ಮತದಾನ ಮಾಡಿಸುವ ಸಲುವಾಗಿ ತಾಯಿ ಹೊತ್ತು 3 ಕಿ.ಮೀ ನಡೆದ ಮಗ

ಇಟ್ವಾರಿ ದೇವಿಯನ್ನು ಆಕೆಯ ಮಗ ಬಸಂತ್ ಮುಂಡಾ ಹೊತ್ತು ಸಾಗುತ್ತಿದ್ದುದನ್ನು ಸ್ಥಳೀಯರು ನೋಡಿದ್ದಾರೆ.

‘ನನ್ನ ತಾಯಿಗೆ ಒಂದು ವರ್ಷದಿಂದ ನಡೆಯಲು ಸಾಧ್ಯವಾಗುತ್ತಿಲ್ಲ. ಅವರು ಮನೆಯಲ್ಲಿಯೇ ಮತದಾನ ಮಾಡಬೇಕಿತ್ತು. ಆದರೆ, ಯಾವ ಚುನಾವಣಾಧಿಕಾರಿಯೂ ಇತ್ತ ಬಂದಿಲ್ಲ. ನಮ್ಮ ತಾಯಿಗೆ ಮತದಾನದ ಹಕ್ಕನ್ನು ಚಲಾಯಿಸುವ ಬಯಕೆ. ಹಾಗಾಗಿ, ನಾನು ಅವರನ್ನು ಭುಜದ ಮೇಲೆ ಹೊತ್ತು 3 ಕಿ.ಮೀ ನಡೆಯದೇ ಬೇರೆ ಮಾರ್ಗವೇ ಇರಲಿಲ್ಲ’ ಎಂದು ಬಸಂತ್ ಮುಂಡಾ ತಿಳಿಸಿದ್ದಾರೆ.

ಅಂಗವಿಕಲ ಮತದಾರರು ಮತದಾನ ಮಾಡಲು ಚುನಾವಣಾಧಿಕಾರಿಗಳು ಸೂಕ್ತ ವ್ಯವಸ್ಥೆ ಮಾಡಿಲ್ಲ ಎಂದು ಆರೋಪಿಸಿದ್ದಾರೆ.