ತಾಲಿಬಾನ್ಗಳ 1996-2001ರ ಅಧಿಕಾರವಧಿಯಲ್ಲಿ ಮಹಿಳೆಯರ ಮೇಲೆ ಹಲವು ನಿರ್ಬಂಧಗಳನ್ನು ಹೇರಲಾಗಿತ್ತು. ಇದರಲ್ಲಿ ಹೆಣ್ಣು ಮಕ್ಕಳ ಶಿಕ್ಷಣ ನಿರಾಕರಣೆಯೂ ಒಂದಾಗಿತ್ತು. ಆದರೆ, ಈ ಬಾರಿಯ ಸರ್ಕಾರ ವಿಭಿನ್ನವಾಗಿರುವುದಾಗಿಯೂ, ತಾವು ಬದಲಾಗಿರುವುದಾಗಿಯೂ ತಾಲಿಬಾನ್ಗಳು ಹೇಳಿಕೊಂಡಿದ್ದಾರೆ. ಆದರೆ, ಇತ್ತೀಚೆಗೆ ಶಾಲೆಗಳನ್ನು ಪುನಾರಾರಂಭಿಸಿದ್ದ ತಾಲಿಬಾನ್ಗಳು ಬಾಲಕರಿಗೆ ಮಾತ್ರವೇ ಅವಕಾಶ ನೀಡಿದ್ದರು. ಹೀಗಾಗಿ ‘ನಾವು ಬದಲಾಗಿದ್ದೇವೆ,’ ಎಂಬ ತಾಲಿಬಾನ್ಗಳ ಮಾತಿನ ಮೇಲೆ ಅನುಮಾನಗಳು ಮೂಡಿವೆ.