ಲಂಡನ್: ಬ್ರಿಟನ್ನಲ್ಲೇ ಅತ್ಯಂತ ಉತ್ತಮ ಪೋಷಾಕು ತೊಡುವವರ(ಬೆಸ್ಟ್ ಡ್ರೆಸ್ಡ್–2023) ಪಟ್ಟಿಯನ್ನು ಜನಪ್ರಿಯ ನಿಯತಕಾಲಿಕೆಯೊಂದು ಬಿಡುಗಡೆ ಮಾಡಿದ್ದು, ಬ್ರಿಟನ್ ಪ್ರಧಾನಿ ರಿಷಿ ಸುನಕ್ ಅವರ ಪತ್ನಿ ಹಾಗೂ ಇನ್ಫೊಸಿಸ್ ಸಹಸಂಸ್ಥಾಪಕ ನಾರಾಯಣಮೂರ್ತಿ, ಸುಧಾಮೂರ್ತಿ ದಂಪತಿಯ ಪುತ್ರಿ ಅಕ್ಷತಾ ಮೂರ್ತಿ ಮೊದಲ ಸ್ಥಾನ ಪಡೆದಿದ್ದಾರೆ.
ಬ್ರಿಟನ್ನ ಟ್ಯಾಟ್ಲರ್ (Tatler) ನಿಯತಕಾಲಿಕೆ 'ಬೆಸ್ಟ್ ಡ್ರೆಸ್ಡ್–2023' ಪಟ್ಟಿಯನ್ನು ಸಿದ್ಧಪಡಿಸಿದ್ದು, ಬ್ರಿಟನ್ ಮಹಿಳಾ ಉದ್ಯಮಿಗಳು, ನಟ, ನಟಿಯರು ಸೇರಿ 25 ಮಂದಿ ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ. ನಿಯತಕಾಲಿಕೆಯ ಸೆಪ್ಟೆಂಬರ್ನ ಸಂಚಿಕೆಯಲ್ಲಿ ಇದು ಪ್ರಕಟವಾಗಲಿದೆ.
ಪಟ್ಟಿಯಲ್ಲಿ ಅಕ್ಷತಾ ಮೂರ್ತಿ ಹೆಸರು ಮೊದಲಿಗಿದ್ದು, ಅಕ್ಷತಾ ಅವರ ಜೊತೆಗೆ ಕೆನಡಾದ ಉದ್ಯಮಿ ಯಾನಾ ಪೀಲ್, ಲೇಡಿ ಡಾಲ್ಮೆನಿ, ಪ್ರಿನ್ಸೆಸ್ ಬೀಟ್ರಿಸ್ ಅವರ ಪತಿ ಎಡೋರ್ಡೊ ಮಾಪೆಲ್ಲಿ ಮೊಝಿ ಮತ್ತು ನಟಿ ಬಿಲ್ ನಿಘಿ ಅವರ ಹೆಸರು ಕೂಡ ಇದೆ.