ಆಸ್ತಿ ವಿವರ ಮುಚ್ಚಿಟ್ಟ ಸಂಸದ ಪಿ.ಸಿ. ಮೋಹನ್?

ಬೆಂಗಳೂರು: ಬೆಂಗಳೂರು ಕೇಂದ್ರ ಕ್ಷೇತ್ರದ ಬಿಜೆಪಿ ಸಂಸದ ಪಿ.ಸಿ. ಮೋಹನ್ ದೇವನಹಳ್ಳಿ ಬಳಿ ಬಹುಕೋಟಿ ಮೌಲ್ಯದ 42 ಎಕರೆ ಜಮೀನನ್ನು 2012 ಮತ್ತು 2013ರಲ್ಲಿ ಖರೀದಿಸಿದ್ದು, ಈ ವಿವರ ಚುನಾವಣಾ ವೇಳೆ ಸಲ್ಲಿಸಿದ್ದ ಅಫಿಡವಿಟ್ನಲ್ಲಿ ನಮೂದಿಸದಿರುವುದು ಬಯಲಾಗಿದೆ.

. ದೇವನಹಳ್ಳಿಯ ಲಕ್ಷ್ಮೀಪುರ ವ್ಯಾಪ್ತಿಯಲ್ಲಿ ಮೋಹನ್, ಆಸ್ತಿ ಖರೀದಿಸಿದ ಕ್ರಯ ಪತ್ರಗಳು ‘ಪ್ರಜಾವಾಣಿ’ಗೆ ಲಭ್ಯ ವಾಗಿವೆ. ಈ ಪ್ರದೇಶದಲ್ಲಿ ಪ್ರತಿ ಎಕರೆಗೆ ಮಾರ್ಗಸೂಚಿ ದರ ₹1.10 ಕೋಟಿಯಷ್ಟಿದ್ದು, ಮಾರುಕಟ್ಟೆ ಮೌಲ್ಯ ₹2.20 ಕೋಟಿಯಷ್ಟಿದೆ. ಈ ಲೆಕ್ಕದಲ್ಲಿ ಭೂಮಿಯ ಮಾರುಕಟ್ಟೆ ಮೌಲ್ಯ ₹92 ಕೋಟಿಯಾಗುತ್ತದೆ.

. 2014ರ ಲೋಕಸಭಾ ಚುನಾವಣೆ ವೇಳೆ ಸಲ್ಲಿಸಿದ್ದ ಅಫಿಡವಿಟ್ನಲ್ಲಿ ‘ಪಿ.ಸಿ. ರಿಯಾಲ್ಟಿ’ ಸಂಸ್ಥೆಯಲ್ಲಿ ₹14.65 ಕೋಟಿ ಹೂಡಿರುವುದಾಗಿ ಮೋಹನ್ ತೋರಿಸಿದ್ದಾರೆ. ಆದರೆ, ದೇವನಹಳ್ಳಿ ಆಸ್ತಿಗೆ ಸಂಬಂಧಿಸಿದಂತೆ ಆಸ್ತಿ ಮತ್ತು ಋಣಭಾರದಲ್ಲಿ ವಿವರ ಉಲ್ಲೇಖಿಸಿಲ್ಲ.

. 2019ರ ಚುನಾವಣೆ ವೇಳೆ ಸಲ್ಲಿಸಿರುವ ಅಫಿಡವಿಟ್ನಲ್ಲಿ ‘ಇದೇ ಸಂಸ್ಥೆಯಿಂದ ನನಗೆ ₹12.63 ಲಕ್ಷ, ಪತ್ನಿ ಶೈಲಾ ಅವರಿಗೆ ₹8.75 ಕೋಟಿ ಬರಬೇಕಿದೆ’ ಎಂದು ಮೋಹನ್ ಹೇಳಿಕೊಂಡಿದ್ದಾರೆ.

. ‘ಕಂದಾಯ ಇಲಾಖೆಯ ಎಲ್ಲ ದಾಖಲೆಗಳಲ್ಲಿ ಅವರ ಹೆಸರೇ ಇದೆ. ಪಿ.ಸಿ. ರಿಯಾಲ್ಟಿ ಹೆಸರಿಗೆ ಆಸ್ತಿ ವರ್ಗಾವಣೆ ಆಗಿರುವ ಬಗ್ಗೆ ಉಲ್ಲೇಖವಿಲ್ಲ. 2019ರ ಆ.16ರಂದು ಪಡೆದಿರುವ ಋಣಭಾರ ಪ್ರಮಾಣ ಪತ್ರದಲ್ಲಿ(ಇ.ಸಿ) ಮೋಹನ್ ಹೆಸರಿದೆ. ಈ ದಾಖಲೆಗಳು ಆಸ್ತಿಯ ಮಾಲೀಕತ್ವ ಮೋಹನ್ ಬಳಿಯೇ ಇರುವುದನ್ನು ದೃಢಪಡಿಸುತ್ತವೆ. ರಿಯಾಲ್ಟಿ ಸಂಸ್ಥೆಗೆ ವರ್ಗಯಿಸಿದ್ದರೆ, ಇ.ಸಿಯಲ್ಲಿ ಉಲ್ಲೇಖವಾಗಬೇಕಿತ್ತು’ ಎಂದು ಈ ದಾಖಲೆಗಳನ್ನುಆರ್ಟಿಐನಲ್ಲಿ ಟಿ.ಆರ್. ಆನಂದ್ ಅವರ ಪ್ರತಿಪಾದನೆ.

. ‘42 ಎಕರೆಯಲ್ಲಿ 4 ಎಕರೆ 4 ಗುಂಟೆ ಶೃಂಗೇರಿ ಶಿವಗಂಗೆ ಪೀಠದ ಆಸ್ತಿಯೂ ಸೇರಿದೆ.ಅಕ್ರಮವಾಗಿ ಮಾರಾಟ ಮಾಡಿದ್ದ ಮಠದ ಜಾಗವನ್ನು ಮೋಹನ್ ಖರೀದಿಸಿದ್ದಾರೆ. ಹೀಗಾಗೇ ವಿವರ ಮುಚ್ಚಿಟ್ಟಿದ್ದಾರೆ’ ಎಂದು ಆನಂದ್ ಹೇಳಿದರು.

. ಮುಚ್ಚಿಟ್ಟಿಲ್ಲ: ಮೋಹನ್ ‘ಖರೀದಿಸಿದ ಆಸ್ತಿಯನ್ನು ಪಿ.ಸಿ. ರಿಯಾಲ್ಟಿ ಸಂಸ್ಥೆಗೆ ವರ್ಗಾಯಿಸಲಾಗಿದೆ. ಈ ಸಂಸ್ಥೆಯಲ್ಲಿ ಹೂಡಿಕೆ ಮಾಡಿರುವ ವಿಷಯವನ್ನು ಅಫಿಡವಿಟ್ನಲ್ಲಿ ಸಲ್ಲಿಸಿದ್ದೇನೆ. ನಾನು ಆಸ್ತಿ ವಿವರ ಮುಚ್ಚಿಟ್ಟಿಲ್ಲ’ ಎಂದು ಪಿ.ಸಿ. ಮೋಹನ್ ಪ್ರತಿಪಾದಿಸಿದ್ದಾರೆ.

. ‘ಈ ಸಂಸ್ಥೆಯಲ್ಲಿ ನಾನೂ ಭಾಗೀದಾರ.ಆಸ್ತಿಯನ್ನು ಸಂಸ್ಥೆಗೆ ವರ್ಗಾಯಿಸಿದ ಬಳಿಕ ಅದರ ಮೇಲಿನ ಹಕ್ಕನ್ನು ನಾನು ಕಳೆದುಕೊಳ್ಳುತ್ತೇನೆ. ಹಾಗಿದ್ದರೂಪಿ.ಸಿ. ರಿಯಾಲ್ಟಿಯಲ್ಲಿ ಹೂಡಿಕೆ ಮಾಡಿರುವುದು,ಆ ಸಂಸ್ಥೆಯಿಂದ ನನಗೆ ಬಾಕಿ ಬರಬೇಕಿರುವುದನ್ನು ಅಫಿಡವಿಟ್ನಲ್ಲಿ ದಾಖಲಿಸಿದ್ದೇನೆ. ಈ ಜಮೀನಿನಲ್ಲಿ ಬಡಾವಣೆ ನಿರ್ಮಿಸಿ ನಿವೇಶನಗಳನ್ನೂ ಮಾರಾಟ ಮಾಡಲಾಗಿದೆ. ಪಿ.ಸಿ ರಿಯಾಲ್ಟಿ ಹೆಸರಿನಲ್ಲಿ ಖಾತಾ ಕೂಡ ಆಗಿದೆ’ ಎಂದಿದ್ದಾರೆ.

. ನೋಟಿಸ್ ‘ಮೋಹನ್ ಹೊಂದಿರುವ ಜಮೀನಿನಲ್ಲಿ ಶೃಂಗೇರಿ ಶಿವಗಂಗೆ ಪೀಠದ ಆಸ್ತಿಯೂ ಇದೆ. ಈ ವಿವಾದಿತ ಜಮೀನಿನ ವಿನ್ಯಾಸ ನಕ್ಷೆಗೆ ನೀಡಿರುವ ಅನುಮೋದನೆ ರದ್ದುಗೊಳಿಸಬೇಕು’ ಎಂದು ಉಪನಗರ ವರ್ತುಲ ರಸ್ತೆ ಯೋಜನಾ ಪ್ರಾಧಿಕಾರಕ್ಕೆ (ಎಸ್ಟಿಆರ್ಆರ್) ಟಿ.ಆರ್. ಆನಂದ್ ದೂರು ನೀಡಿದ್ದಾರೆ. ಈ ಸಂಬಂಧ ಮೋಹನ್ಗೆ ನೋಟಿಸ್ ನೀಡಿರುವ ಎಸ್ಟಿಆರ್ಆರ್, 30ದಿನದೊಳಗೆ ಉತ್ತರ ನೀಡುವಂತೆ ಸೂಚಿಸಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಆಸ್ತಿ ವಿವರ ಮುಚ್ಚಿಟ್ಟ ಸಂಸದ ಪಿ.ಸಿ. ಮೋಹನ್?

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಚುರುಮುರಿ | ಬದಲಾವಣೆ ಕ್ರಾಂತಿ!

ಭದ್ರತಾ ಪರಿಸ್ಥಿತಿಯ ಬಗ್ಗೆ ಬಿಸಿಸಿಐ ಕಳವಳ: ಬಾಂಗ್ಲಾ ಪ್ರವಾಸ ಮುಂದೂಡಿಕೆ ಸಾಧ್ಯತೆ

ವಿಶ್ವ ನಂ.1 ಕಾರ್ಲ್‌ಸನ್‌ಗೆ ಸೋಲುಣಿಸಿದ ಗುಕೇಶ್‌

IND vs ENG: ಜೇಮಿ ಸ್ಮಿತ್ 80 ಎಸೆತಗಳಲ್ಲಿ ಶತಕ,ಭಾರತಕ್ಕೆ ಆಂಗ್ಲರ ಪಡೆ ತಿರುಗೇಟು

ಗುಕೇಶ್ ವಿರುದ್ಧ ಸೋಲು; ಚೆಸ್ ಆನಂದಿಸುತ್ತಿಲ್ಲ ಎಂದ ವಿಶ್ವನ ನಂ.1ಆಟಗಾರ ಕಾರ್ಲಸನ್

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಚುರುಮುರಿ | ಬದಲಾವಣೆ ಕ್ರಾಂತಿ!