ಚುನಾವಣಾ ಸವಾಲು ಇನ್ನೂ ಮುಗಿದಿಲ್ಲ: ಡೊನಾಲ್ಡ್ ಟ್ರಂಪ್

'ಇನ್ನೂ ಮುಗಿದಿಲ್ಲ, ನಾವು ಮುಂದುವರಿಯುತ್ತೇವೆ' ಎಂದು ಭಾನುವಾರ ಫಾಕ್ಸ್ ನ್ಯೂಸ್‌ಗೆ ನೀಡಿದ ಸಂದರ್ಶನದಲ್ಲಿ ಹೇಳಿದರು.

ಜೋ ಬಿಡನ್ ಗೆದ್ದ ಪ್ರಮುಖ ರಾಜ್ಯಗಳ ಅಧ್ಯಕ್ಷೀಯ ಚುನಾವಣೆ ಫಲಿತಾಂಶಗಳನ್ನು ರದ್ದುಗೊಳಿಸಬೇಕು ಎಂದು ಸಲ್ಲಿಸಲಾಗಿದ್ದ ಮನವಿಯನ್ನು ಅಮೆರಿಕ ಸುಪ್ರೀಂ ಕೋರ್ಟ್ ತಿರಿಸ್ಕರಿಸಿರುವ ಬೆನ್ನಲ್ಲೇ ಡೊನಾಲ್ಡ್ ಟ್ರಂಪ್ ಅವರಿಂದ ಇಂತಹದೊಂದು ಹೇಳಿಕೆ ವ್ಯಕ್ತವಾಗಿದೆ.

ಇದನ್ನೂ ಓದಿ:ಅಮೆರಿಕದಲ್ಲಿ ರೈತ ಬೆಂಬಲಿತ ಹೋರಾಟದ ವೇಳೆ ಖಲಿಸ್ತಾನಿಗಳಿಂದ ಗಾಂಧಿ ಪ್ರತಿಮೆ ವಿರೂಪ

ಅಕ್ರಮವಾಗಿ ಮತ ಚಲಾಯಿಸಿರುವ ಬಗ್ಗೆಯೂ ಡೊನಾಲ್ಡ್ ಟ್ರಂಪ್ ಆರೋಪ ಮಾಡಿದ್ದು, ಮತಗಳನ್ನು ಪ್ರಮಾಣೀಕರಿಸಲು ಸಾಧ್ಯವಿಲ್ಲ. ಹಾಗಾಗಿ ಈ ಚುನಾವಣೆಯನ್ನು ಪ್ರತಿಭಟಿಸಲಾಗುತ್ತಿದೆ ಎಂದರು.

ಈ ಬಗ್ಗೆ ಟ್ವೀಟ್ ಮಾಡಿರುವ ಟ್ರಂಪ್, ಜೋ ಬಿಡೆನ್ ಗೆದ್ದ ರಾಜ್ಯಗಳಲ್ಲಿ ಅನೇಕ ಮಂದಿ ಅಕ್ರಮವಾಗಿ ಮತ ಚಲಾಯಿಸಿದ್ದಾರೆ. ನಕಲಿ ಮತಪತ್ರಗಳಿಂದ ಮತಪೆಟ್ಟಿಗೆ ತುಂಬಲಾಗಿದೆ. ಈ ಮತಗಳನ್ನು ಸಂಪೂರ್ಣವಾಗಿ ಕಾನೂನುಬದ್ಧವಾಗಿ ಪ್ರಮಾಣೀಕರಿಸಲು ಸಾಧ್ಯವಿಲ್ಲ ಎಂದು ಹೇಳಿದರು.