ನಿಗೂಢ ಪ್ರೇಮ: 11 ವರ್ಷಗಳಿಂದ ಕಾಣೆಯಾದವಳು ನೆರೆಮನೆಯಲ್ಲೇ ಪ್ರೇಮಿಯ ಜೊತೆಗಿದ್ದಳು!

ಪಾಲಕ್ಕಾಡ್: 11 ವರ್ಷದಿಂದ ಯುವತಿ ಕಾಣೆ, 3 ತಿಂಗಳಿಂದ ಯುವಕ ಕಾಣೆ. ಕಾಣೆಯಾದವರಿಬ್ಬರು ನೆರೆ ಮನೆಯಲ್ಲೇ ಸಹಜೀವನ. ಯುವಕನ ಮನೆಯವರಿಗೆ ಹೆಣ್ಣುಮಗಳೊಬ್ಬಳು ತಮ್ಮ ಮನೆಯಲ್ಲಿದ್ದಾಳೆ ಎಂಬುದೇ ಗೊತ್ತಿಲ್ಲ. ಟ್ವಿಸ್ಟ್ ಮೇಲೆ ಟ್ವಿಸ್ಟ್ ಪಡೆದ ಈ ಪ್ರಕರಣ ಮಲಯಾಳಂ ಸಿನಿಮಾಗಳ ಕತೆಯನ್ನೇ ಮೀರಿಸುವಂತಿದೆ.

. ಸುಮಾರು 11 ವರ್ಷಗಳಿಂದ ಕಾಣೆಯಾಗಿದ್ದ ಮಹಿಳೆ ನೆರೆಮನೆಯಲ್ಲೇ ರಹಸ್ಯವಾಗಿ ಪ್ರೇಮಿ ಜೊತೆ ಜೀವನ ನಡೆಸುತ್ತಿದ್ದ ಘಟನೆ ಕೇರಳದ ಪಾಲಕ್ಕಾಡ್ ಜಿಲ್ಲೆಯಲ್ಲಿ ಬೆಳಕಿಗೆ ಬಂದಿದೆ. 2010ರಲ್ಲಿ ಸಜಿತಾ ಎಂಬ ಯುವತಿ ಕಾಣೆಯಾಗಿರುವ ಬಗ್ಗೆ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.

. ಇದೀಗ ಸಜಿತಾಗೆ 28 ವರ್ಷ. ಕಾಣೆಯಾದ 11 ವರ್ಷಗಳನ್ನು ಕೇವಲ 500 ಮೀಟರ್ ದೂರದಲ್ಲಿರುವ ಮನೆಯಲ್ಲೇ ರಹಸ್ಯವಾಗಿ ಪ್ರೇಮಿಯ ಜೊತೆಗೆ ಜೀವನ ನಡೆಸುತ್ತಿದ್ದುದು ಪೊಲೀಸ್ ತನಿಖೆಯಲ್ಲಿ ಬಯಲಾಗಿದೆ ಎಂದು ಎಎನ್ಐ ಸುದ್ದಿ ಸಂಸ್ಥೆ ವರದಿ ಮಾಡಿವೆ.

. ಇದನ್ನೂ ಓದಿ: ಎಷ್ಟೇ ಕೇಳಿಕೊಂಡರೂ ವಿವಾಹ ನೋಂದಣಿ ಮಾಡಿಸದ ನುಸ್ರತ್ ಜಹಾನ್: ನಿಖಿಲ್ ಜೈನ್

. ಪಾಲಕ್ಕಾಡ್ನ ಅಯಿಲುರ್ ಗ್ರಾಮದ ಮನೆಯಲ್ಲಿ ಸಜಿತಾ ರಹಸ್ಯವಾಗಿ ರೆಹ್ಮಾನ್ ಎಂಬ ಯುವಕನೊಂದಿಗೆ ಸಹಜೀವನ ನಡೆಸುತ್ತಿದ್ದಳು ಎಂದು ಪೊಲೀಸರು ತಿಳಿಸಿದ್ದಾರೆ. ಅದೇ ಮನೆಯಲ್ಲಿ ಜೀವಿಸುತ್ತಿರುವ ರೆಹ್ಮಾನ್ನ ಪೋಷಕರು, ಸಹೋದರಿ ಮತ್ತು ಸೋದರಳಿಯನಿಗೂ ಈ ವಿಚಾರ ಗೊತ್ತಿರಲಿಲ್ಲ ಎಂಬುದು ಪರಮಾಶ್ಚರ್ಯಕ್ಕೆ ಕಾರಣವಾಗಿದೆ.

. ರೋಚಕ ಘಟನೆಗೆ ಟ್ವಿಸ್ಟ್ ಎಂಬಂತೆ ಮಾರ್ಚ್ 2021ರಲ್ಲಿ ರೆಹ್ಮಾನ್ ಕಾಣೆಯಾಗಿರುವುದಾಗಿ ದೂರು ದಾಖಲಾಗಿದೆ. 3 ತಿಂಗಳೇ ಕಳೆದರೂ ರೆಹ್ಮಾನ್ನನ್ನು ಪತ್ತೆಹಚ್ಚಲು ಪೊಲೀಸರಿಗೆ ಸಾಧ್ಯವಾಗಿಲ್ಲ. ಅಂತಿಮವಾಗಿ ರೆಹ್ಮಾನ್ ತನ್ನ ಸಹೋದರನ ಕೈಗೆ ಸಿಕ್ಕಿಬಿದ್ದಿದ್ದಾನೆ. ರೆಹ್ಮಾನ್ನನ್ನು ಸಹೋದರನೇ ಪೊಲೀಸರ ವಶಕ್ಕೆ ನೀಡಿದ್ದಾರೆ.

. ಠಾಣೆಯಲ್ಲಿ ಪೊಲೀಸರು ವಿಚಾರಣೆ ನಡೆಸಿದಾಗ ಕಾಣೆಯಾಗಿದ್ದ ಸಜಿತಾ ತನ್ನೊಂದಿಗೇ ಇರುವುದಾಗಿ ಬಾಯ್ಬಿಟ್ಟಿದ್ದಾನೆ.

. 'ರೆಹ್ಮಾನ್ ತನ್ನ ಕೊಠಡಿಯ ಹತ್ತಿರ ಯಾರನ್ನು ಸುಳಿಯಲು ಬಿಡುತ್ತಿರಲಿಲ್ಲ. ಕುಟುಂಬದ ಸದಸ್ಯರ ಪೈಕಿ ಯಾರಾದರು ಆತನ ರೂಮ್ಗೆ ಹೋದರೆ ತುಂಬಾ ಸಿಟ್ಟಾಗುತ್ತಿದ್ದ. ಮನೆಯಲ್ಲಿದ್ದಾಗ ರೂಮ್ನಲ್ಲೇ ಊಟ ಮಾಡುತ್ತಿದ್ದ' ಎಂದು ಪೊಲೀಸರು ತಿಳಿಸಿದ್ದಾರೆ.

. ಸಜಿತಾ ರಾತ್ರಿ ವೇಳೆ ಮನೆಯಿಂದ ಹೊರಗೆ ಬರುತ್ತಿದ್ದಳು. ಕಿಟಕಿಯನ್ನು ತೆರೆದು ಹೊರಗಿನ ಗಾಳಿ ಸೇವನೆ ಮಾಡುತ್ತಿದ್ದಳು. ಆದಷ್ಟು ಬೇಗ ಈ ಮನೆಯಿಂದ ಹೊರಗೆ ಹೋಗಿ ಜೀವಿಸುವ ಬಗ್ಗೆ ಉಪಾಯ ಹೂಡಿದ್ದರು. ಆದರೆ ಆರ್ಥಿಕ ಸಮಸ್ಯೆಯಿಂದ ಅದು ಸಾಧ್ಯವಾಗಿರಲಿಲ್ಲ. ಸಜಿತಾಗೆ ರೂಮ್ ಒಳಗೆ ಟಿವಿಯನ್ನು ಅಳವಡಿಸಿ ಕೊಟ್ಟಿದ್ದ.

ಇದನ್ನೂ ಓದಿ: ‘ಬಾಲಕಿಯರಿಗೆ ಮೊಬೈಲ್ ನೀಡಿದರೆ ಅತ್ಯಾಚಾರಕ್ಕೆ ಕಾರಣವಾಗುತ್ತದೆ’: ಮೀನಾ ಕುಮಾರಿ

. ಇಬ್ಬರು ಪರಸ್ಪರ ಪ್ರೀತಿಸುತ್ತಿದ್ದೇವೆ. ಆದರೆ ಅದನ್ನು ಹೊರಗೆ ಹೇಳಲು ಭಯವಿದ್ದ ಕಾರಣ ಹೀಗೆ ರಹಸ್ಯವಾಗಿ ಜೀವಿಸುವಂತಾಯಿತು ಎಂದು ಪ್ರೇಮಿಗಳು ಹೇಳಿದ್ದಾರೆ.

. ಹೇಳಿಕೆಯನ್ನು ಸ್ವೀಕರಿಸಿದ ಪೊಲೀಸರು ಇಬ್ಬರನ್ನು ಕೋರ್ಟ್ಗೆ ಹಾಜರು ಪಡಿಸಿದ್ದಾರೆ. ರೆಹ್ಮಾನ್ ಜೊತೆ ಜೀವಿಸುವುದಾಗಿ ಸಜಿತಾ ಕೋರ್ಟ್ಗೆ ಸ್ಪಷ್ಟಪಡಿಸಿದ ನಂತರ ಆಕೆಯನ್ನು ರೆಹ್ಮಾನ್ ಜೊತೆ ಕಳುಹಿಸಿಕೊಡಲಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಿಗೂಢ ಪ್ರೇಮ: 11 ವರ್ಷಗಳಿಂದ ಕಾಣೆಯಾದವಳು ನೆರೆಮನೆಯಲ್ಲೇ ಪ್ರೇಮಿಯ ಜೊತೆಗಿದ್ದಳು!

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಚಿನಕುರುಳಿ: 02 ಜುಲೈ 2025, ಬುಧವಾರ

ಫಿಡೆ ವಿಶ್ವ ಕೆಡೆಟ್ಸ್‌ ಕಪ್‌: ಚಿನ್ನ ಗೆದ್ದ ಪ್ರತೀತಿ, ಆದ್ಯಾಗೆ ಬೆಳ್ಳಿ

IND vs ENG: ಗಿಲ್ 168*, ಜಡೇಜ 89; ಊಟದ ವಿರಾಮಕ್ಕೆ ಭಾರತ 419/6

ಭಾರತದಲ್ಲಿ ನಡೆಯಲಿರುವ ಏಷ್ಯಾ ಕಪ್ ಹಾಕಿಯಲ್ಲಿ ಆಡಲು ಪಾಕಿಸ್ತಾನಕ್ಕೆ ಅವಕಾಶ: ವರದಿ

U19 ODI: ಸೂರ್ಯವಂಶಿ 9 ಸಿಕ್ಸರ್; ಇಂಗ್ಲೆಂಡ್ ವಿರುದ್ಧ ಭಾರತಕ್ಕೆ ಜಯ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಚಿನಕುರುಳಿ: 02 ಜುಲೈ 2025, ಬುಧವಾರ