ತಡರಾತ್ರಿಯಲ್ಲಿ ತಮ್ಮ ನಗರ ಸುರಕ್ಷಿತವಲ್ಲ ಎಂದು ಭಾವಿಸುವ ಜನರು ತಡರಾತ್ರಿಯ ತಮ್ಮ ನಡವಳಿಕೆಯಲ್ಲಿ ತುಸು ಬದಲಾವಣೆ ಮಾಡಿಕೊಂಡಿದ್ದಾರೆ ಎಂದು ಸಮೀಕ್ಷೆ ಹೇಳಿದೆ. ಈ ನಗರಗಳ ಜನರು ತಡರಾತ್ರಿಯಲ್ಲಿ ಒಬ್ಬಂಟಿಯಾಗಿ ಓಡಾಡದೇ ಇರಲು ಬಯಸುತ್ತಾರೆ. ದೆಹಲಿ ಮತ್ತು ಬೆಂಗಳೂರಿನಲ್ಲಿ ಶೇ 51ರಷ್ಟು, ಚೆನ್ನೈನಲ್ಲಿ ಶೇ 60ರಷ್ಟು ಮತ್ತು ಮುಂಬೈನಲ್ಲಿ ಶೇ 30ರಷ್ಟು ಜನರು ತಡರಾತ್ರಿಯಲ್ಲಿ ಒಬ್ಬಂಟಿಯಾಗಿ ಓಡಾಡಲು ಬಯಸುವುದಿಲ್ಲ. ಅದೇ ರೀತಿ ದೆಹಲಿಯ ಶೇ 47, ಬೆಂಗಳೂರಿನ ಶೇ 36, ಚೆನ್ನೈನ ಶೇ 39 ಮತ್ತು ಮುಂಬೈನ ಶೇ 40ರಷ್ಟು ಜನರು ತಡರಾತ್ರಿಯಲ್ಲಿ ಒಬ್ಬಂಟಿಯಾಗಿ ಓಡಾಡುವಾಗ ತಮ್ಮ ಕೈಯಲ್ಲಿರುವ ವಸ್ತುಗಳು ಯಾರ ಕಣ್ಣಿಗೂ ಕಾಣಿಸದಂತೆ ಎಚ್ಚರ ವಹಿಸುತ್ತಾರೆ.