ಕೊಚ್ಚಿ: ಇಂದು 75 ಟನ್‌ ಏಲಕ್ಕಿಯ ಇ–ಹರಾಜು

ಇಡುಕ್ಕಿಯ ಪುಟ್ಟಡಿಯಲ್ಲಿರುವ ಮಂಡಳಿಯ ಹರಾಜು ಕೇಂದ್ರದಲ್ಲಿ ಇ–ಹರಾಜು ಪ್ರಕ್ರಿಯೆ ನಡೆಯಲಿದೆ.

‘ಸಾಂಬಾರು ಪದಾರ್ಥಗಳ ಮಾರಾಟಗಾರರು ಹಾಗೂ ಬೆಳೆಗಾರರನ್ನು ಹತ್ತಿರ ತರುವ ಉದ್ಧೇಶದಿಂದ ಇ–ಹರಾಜು ಹಮ್ಮಿಕೊಳ್ಳಲಾಗಿದೆ. ಈ ಸಂದರ್ಭದಲ್ಲಿ ಸಣ್ಣ ಗಾತ್ರದ ಏಲಕ್ಕಿಯನ್ನು ಹರಾಜು ಹಾಕಲಾಗುವುದು’ ಎಂದು ಮಂಡಳಿಯ ಕಾರ್ಯದರ್ಶಿ ಡಿ.ಸತ್ಯನ್‌ ತಿಳಿಸಿದ್ದಾರೆ.

‘ಸಾಂಬಾರು ಪದಾರ್ಥಗಳನ್ನು ಬೆಳೆಯುವವರಿಗೆ ಉತ್ತಮ ಮಾರುಕಟ್ಟೆ ಒದಗಿಸಿದಂತಾಗುವ ಜೊತೆಗೆ, ಸ್ಪರ್ಧಾತ್ಮಕ ಬೆಲೆಯೂ ಸಿಗಲಿದೆ’ ಎಂದು ತಿಳಿಸಿದ್ದಾರೆ.