ಬಾಲ್ಟಿಮೋರ್‌ (ಅಮೆರಿಕ): ಬಾಲ್ಟಿಮೋರ್‌ನಲ್ಲಿ ಭಾನುವಾರ ನಸುಕಿನಲ್ಲಿ ನಡೆದ ಸಾಮೂಹಿಕ ಗುಂಡಿನ ದಾಳಿಯಲ್ಲಿ ಇಬ್ಬರು ಮೃತಪಟ್ಟಿದ್ದು, 28 ಜನರು ಗಾಯಗೊಂಡಿದ್ದಾರೆ. ಇದರಲ್ಲಿ ಮೂವರ ಸ್ಥಿತಿ ಗಂಭೀರವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ದಕ್ಷಿಣ ಬಾಲ್ಟಿಮೋರ್‌ನ ಬ್ರೂಕ್ಲಿನ್ ಹೋಮ್ಸ್ ಪ್ರದೇಶದಲ್ಲಿ ನಸುಕಿನ 12.30ರಲ್ಲಿ ನೆರೆಹೊರೆಯವರೆಲ್ಲ ಸೇರಿ ನಡೆಸುತ್ತಿದ್ದ ಸಂತೋಷಕೂಟದಲ್ಲಿ ಭಾಗವಹಿಸಿದ್ದವರ ಮೇಲೆ ಗುಂಡಿನ ದಾಳಿ ನಡೆದಿದೆ ಎಂದು ಪ್ರಭಾರ ಪೊಲೀಸ್‌ ಕಮಿಷನರ್‌ ರಿಚರ್ಡ್‌ ವರ್ಲಿ ತಿಳಿಸಿದ್ದಾರೆ.
ಗುಂಡಿನ ದಾಳಿ ನಡೆದ ತಕ್ಷಣ ಯಾರನ್ನೂ ಬಂಧಿಸಿಲ್ಲ. ದಾಳಿಗೆ ಕಾರಣರಾದವರ ಬಗ್ಗೆ ತನಿಖಾಧಿಕಾರಿಗಳಿಗೆ ಮಾಹಿತಿ ನೀಡುವಂತೆ ನಾಗರಿಕರಲ್ಲಿ ನಗರದ ಮೇಯರ್‌ ಬ್ರಾಂಡನ್‌ ಸ್ಕಾಟ್‌ ಮನವಿ ಮಾಡಿದ್ದಾರೆ.
