ನವದೆಹಲಿ: ಭೂಗತ ಪಾತಕಿ ಮುಖ್ತಾರ್ ಅನ್ಸಾರಿ ಮತ್ತು ಅವರ ಸಹಚರರ ವಿರುದ್ಧ ಕ್ರಮದ ಭಾಗವಾಗಿ ಆದಾಯ ತೆರಿಗೆ ಇಲಾಖೆ ಉತ್ತರ ಪ್ರದೇಶ ಮತ್ತು ಇತರ ಸ್ಥಳಗಳಲ್ಲಿ ಅವರಿಗೆ ಸೇರಿದ ₹127 ಕೋಟಿ ಮೌಲ್ಯದ ಬೇನಾಮಿ ಆಸ್ತಿಗಳನ್ನು ಪತ್ತೆ ಮಾಡಿದೆ ಎಂದು ಮೂಲಗಳು ಬುಧವಾರ ತಿಳಿಸಿವೆ.
ಇಲಾಖೆಯ ಲಖನೌ ತನಿಖಾ ಘಟಕವು ಮಂಗಳವಾರ ಈ ಪ್ರಕರಣದ ಮೊದಲ ಬೇನಾಮಿ ಆಸ್ತಿಯನ್ನು ಮುಟ್ಟುಗೋಲು ಹಾಕಿಕೊಂಡಿದೆ. ಇದು ಗಾಜಿಪುರ ಜಿಲ್ಲೆಯಲ್ಲಿ ಸುಮಾರು ₹1.29 ಕೋಟಿ (ಖರೀದಿಸಿದ ದರ) ಮೌಲ್ಯದ ಭೂಮಿ ಆಗಿದೆ. ಇಲಾಖೆಯ ಮುಟ್ಟುಗೋಲು ಆದೇಶದ ಪ್ರಕಾರ ಈ ಆಸ್ತಿಯ ಮಾರುಕಟ್ಟೆ ಮೌಲ್ಯ ಸುಮಾರು ₹ 12 ಕೋಟಿ ಇದೆ.
