ಬೆನ್ನು ಹುರಿ ಸಮಸ್ಯೆ ಇದ್ದರೂ ಕೂಡ ಶಿಕ್ಷಣ ಮತ್ತು ಕ್ರೀಡಾ ಕ್ಷೇತ್ರದಲ್ಲಿ ಅನನ್ನಯ ಸಾಧನೆ ಮಾಡಿದ್ದಾರೆ ಒ.ಸಿ.ಅನುಷಾ. ಅಂಗವೈಕಲ್ಯತೆ ಇದ್ದರೂ ಕೂಡ ಛಲ ಬಿಡದೇ ಯಾರ ಮೇಲೆಯೂ ನಾನು ಅವಲಂಬಿತಳಾಗಬಾರದು. ಸಮಾಜದಲ್ಲಿ ನನ್ನನ್ನು ಗುರುತಿಸುವಂತೆ ಕೆಲಸ ಮಾಡಬೇಕು ಎಂದು ಹಠ ತೊಟ್ಟಂತಹ ಅನುಷಾ ಛಲದ ಬೆನ್ನತ್ತಿ ಈಗ ಸಾಧನೆಯ ಹಾದಿಯನ್ನು ಹಿಡಿದಿದ್ದಾರೆ. ಜೀವನದಲ್ಲಿ ಏನಾದರೂ ಸಾಧನೆ ಮಾಡಿದ್ದೇನೆ ಎಂದರೆ ಅದಕ್ಕೆ ನನ್ನ ತಂದೆ ತಾಯಿಯೇ ಪ್ರೇರಣೆ ಎನ್ನುವ ಅನುಷಾ ಸಾಧನೆಯ ಉತ್ತುಂಗಕ್ಕೆ ಏರಬೇಕು ಎನ್ನುವ ಮಹದಾಸೆ ಇಟ್ಟುಕೊಂಡಿದ್ದಾರೆ.
