ಥಾಣೆ: ಹೋಳಿ ಆಚರಣೆ ವೇಳೆ ನೀರು ಮಿತವಾಗಿ ಬಳಸಿ ಎಂದು ಹೇಳಿದ 27 ವರ್ಷದ ಮಹಿಳೆಗೆ ಥಳಿಸಿದ ಘಟನೆ ನವಿ ಮುಂಬೈಯ ತಳೋಜಾದ ವಸತಿ ಸಂಕೀರ್ಣವೊಂದರಲ್ಲಿ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಹೋಳಿ ಆಚರಣೆ ವೇಳೆ ನೀರು ಕಡಿಮೆ ಬಳಕೆ ಮಾಡುವಂತೆ ಇತರರಿಗೆ ಹೇಳಿ ಎಂದು ಸಂಕೀರ್ಣದ ಕಾವಲುಗಾರನ ಬಳಿ ಸೋಮವಾರ ಮನವಿ ಮಾಡಿಕೊಂಡಿದ್ದರು. ಆದರೆ ಈ ಮನವಿ ವಾಗ್ವಾದಕ್ಕೆ ತಿರುಗಿದೆ. ಅಲ್ಲಿದ್ದ ಮಹಿಳೆ ಹಾಗೂ ಆಕೆಯ ಪುತ್ರ ಮನವಿ ಮಾಡಿದ ಮಹಿಳೆ ಮೇಲೆ ಹಲ್ಲೆ ನಡೆಸಿದ್ದಾರೆ. ಇದರಿಂದ ಅವರು ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಘಟನೆ ಸಂಬಂಧ ತಳೋಜಾ ಪೊಲೀಸ್ ಠಾಣೆಯಲ್ಲಿ ಐಪಿಸಿ ಸೆಕ್ಷನ್‌ 353, 504ರಡಿ ದೂರು ದಾಖಲಾಗಿದೆ.
