ಆಸ್ಟ್ರಿಯಾ: ಐಎಸ್‌ ನಂಟಿನ ಉಗ್ರ ಜಾಲ ಪತ್ತೆ 

ಶಂಕಿತರು ಮೂಲಭೂತವಾದಿ, ಭಯೋತ್ಪಾದಕ ನಡವಳಿಕೆಗಳನ್ನು ಹೊಂದಿರುವುದು ತನಿಖೆಯಿಂದ ಗೊತ್ತಾಗಿದೆ ಎಂದು ಆಸ್ಟ್ರಿಯಾದ ಗುಪ್ತಚರ ಸೇವೆ ಡಿಎಸ್ಎನ್ ತಿಳಿಸಿದೆ. ಇನ್ನೂ ಹೆಚ್ಚಿನ ತನಿಖೆ ನಡೆಸುತ್ತಿರುವುದಾಗಿಯೂ ಅದು ಹೇಳಿದೆ. ಆದರೆ, ಶಂಕಿತರ ಕುರಿತ ಹೆಚ್ಚಿನ ವಿವರಗಳನ್ನು ಬಹಿರಂಗಪಡಿಸಿಲ್ಲ. 

‘ಶಂಕಿತ ಉಗ್ರರು 15 ರಿಂದ 23 ವರ್ಷ ವಯಸ್ಸಿನವರಾಗಿದ್ದು, ಉತ್ತರ ಆಸ್ಟ್ರಿಯಾದ ಲಿಂಜ್ ನಗರದ ಬಳಿ ನೆಲೆಸಿದ್ದರು. ಐಎಸ್ ಮತ್ತು ಅದರ ಅಪರಾಧ ಚಟುವಟಿಕೆಗಳಿಗೆ ದೀರ್ಘಕಾಲದಿಂದಲೂ ನೇಮಕಾತಿಗಳನ್ನು ನಡೆಸುತ್ತಿದ್ದರು. ಮಸೀದಿ ಅಥವಾ ಪ್ರಾರ್ಥನಾ ಕೊಠಡಿ ಸ್ಥಾಪಿಸಲು ಯೋಜಿಸಿದ್ದರು’ ಎಂದು ಗುಪ್ತಚರ ಇಲಾಖೆ ತಿಳಿಸಿದೆ.

ಆಸ್ಟ್ರಿಯಾದ ಗೌಪ್ಯತೆ ನಿಯಮಗಳ ಪ್ರಕಾರ ಶಂಕಿತರ ಗುರುತನ್ನು ಬಹಿರಂಗಪಡಿಸುವಂತಿಲ್ಲ. ಹೀಗಾಗಿ ಅಧಿಕಾರಿಗಳು ಯಾವುದೇ ವಿವರ ನೀಡಿಲ್ಲ. ಆದರೆ, ಅವರು ಆಸ್ಟ್ರಿಯಾ, ಟರ್ಕಿ, ಇರಾಕ್, ರಷ್ಯಾ ಮತ್ತು ಕ್ರೊವೇಷಿಯಾದಿಂದ ಬಂದವರಾಗಿದ್ದಾರೆ ಎಂದು ಆಸ್ಟ್ರಿಯಾದ ಸುದ್ದಿ ಸಂಸ್ಥೆ ಎಪಿಎ ವರದಿ ಮಾಡಿದೆ.