ಬೆಂಗಳೂರು: ಆಂಧ್ರಪ್ರದೇಶ, ಕೇರಳ, ತಮಿಳುನಾಡು ರಾಜ್ಯಗಳಲ್ಲಿರುವ ಮಾದರಿಯಲ್ಲೇ ಕರ್ನಾಟಕದ ಸರ್ಕಾರಿ ಪ್ರಾಥಮಿಕ ಶಾಲೆಗಳ ಮುಖ್ಯೋಪಾಧ್ಯಾಯರಿಗೆ ಪ್ರತ್ಯೇಕ ವೇತನ ಶ್ರೇಣಿ ನಿಗದಿ ಮಾಡಬೇಕು ಎಂದು ಒತ್ತಾಯಿಸಿ ರಾಜ್ಯ ಸರ್ಕಾರಿ ಹಿರಿಯ ಹಾಗೂ ಪದವೀಧರೇತರ ಪ್ರಾಥಮಿಕ ಶಾಲಾ ಮುಖ್ಯೋಪಾಧ್ಯಾಯರ ಸಂಘ ರಾಜ್ಯ ಆರನೇ ಅಧಿಕಾರಿಗಳ ವೇತನ ಆಯೋಗದ ಅಧ್ಯಕ್ಷ ಸುಬೀರ್ ಹರಿಸಿಂಗ್ ಅವರಿಗೆ ಮನವಿ ಸಲ್ಲಿಸಿತು.
ಶಾಲೆಗಳಲ್ಲಿ `ಡಿ~ ದರ್ಜೆಯ ನೌಕರರಿಲ್ಲದ ಕಾರಣ ಅವರು ನಿರ್ವಹಿಸಬಹುದಾದ ಕೆಲವು ಕಾರ್ಯಗಳನ್ನೂ ಮುಖೋಪಾಧ್ಯಾಯರೇ ಮಾಡುತ್ತಿದ್ದಾರೆ.
ಈ ಹಿನ್ನೆಲೆಯಲ್ಲಿ ಮುಖ್ಯೋಪಾಧ್ಯಾಯರಿಗೆ 30 ದಿನಗಳ ಗಳಿಕೆ ರಜೆ ನೀಡಬೇಕು ಎಂಬುದನ್ನೂ ಇತ್ತೀಚೆಗೆ ಸಲ್ಲಿಸಲಾದ ಮನವಿಯಲ್ಲಿ ಪ್ರಸ್ತಾಪಿಸಲಾಗಿದೆ ಎಂದು ಸಂಘದ ಪ್ರಧಾನ ಕಾರ್ಯದರ್ಶಿ ಎಲ್. ಅಶ್ವತ್ಥಯ್ಯ ಮತ್ತು ಅಧ್ಯಕ್ಷ ಕೆ. ಕೃಷ್ಣಪ್ಪ ಅವರು ಜಂಟಿ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.