ಬಡತನ ರೇಖೆಗಿಂತ ಕೆಳಗಿರುವ ಮತ್ತು ನಗರ ಕೊಳಗೇರಿಯಲ್ಲಿ ವಾಸಿಸುವ ರೋಗಿಗಳು, ರಾಜ್ಯ ಸರ್ಕಾರದಿಂದ ಅಂಗವಿಕಲ ಭತ್ಯೆ ಪಡೆಯುತ್ತಿರುವವರು, ಪರಿಶಿಷ್ಟ ಜಾತಿಗೆ ಸೇರಿದ ರೋಗಿಗಳು, ಆರ್ಥಿಕವಾಗಿ ಹಿಂದುಳಿದ ವರ್ಗದವರು, ರಸ್ತೆ ಅಪಘಾತಕ್ಕೆ ತುತ್ತಾದವರು ಮತ್ತು ಸರ್ಕಾರಿ ನೌಕರರು ಹಾಗೂ ಪಿಂಚಿಣಿದಾರರಿಗೆ ಸದ್ಯ ಪಿಪಿಪಿ ಮಾದರಿಯಲ್ಲಿ ಉಚಿತವಾಗಿ ಆರೋಗ್ಯ ಸೌಲಭ್ಯಗಳನ್ನು ನೀಡಲಾಗುತ್ತಿದೆ. ಇದೀಗ ಈ ಪಟ್ಟಿಗೆ ಎಚ್ಐವಿ ಸೋಂಕಿತರನ್ನೂ ಸೇರಿಸಲಾಗುತ್ತದೆ.