ಗಳನ್ನು ನೀಡಲಾಗಿತ್ತು. ನಂತರದ ನಾಲ್ಕು ದಿನ, ಪ್ರತಿದಿನ 60 ಲಕ್ಷಕ್ಕೂ ಹೆಚ್ಚು ಡೋಸ್ ನೀಡಲಾಗಿದೆ. ನಂತರದ ಎರಡು ದಿನ 50 ಲಕ್ಷಕ್ಕೂ ಹೆಚ್ಚು ಡೋಸ್ಗಳನ್ನು ನೀಡಲಾಗಿದೆ. ಜೂನ್ 27ರ ಭಾನುವಾರ 17.15 ಲಕ್ಷ ಡೋಸ್ಗಳನ್ನಷ್ಟೇ ನೀಡಲಾಗಿದೆ.

. ಕೊನೆಯ ಎರಡು ವಾರದಲ್ಲಿ ಪ್ರತಿದಿನ ಹೆಚ್ಚು ಡೋಸ್ಗಳನ್ನು ನೀಡಿದ ಕಾರಣ ಜೂನ್ನಲ್ಲಿ ಪ್ರತಿದಿನ ನೀಡಲಾದ ಸರಾಸರಿ ಡೋಸ್ಗಳ ಸಂಖ್ಯೆ 40.35 ಲಕ್ಷದಷ್ಟಾಗಿದೆ. ಏಪ್ರಿಲ್ ಮತ್ತು ಮೇ ತಿಂಗಳಿಗೆ ಹೋಲಿಸಿದರೆ ಈ ಸಂಖ್ಯೆ ಸುಧಾರಿಸಿದೆ. ಏಪ್ರಿಲ್ನಲ್ಲಿ ಪ್ರತಿದಿನ ಸರಾಸರಿ 29.96 ಲಕ್ಷ ಡೋಸ್ಗಳನ್ನಷ್ಟೇ ನೀಡಲಾಗಿತ್ತು. ಮೇ ತಿಂಗಳಿನಲ್ಲಿ ಈ ಸಂಖ್ಯೆ 19.69 ಲಕ್ಷಕ್ಕೆ ಕುಸಿದಿತ್ತು.

. ‘ಜುಲೈ ತಿಂಗಳಲ್ಲಿ ಎಲ್ಲಾ ರಾಜ್ಯಗಳಿಗೆ 12 ಕೋಟಿ ಡೋಸ್ ಲಸಿಕೆಗಳನ್ನು ಒದಗಿಸಲಾಗುತ್ತದೆ’ ಎಂದು ಕೇಂದ್ರ ಸರ್ಕಾರವು ಸುಪ್ರೀಂ ಕೋರ್ಟ್ಗೆ ಸಲ್ಲಿಸಿದ್ದ ಪ್ರಮಾಣಪತ್ರದಲ್ಲಿ ಹೇಳಿತ್ತು. ಅಷ್ಟೇ ಲಸಿಕೆ ದೊರೆತರೆ ಇಡೀ ತಿಂಗಳಲ್ಲಿ ಪ್ರತಿದಿನ ಸರಾಸರಿ 40 ಲಕ್ಷ ಡೋಸ್ಗಳನ್ನಷ್ಟೇ ನೀಡಲು ಸಾಧ್ಯ. ಇದು ಕೇಂದ್ರ ಸರ್ಕಾರದ ಗುರಿಗಿಂತ ಕಡಿಮೆ.

. ***

. ವರ್ಷಾಂತ್ಯಕ್ಕೆ ಎಲ್ಲರಿಗೂ ಲಸಿಕೆ ನೀಡುವುದಾದರೆ, ಪ್ರತಿದಿನ 90 ಲಕ್ಷ ಡೋಸ್ ನೀಡಬೇಕು. ಈ ಸಂಖ್ಯೆ ಇಳಿದಿದ್ದು ಒಳ್ಳೆಯದಲ್ಲ. - ರಿಜೋ ಜಾನ್, ಕೋಯಿಕ್ಕೋಡ್ ಐಐಎಂ ಪ್ರಾಧ್ಯಾಪಕ

. ***

. 12 ಕೋಟಿ ಲಸಿಕೆ ಒದಗಿಸುತ್ತೇವೆ ಎಂದು 15 ದಿನ ಮೊದಲೇ ರಾಜ್ಯಗಳಿಗೆ ಮಾಹಿತಿ ನೀಡಿದ್ದೇವೆ. ಹೀಗಿದ್ದೂ ಪೂರೈಕೆ, ಸಾಗಾಟದಲ್ಲಿ ವ್ಯತ್ಯಯವಾದರೆ ಅದು ರಾಜ್ಯ ಸರ್ಕಾರಗಳದ್ದೇ ತಪ್ಪು. -ಹರ್ಷವರ್ಧನ್, ಕೇಂದ್ರ ಆರೋಗ್ಯ ಸಚಿವ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೋವಿಡ್-19: ಲಸಿಕೆ ಕಾರ್ಯಕ್ರಮ ಕುಂಠಿತ

ಚಿನಕುರುಳಿ: 02 ಜುಲೈ 2025, ಬುಧವಾರ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...