ಸರ್ಕಾರಗಳಿಂದಲೇ ಈರುಳ್ಳಿ ಮಾರಾಟ

ದೇಶದ ಬಹುತೇಕ ರಾಜ್ಯಗಳಲ್ಲಿ ಈರುಳ್ಳಿ ಬೆಲೆ ಪ್ರತಿ ಕೆ.ಜಿ.ಗೆ ₹ 100 –₹ 150 ಮುಟ್ಟಿದೆ. ಈರುಳ್ಳಿ ಕೊರತೆ ಉಂಟಾಗಿರುವ ಕಾರಣ ಹಲವು ರಾಜ್ಯಗಳು ವಿದೇಶಗಳಿಂದ ಈರುಳ್ಳಿಯನ್ನು ಆಮದು ಮಾಡಿಕೊಂಡು, ಪಡಿತರ ವಿತರಣಾ ಜಾಲದ ಮೂಲಕ ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಿವೆ. ದೇಶಿ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಈರುಳ್ಳಿಯನ್ನು ಖರೀದಿಸಿ, ಅದನ್ನೂ ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಿವೆ

. ಬಿಹಾರದಲ್ಲಿ ₹ 35

. ಬಿಹಾರ ಮಾರುಕಟ್ಟೆಯಲ್ಲಿ ಈರುಳ್ಳಿ ಬೆಲೆ ಪ್ರತಿ ಕೆ.ಜಿ.ಗೆ ₹ 130ರಂತೆ ಮಾರಾಟವಾಗುತ್ತಿದೆ. ಮಾರುಕಟ್ಟೆಯಿಂದ ಈರುಳ್ಳಿ ಖರೀದಿಸಿ ಸರ್ಕಾರವು, ಬಿಹಾರ ರಾಜ್ಯ ಸಹಕಾರ ಸಂಘದ ಮಳಿಗೆಗಳು ಮತ್ತು ಸಂಚಾರಿ ಮಳಿಗೆಗಳ ಮೂಲಕ ಮಾರಾಟ ಮಾಡುತ್ತಿದೆ. ಕೆ.ಜಿ. ಈರುಳ್ಳಿಯನ್ನು ₹ 35ಕ್ಕೆ ಮಾರಾಟ ಮಾಡಲಾಗುತ್ತಿದೆ. ಈ ಮಳಿಗೆಗಳ ಬಳಿ ಜನರು ಸರದಿಯಲ್ಲಿ ನಿಂತು ಖರೀದಿಸುತ್ತಿದ್ದಾರೆ. ಪ್ರತಿ ವ್ಯಕ್ತಿ ಗರಿಷ್ಠ 2 ಕೆ.ಜಿ. ಈರುಳ್ಳಿ ಖರೀದಿಸಬಹುದಾಗಿದೆ.

. ಪ.ಬಂಗಾಳದಲ್ಲಿ ₹ 59

. ಪಶ್ಚಿಮ ಬಂಗಾಳದಲ್ಲಿ ಈರುಳ್ಳಿಯ ಬೆಲೆ ಕೆ.ಜಿ.ಗೆ ₹ 150 ತಲುಪಿದೆ. ಸರ್ಕಾರವು ಈಗಾಗಲೇ ದೇಶಿ ಮಾರುಕಟ್ಟೆಯಲ್ಲಿ ಪ್ರತಿ ಕೆ.ಜಿ.ಗೆ ₹ 88ರಂತೆ ಖರೀದಿಸಿದ ಈರುಳ್ಳಿಯನ್ನು ₹ 59ಕ್ಕೆ ಮಾರಾಟ ಮಾಡುತ್ತಿದೆ. ನ್ಯಾಯಬೆಲೆ ಅಂಗಡಿ ‘ಸುಫಲ’ ಮತ್ತು ಮೊಬೈಲ್ ಮಳಿಗೆಗಳ ಮೂಲಕ ಈ ಈರುಳ್ಳಿಯನ್ನು ಮಾರಾಟ ಮಾಡಲಾಗುತ್ತಿದೆ. ಇದರ ಜತೆಯಲ್ಲೇ ಈಜಿಪ್ಟ್ನಿಂದ ಈರುಳ್ಳಿ ಆಮದು ಮಾಡಿಕೊಳ್ಳುತ್ತಿದೆ.

. ಶಾ ಸಭೆ

. ಈರುಳ್ಳಿ ಬೆಲೆ ಏರಿಕೆ ಸಂಬಂಧ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರು ಇತರ ಸಚಿವರ ಜತೆ ಗುರುವಾರ ಸಭೆ ನಡೆಸಿದ್ದಾರೆ.

. ಪ್ರತಿಭಟನೆ: ಈರುಳ್ಳಿ ಬೆಲೆ ಏರಿಕೆಯನ್ನು ವಿರೋಧಿಸಿ ಸಂಸತ್ ಭವನದ ಆವರಣದಲ್ಲಿ ಕಾಂಗ್ರೆಸ್ ಸದಸ್ಯರು ಪ್ರತಿಭಟನೆ ನಡೆಸಿದ್ದಾರೆ.

. ಅಫ್ಗಾನಿಸ್ತಾನದಿಂದ ಆಮದು

. ಉತ್ತರ ಭಾರತದ ಈರುಳ್ಳಿ ಸಗಟು ವ್ಯಾಪಾರಿಗಳಲ್ಲಿ ಹಲವರು ಅಫ್ಗಾನಿಸ್ತಾನದಿಂದ ಈರುಳ್ಳಿ ಆಮದು ಮಾಡಿಕೊಳ್ಳುತ್ತಿದ್ದಾರೆ. ಪಾಕಿಸ್ತಾನದ ಮೂಲಕ ಈ ಈರುಳ್ಳಿ ಭಾರತಕ್ಕೆ ಬರುತ್ತಿದೆ.

. ಅಫ್ಗಾನಿಸ್ತಾನದಿಂದ ಖರೀದಿಸಿದ ಈರುಳ್ಳಿ ಹೊತ್ತಿರುವ 10ರಿಂದ 15 ಟ್ರಕ್ಗಳು ಪ್ರತಿದಿನ ಅಟ್ಟಾರಿ–ವಾಘಾ ಗಡಿಗೆ ಬರುತ್ತಿವೆ. ಒಂದು ಟ್ರಕ್ನಲ್ಲಿ 35 ಟನ್ ಈರುಳ್ಳಿ ತರಲಾಗುತ್ತಿದೆ. ಗಡಿಯಲ್ಲಿ ಆ ಈರುಳ್ಳಿ ಮೂಟೆಗಳನ್ನು ಭಾರತದ ಟ್ರಕ್ಗಳಿಗೆ ತುಂಬಿಸಿಕೊಳ್ಳಲಾಗುತ್ತಿದೆ. ನಂತರ ಪಂಜಾಬ್, ರಾಜಸ್ಥಾನ, ಹರಿಯಾಣ, ಗುಜರಾತ್, ಹಿಮಾಚಲ ಪ್ರದೇಶ, ಜಮ್ಮು–ಕಾಶ್ಮೀರ ಮತ್ತು ದೆಹಲಿಗೆ ಪೂರೈಸಲಾಗುತ್ತಿದೆ.

. ಈ ಎಲ್ಲಾ ರಾಜ್ಯಗಳ ಚಿಲ್ಲರೆ ಮಾರುಕಟ್ಟೆಗಳಲ್ಲಿ ಪ್ರತಿ ಕೆ.ಜಿ. ದೇಶಿ ಈರುಳ್ಳಿಯ ಬೆಲೆ ₹ 80– ₹ 120ರವರೆಗೆ ಇದೆ. ಅಫ್ಗಾನಿಸ್ತಾನದಿಂದ ಆಮದು ಮಾಡಿಕೊಳ್ಳಲಾದ ಈರುಳ್ಳಿ, ಪ್ರತಿ ಕೆ.ಜಿ.ಗೆ ₹ 70– ₹ 80ಕ್ಕೆ ಮಾರಾಟವಾಗುತ್ತಿದೆ.

. ಭಾರತ–ಪಾಕಿಸ್ತಾನದ ಮಧ್ಯೆ ಈಗ ವ್ಯಾಪಾರ ಸ್ಥಗಿತವಾಗಿದೆ. 2010ರ ಪಾಕಿಸ್ತಾನ–ಅಫ್ಗಾನಿಸ್ತಾನ ವ್ಯಾಪಾರ ಮಾರ್ಗ ಒಪ್ಪಂದದ ಪ್ರಕಾರ, ಅಫ್ಗಾನಿಸ್ತಾನವು ಭಾರತಕ್ಕೆ ವಾಣಿಜ್ಯ ಸರಕುಗಳನ್ನು ರಫ್ತು ಮಾಡಬಹುದು. ಅವನ್ನು ತಲುಪಿಸಲು ಪಾಕಿಸ್ತಾನದ ಹೆದ್ದಾರಿಗಳನ್ನು ಬಳಸಿಕೊಳ್ಳಬಹುದು.

. -800:ಟನ್ ಈರುಳ್ಳಿಯನ್ನು ಆಮದು ಮಾಡಿಕೊಳ್ಳಲಾಗುತ್ತಿದೆ

. -200:ಟನ್ ಪ್ರತಿ ವಾರ ಕೋಲ್ಕತ್ತ ತಲುಪಲಿರುವ ಈರುಳ್ಳಿ

. -₹ 65:ಪ್ರತಿ ಕೆ.ಜಿ. ಆಮದು ಈರುಳ್ಳಿಯ ಬೆಲೆ. ಇದನ್ನು ಇನ್ನೂ ಕಡಿಮೆ ಬೆಲೆಯಲ್ಲಿ ಮಾರಾಟ ಮಾಡುವುದಾಗಿ ರಾಜ್ಯ ಸರ್ಕಾರ ಹೇಳಿದೆ

. -256: ಮಳಿಗೆ

. -ಒಡಿಶಾದಲ್ಲಿ ಕೆ.ಜಿ.ಈರುಳ್ಳಿಯ ಬೆಲೆ ₹ 120 ಮುಟ್ಟಿದೆ. ಕಡಿಮೆ ಬೆಲೆಯಲ್ಲಿ ಈರುಳ್ಳಿ ಮಾರಾಟ ಮಾಡಲು ರಾಜ್ಯ ಸರ್ಕಾರವು ಈಗಾಗಲೇ 256 ಮಳಿಗೆಗಳನ್ನು ತೆರೆದಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸರ್ಕಾರಗಳಿಂದಲೇ ಈರುಳ್ಳಿ ಮಾರಾಟ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ