ಜೆಟ್‌ ಟ್ರೈನರ್ ಪರೀಕ್ಷಾರ್ಥ ಹಾರಾಟ

ಬೆಂಗಳೂರು : ತರಬೇತಿ ವಿಮಾನ ಕಿರಣ್ ಸ್ಥಾನ ತುಂಬಲು ಅಭಿವೃದ್ಧಿಪಡಿಸಲಾದ ಇಂಟರ್ಮೀಡಿಯೆಟ್ ಜೆಟ್ ಟ್ರೈನರ್ (ಐಜೆಟಿ) ವಿಮಾನವು ಶುಕ್ರವಾರ ಸುರುಳಿ ಹಾರಾಟ ಪರೀಕ್ಷೆ ಆರಂಭಿಸಿತು.

. ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ (ಎಚ್ಎಎಲ್) ವಿನ್ಯಾಸಗೊಳಿಸಿ, ರೂಪಿಸಿದ ವಿಮಾನ ಇದಾಗಿದೆ. ಸುರುಳಿ ಹಾರಾಟ ಪರೀಕ್ಷೆಯು ವಿಮಾನ ಹಾರಾಟ ಪರೀಕ್ಷೆಯ ಅತ್ಯಂತ ಮಹತ್ತರ ಘಟ್ಟ ಎಂದು ಎಚ್ಎಎಲ್ ಹೇಳಿದೆ.

. ‘ವಿಮಾನವು ಹಾರಾಟದ ವೇಳೆ ಹೇಗೆ ವರ್ತಿಸುತ್ತದೆ ಎಂಬುದನ್ನು ಪರಿಶೀಲಿಸಲು ಹಂತ ಹಂತವಾಗಿ ಸುರುಳಿ ಹಾರಾಟ ನಡೆಸಲಾಗುತ್ತದೆ. ವಿಮಾನದ ಅಗತ್ಯಕ್ಕೆ ಅನುಗುಣವಾಗಿ ಎರಡೂ ದಿಕ್ಕಿನಲ್ಲೂ ಸುರುಳಿಯ ಆರು ಆವರ್ತನಗಳನ್ನು ಪೂರ್ಣಗೊಳಿಸಲಾಗುತ್ತದೆ’ ಎಂದು ಎಚ್ಎಎಲ್ನ ಪ್ರಕಟಣೆ ತಿಳಿಸಿದೆ.

. ತಲುಪಬಲ್ಲ ಗರಿಷ್ಠ ವೇಗ, ಎತ್ತರ ಹಾಗೂ ಅದು ಒಯ್ಯ ಬಹುದಾದ ಗರಿಷ್ಠ ತೂಕಕ್ಕೆ ಸಂಬಂಧಿಸಿ ಐಜೆಟಿಯನ್ನು ಈಗಾಗಲೇ ಪರೀಕ್ಷಿಸಲಾಗಿದೆ. ಅದಕ್ಕೆ ಡ್ರಾಪ್ ಟ್ಯಾಂಕ್ ಹಾಗೂ ಬಾಂಬ್ಗಳನ್ನು ಜೋಡಿಸಲಾಗಿದೆ.

. ಸುರುಳಿ ಪರೀಕ್ಷೆ ಸಲುವಾಗಿ ಎಚ್ಎಎಲ್ ವಿಮಾನವನ್ನು ಬಾಲದ ಹಿಂಭಾಗ ಹಾಗೂ ವಿಮಾನ ಹಾರಾಟ ನಿಯಂತ್ರಣಕ್ಕೆ ಬಳಸುವ ರಡ್ಡರ್ ಮೇಲ್ಮೈಗಳನ್ನು ವಿಸ್ತರಿಸಿ ಮರುವಿನ್ಯಾಸಗೊಳಿಸಲಾಗಿದೆ. ಸುರುಳಿ ಸುತ್ತುವ ಹಾರಾಟವನ್ನು ತೃಪ್ತಿದಾಯಕವಾಗಿ ನಡೆಸುವುದನ್ನು ಖಾತರಿಪಡಿಸಿಕೊಳ್ಳಲು ವಿಮಾನದ ಮೈಕಟ್ಟಿನಲ್ಲಿ ಹಾಗೂ ರಡ್ಡರ್ನಲ್ಲಿ ಈ ವ್ಯಾಪಕ ಬದಲಾವಣೆ ಮಾಡುವ ಅಗತ್ಯವಿದೆ ಎಂದು ಎಚ್ಎಎಲ್ ಹೇಳಿದೆ.

. ಎರಡು ವಿಮಾನಗಳಲ್ಲಿ ಬದಲಾವಣೆಗಳನ್ನು ಮಾಡಲಾಗಿದ್ದು, ಪ್ರತಿ ಹಂತದಲ್ಲೂ ಇದನ್ನು ಪ್ರಮಾಣೀಕರಿಸುವ ಏಜೆನ್ಸಿಗಳ ಅನುಮತಿ ಹಾಗೂ ಸಹಯೋಗವನ್ನು ಪಡೆದುಕೊಳ್ಳಲಾಗಿದೆ.

. ಮರುವಿನ್ಯಾಸದ ಬಳಿಕ ಈ ಎರಡು ವಿಮಾನಗಳ ಸಾಕಷ್ಟು ಬಾರಿ ಪರೀಕ್ಷಾರ್ಥ ಹಾರಾಟ ನಡೆಸಲಾಗಿದೆ. ಅವುಗಳ ರೆಕ್ಕೆ ಹಾಗೂ ರಡ್ಡರ್ಗಳ ಬದಲಾವಣೆಯಿಂದ ಅವುಗಳ ಹಾರಾಟ ಮೇಲೇನಾದರೂ ಪರಿಣಾಮ ಉಂಟಾಗಿದೆಯೇ ಎಂಬುದನ್ನು ವಿಶ್ಲೇಷಣೆಗೆ ಒಳಪಡಿಸಲಾಗಿದೆ. ಈ ಎರಡು ವಿಮಾನಗಳಲ್ಲಿ ಈಗ ಸುರಕ್ಷತಾ ಸಾಧನಗಳನ್ನು (ಸುರುಳಿ ನಿರೋಧಕ ಪ್ಯಾರಾಚೂಟ್ ವ್ಯವಸ್ಥೆ) ಅಳವಡಿಸಲಾಗಿದೆ.

. ಮೊದಲ ಹಾರಾಟದಲ್ಲಿ ವಿಮಾನವು ಆರಂಭದಲ್ಲಿ ಎಡ ಹಾಗೂ ಬಲಕ್ಕೆ ಒಂದು ಸುರುಳಿ ಹಾರಾಟವನ್ನು ನಡೆಸುವ ಮೂಲಕ ಸುರಳಿ ಹಾರಾದ ವೈಖರಿಯನ್ನು ಪರೀಕ್ಷಿಸಲಾಯಿತು. ಎಚ್ಎಎಲ್ನ ವಿಮಾನಗಳ ಪರೀಕ್ಷಾರ್ಥ ಹಾರಾಟದ ಪೈಲಟ್ಗಳಾದ ನಿವೃತ್ತ ಗ್ರೂಪ್ ಕ್ಯಾ.ಎಚ್.ವಿ.ಠಾಕೂರ್ ಹಾಗೂ ನಿವೃತ್ತ ವಿಂಗ್ ಕಮಾಂಡರ್ ಪಿ.ಅವಸ್ತಿ ಈ ಹಾರಾಟ ನಡೆಸಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಜೆಟ್‌ ಟ್ರೈನರ್ ಪರೀಕ್ಷಾರ್ಥ ಹಾರಾಟ

ಚಿನಕುರುಳಿ: 02 ಜುಲೈ 2025, ಬುಧವಾರ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

U19 ODI: ಸೂರ್ಯವಂಶಿ 9 ಸಿಕ್ಸರ್; ಇಂಗ್ಲೆಂಡ್ ವಿರುದ್ಧ ಭಾರತಕ್ಕೆ ಜಯ

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...