ವಾಯುನೆಲೆ ದಾಳಿ ಸಂಚು ವಿಫಲಗೊಳಿಸಿದ ಪಾಕ್‌ ಭದ್ರತಾ ಪಡೆ

ಬಲೂಚಿಸ್ತಾನದ ಪ್ರಕ್ಷುಬ್ಧ ನಗರ ಟರ್ಬಾಟ್‌ನಲ್ಲಿಯ ಪಿಎನ್‌ಎಸ್‌ ಸಿದ್ದಿಕಿ ನೌಕಾನೆಲೆ ಮೇಲೆ ಮೂರು ಕಡೆಗಳಿಂದ ದಾಳಿ ನಡೆಸಲು ಸಶಸ್ತ್ರ ಬಂಡುಕೋರರ ಪಡೆ ಸಂಚು ರೂಪಿಸಿತ್ತು. ತ್ವರಿತವಾಗಿ ಕಾರ್ಯಾಚರಣೆಗಿಳಿದ ಭದ್ರತಾ ಸಿಬ್ಬಂದಿಯು ಈ ಸಂಚು ವಿಫಲಗೊಳಿಸಿದರು ಎಂದು ಸೇನಾ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಜೊತೆಗೆ ನೌಕಾನೆಲೆಗೆ ಯಾವುದೇ ಹಾನಿಯಾಗಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. 

ಈ ವೇಳೆ, ಅರೆಸೇನಾಪಡೆಯ 24 ವರ್ಷ ವಯಸ್ಸಿನ ಯೋಧ ಮೃತಪಟ್ಟಿದ್ದಾನೆ ಎಂದು ಹೇಳಲಾಗಿದೆ.

ಸೋಮವಾರ ಇಡೀ ರಾತ್ರಿ ಗುಂಡಿನ ಕಾಳಗ ಮತ್ತು ಸ್ಫೋಟದ ಸದ್ದು ಕೇಳಿದೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.