ಔಗಾಡೌಗು (ಬುರ್ಕಿನಾ ಫಾಸೊ): ಉತ್ತರ ಬುರ್ಕಿನಾ ಫಾಸೊದಲ್ಲಿ ಮಿಲಿಟರಿ ಬೆಂಗಾವಲು ಪಡೆಯ ಮೇಲೆ ಇಸ್ಲಾಮಿಕ್ ಸ್ಟೇಟ್ ಸಂಘಟನೆಯು (ಐಎಸ್) ನಡೆಸಿದ ದಾಳಿಯಲ್ಲಿ 70ಕ್ಕೂ ಹೆಚ್ಚಿನ ಸೈನಿಕರು ಮೃತಪಟ್ಟಿದ್ದಾರೆ.
‘ದಾಳಿಯ ವೇಳೆ ಅನೇಕ ಸೈನಿಕರು ಗಾಯಗೊಂಡಿದ್ದಾರೆ. ಐವರನ್ನು ಒತ್ತೆಯಾಳುಗಳನ್ನಾಗಿ ಇರಿಸಿಕೊಳ್ಳಲಾಗಿದ್ದು, ಶಸ್ತ್ರಾಸ್ತ್ರಗಳನ್ನೂ ವಶಪಡಿಸಿಕೊಳ್ಳಲಾಗಿದೆ’ ಎಂದು ಐಎಸ್‌ನ ಸುದ್ದಿಸಂಸ್ಥೆ ಅಮಾಕ್ ಶುಕ್ರವಾರ ತನ್ನ ವರದಿಯಲ್ಲಿ ಹೇಳಿದೆ.
ಮಿಲಿಟರಿ ಸಮವಸ್ತ್ರದಲ್ಲಿ ಮೃತಪಟ್ಟ 54 ಸೈನಿಕರ ರಕ್ತಸಿಕ್ತ ದೇಹಗಳು, 50ಕ್ಕೂ ಹೆಚ್ಚು ರೈಫಲ್‌ಗಳು ಮತ್ತು ಒತ್ತೆಯಾಳಾಗಿ ಇರಿಸಿಕೊಂಡ ಐವರು ಸೈನಿಕರ ಚಿತ್ರಗಳನ್ನು ಐಎಸ್ ಬಿಡುಗಡೆ ಮಾಡಿದೆ.
